انا مش هقول كتير ولا هحكي بس انا هقول المفيد بس وصدقوني انا بنزل الغردقه ليه 7 مرات بس اول مارة انزل سندباد الفندق ده من اول فندق في الغردقه في الجوده والاحترام والخدمه
الفندق ده فيه كل حاجه حلوه بجد من العاب وافراد ناس محترمه وذوق وخصوصا الانيميشن كيمو
Hilton
Hotels.com
Booking.com
انا كنت نازل في سندباد بصراحه فندق جامد قوي وناس محترمه والتعامل ممتاز والأكل تحفه والغرف ممتازة والاكوا بارك جامد جدا عايز قلب ميت.... ونقول علي اهم حاجه في الفندق الانيميشن وبس الانيميشن يعني الفرح والضحك والهزار يعني الجدعنه يعني مهما قولت الانيميشن وبس هو احلا حاجه في الفندق وخصوصا كيمو الرجولة الجدعنه والزووووق والهزار ال هيموتك من الضحك فيدو والهزار والضحك
من اسوء واردأ الفنادق التي قمت بزيارتها ...فعلا ندمت علي اقامتي به وللاسف لا يوجد امكانيه لي بالغاء الحجز بسبب اني عند اقامتي بالحجز اخذت وقت طويل جدا للتسكين ما بالك من انك هتلغي حجز وهتمشي وهترجع فلوس منهم .....والاكل لا يطاق ولا يستطعم
Dear tivoly mido
Thank you for taking the time to report your experience at Sindbad Club. We have a number of quality management systems in place but we rely the most on initiatives such as yours in order to monitor and improve our guest experience. Your comments was taken into consideration and will be integrated in our future developments. It is very important for us that our guests’ experiences are shared, thank you and hope to see you again
المكان حلو وجميل وبه حمام سباحة وألعاب أكوا بارك للأطفال والمطاعم كويسة و يوجد بها أطعمة متنوعة ... ولكن معاملة الموظفين بالفندق للمصريين غير لائقة بخلاف معاملتهم مع الأجانب طبعاً ... والغرف بالفندق كويسة إلي حد ما لكن محتاجين لتغيير الأساس .
١- الفندق كبير جدا
٢- الأكوا بارك جميلة جدا و هي المكان الوحيد اللي بيعمل بكفاءة عالية حقيقية و دون مشاكل
٣ المطاعم :
الفندق فيه اكتر من مطعم لكن لما بتروح المكان بتكتشف انك مسموح لك تروح اتنين بس و الباقي بالحجز المسبق ( الحجز على شاشات في الريسييشن و غالبا معلقة و لا تعمل ) و الحجز ده هو المقلب الكبير . في المطعم اللبناني بالحجز و الاكل سيّء جداً و باين انه قديم و بايت
بس الاكل في المطاعم التانيه ( كابانا و المطعم اللي على البيتش و المطعم الوحيد المخصص للعشاء عموماً جيد فيما عدا اللحوم . السمك معقول
٤- البيسين الكبير اللي صورته في اعلان الفندق ، و هو أكبر و أحلى بيسين في الفندق ، لما بتوصلوا الفندق بتكتشفوا انه مخصص للاجانب فقط ، و لا يسمح بدخول المصريين إلا بعد دفع ٢٥٠ جنيه للفرد في الْيَوْمَ
٥- كل البيسينات و الشاطئ بيقفلوا الساعة خمسة و نص و ده بدري جداً ( ما عدا بيسين الأجانب ممكن يفضل ساعة زيادة )
٦ - أغلب العاملين معاملتهم سيئة جداً من اصغر واحد . و ما عندهمش حلول لأي مشكلة ممكن تواجهك و على طول يقولوا مالناش دعوة و ده اتكرر معايا في المشاكل اللي جايه كلها
٧- العادي و الطبيعي ان الحمامات في الفندق مافيهاش صابون و لا مناديل . ده غير ان الحمامات بعيدة جداً عن اغلب المطاعم و البيسين و الشاطئ . بعيدة جدا و اصلا الغرف بعيدة عن المطاعم و البيسين و الشاطئ . ( اللي معاهم كبار سن لازم يفكروا في الموضوع )
٨ - السلطة في المطعم كانت بايزه بس الحقيقة شالوها لما قلنا لهم خوفا على حياة الناس طبعا
٩ - في المطعم العامل قرر انه ما يشغلش ماكينة البيبسي . هو متاكد طبعا مافيش حد حيكلمه
١٠ - في المطعم برده العامل قرر ما يجيبش ثلج ، فبقينا نشرب البيبسي و المياه سخنة
١١- لو ما ادتش عمال الهاوس كيبينح فلوس مش حيعبروك قي صابون ولا فوط و لا مياه خالص
١٢ - العفش شكله قديم لا يتناسب مع مستوى الأربع نجوم
١٣ - العامل المسئول عن ماكينة البيبسي و العصير ساب الأطفال يشربوا من الماكينة على طول و لما كلمته قال لي لما تطلبي حاصب لك من الازازة مش من هنا !!!!
