فندق تتنانك ممتاز وخدمه مميزة واكوا تمام والبحر فوق الممتاز والديسكو والمطاعم اكل ممتاز ونحن نريد العودة مرة اخرى للاستمتاع والجيم والاسبا ممتاز والالعاب الاكوا الاطفال والكبار ممتاز وشكرا جدا لجروب فندق تيتانك

قريه رائعه ومبهجه وممتازة وعجبتنا جدا
انيمشن تيم ممتع جدا وممتاز في كل فقراته
الاكوابارك كبيره وممتعه للكبار والصغار واطفالنا اتبسطوا جدا
واحنا حبينا المكان جدا وهنرشحه لكل اصحابنا وهنيجي هنا تاني قريب جدا

من احسن الفنادق اللى رحتها فى حياتى ليه بقى
نبدأ بالريسبشن وصلنا الساعه ١٠ ونص والتسكين مخدش ربع ساعه كنا مستلمين الغرف وطبعا بفضل الاستاذه ايمان اللى سلمتنا غرف بول فيو كانت جنب البيسنات تحفه
الغرفه بقى نظيفه جدا الشاشه ٤٢ بوصه وخدمه الغرف بقى ناس فى قمه الأدب والاحترام الاستاذ طلعت تعبنا جدا معانا

طبعا طلعت من الغرفه لقيت الفوم بارتي جريت عليها كانت تحفه جدا
بعد كده بقى
الاكوا بارك
بقى دى حاجه وهم كتير جدا حوالى ١٥ لعبه للكبار أجمل من بعض بس فيهم صعبين جدا وكل لعبه فيها جارد مسؤل عنها واحد فوق وواحد تحت
والأطفال حوالى ٢٠ لعبه كلهم حلوين دا

وكان فى زوديك فى البسين اول مره اجربو بس كان تحفه
ورحنا البحر خدنا باص دقيقتين بالظبط دخلنا فندق تايتنك رويال وكان كويس جدا للى بيحب البحر علشان رملى
الاكل بقى من احسن المطاعم اللى ممكن تلاقيها فى اى فندق
الاكل كتير جدا متنوع كل يوم /يوم خروف ويوم مهرجان فراخ محشيه و لحوم بارده ويوم كفته مشويه تحفه جدا وكل يوم كان فى شاورما لحمه او فراخ
وكان فى مطعم ايطالى للبيتزا والمكرونه والهمبرجر واللحمه الاستيك
ومطعم منغولي
ومطعم I cook تشوى بنفسك الاكل بتاعك
واه نسيت الحلويات بقى دى حاجه خرافه كل يوم تنوع وتورت كتير وتارت وأم على
لا وكمان لقينا مكسرات فندق وبندق وعين جمل
وجميع انواع الفاكهه
وندخل بقى على احلى سهرات مع احلى فريق انيميشن كل يوم بقيادة مستر تيتو ده بقى فاكهه الفندق فعلا فى الضحك وكان معاه ٤ فى فريق الانميشن أجنبى
وتبقى مش عايزها تخلص