١٤- مشكلة الفندق الحقيقية تتلخص في الادارة . الادارة فاشلة و لا تحاسب احد ، فكل واحد بيعمل اللي هو عايزه . و بيغلطوا و مديرينهم واقفين عادي
١٥- الخلاصة انك تحس انك مدايق اغلب الوقت و عارف ان المشاكل كتير و مالهاش حل . مع ان الأوتيل غالي مش رخيص
لن أكرر اللاقامة فيه طبعا و لا انصح بالإقامة فيه
فندق جيد جدا لمحبى الاكوا فيوجد به اكوا متنوعه واكوا الاطفال كمان مميزه لانه يوجد حمامان سباحه للاطفال واحد به ثلاثه اكوا صغيره والاخر به الجردل وايضا اكوا صغيره كما يوجد ايس كريم من 10 صباحا ل 5 مساء كمان بالليل بعد مسرح الاطفال وخلال عروض الانيميشن يوجد فى نفس المكان ركن كبير العاب خاصه لهم مجانا والاسناكس مناسب لهم ايضا لوجود البطاطس التى يحبونها
الفندق مناسب جدا كمان للشباب وكان ملاحظ فعلا وجود مجموعات شبابيه كثيره
عدد المصريين كان كثيرا جدا واجانب قليلين ولكى يعضيهم بعض الخصوصيه حصص لهم جمام السباحه الرئيسي ولكى لاثصطدم الاداره مع المصريين كانت تقول نحن لانمنع احد من الدخول لكن لكى تستخدم البيسين والمطعم هناك رسوم 250ج للفرد وكمان بشرط نزول البيسين بالبيكينى ولو موافق ادفع والتزم بالشرط واتفضل ادخل
انما من حق الاجانب التمتع بالاكوا والبيسين الموجه
كمان فيه سندباد بيتش متاح ويوجد به 3 اكوا والبحر به هادى ومناسب للكبار والصغار وهو متاح لحين الانتهاء من تجديده ويقال انه عند الانتهاء من التجديد لن يسمح بدخوله الا لمن يقيم فيه فقط
موقع الفندق على الممشى فسهل الخروج للسهر كل يوم
الاكل سئ وغير متنوع واداره الفندق غير مقتنعه بذلك انما الى يخفف من هذا العيب ان تحجز كل يوم فى المطاعم الخاصه وهم 3 لبنانى وايطالى وتايلندى مجانا وطريقه الحجز من على شاشات موجوده فى الريسبشن الساعه 8 صباحا وتقفل عند اكتمال العدد (مش مميزين بس احسن من العام ) والفطار ماشى الحال جبن واومليت وخلافه المعاناه ستكون فى الغذاء
ايضا العاملين فى الاكوا عددهم قليل جدا لابد من مضاعفه العدد لكن هذا لايمنع من انهم وكل العاملين فى القريه متعاونين وبشوشين
الغرف جيده ومساحتها كويسه لكن محتاجه تجديد كامل للاثاث والتلفزيون ايضا قديم
ملحوظه الفندق يهتم جدا بالمغادره الساعه 12 وان يقطع اسوره اليد وياخذها ليضمن عدم دخولك الاكوا او الغذاء
ضيفنا العزيز
لسيادتكم جزيل الشكر والتقدير، فقد سعدت بما ورد برسالتكم كما أسعدت فريق الفندق جميعاً.
كل الامنيات الطيبة للعائلة نيابة عن فريق العمل . وسنظل نترقب عودتكم
