الفندق فعلا يستحق ال٤ نجوم
الإقامة كانت حلوة بس مش مستوى ال٥ نجوم اللي نزلت فيه قبل كده لكن بالنسبة بسعره فهو عرض تحفة:
- إطلالة الغرفة كانت حمام السباحة الرئيسي والغرفة حلوة مش فرش قديم لكن للاسف الحمام مكنش متنضف كويس والشطافة فيه مش مظبوطة
- معظم الموظفين ودودين وبيتعاملوا باحترام ما عدا ناس قليلة بتتعامل بأسلوب "كل سنة وانت طيب" بطريقة زيادة شوية
- الفندق صف ثاني بس البحر بتاعه تحفة وفي سناكس حلوة وايس كريم بس البرجر مكنش حلو و العيش كان بايت باقي الأصناف حلوة
- الاكوا جميلة وحمام السباحة الأمواج الصناعية حلو اوي
- كان في أشغال اجنبي كتير وفي مصريين برضوا بس في تفاوت شوية في الطبقات لكن المستوى في المجمل كويس
- الاكل كان في مطعمين بيقدموا نفس الأصناف بس من تجربتي طول الإقامة .. المطعم (فخر الدين اظن) الاكل فيه كان احلى كتير من المطعم الرئيسي والقعدة اهدى لأن المطعم الرئيسي زحمة
- إجراءات كورونا موجودة من كل الستاف لابسين كمامات وفي كحول موجود في المداخل الاسانسير والمطعم لكن محدش من النزلاء سواء مصريين أو أجانب بيطبق اي إجراءات احترازية ومفيش تباعد خالص

في المجمل التجربة كانت جميلة والفندق ارشحه لمستوى ال٤ نجوم في الغردقة

للمرة الثالته في سندباد ولكن هذه المرة مختلفه تماما مزيد من حفاوت الإستقبال والترحيب المكان نظيف وهادي الغرفه جميلة جدا فعلا تستطيع الاستمتاع بالمكان والأهم من كل هذا اهتمام العاملين بالإجراءات الاحترازية والتعقيم لكل شي مما يشعرنا بالاطمئنان وكالعادة مستوي الطعام أكثر من رائع ومتنوع والخدمة في مطعم جستو ممتازة جدا جدا وعلي اعلي مستوي والعاملين في منتهي الذوق في التعامل ويبذلون أقص جهد لإرضاء النزلاء واليوم ومع آخر ليله في الفندق كانت المفاجأة في المطعم ومظاهر الاحتفال بعيد الحب المكان كان أكثر من رائع وفي منتهي الجمال كل شي مبهر ونخص بالشكر الأستاذ سند علي تعاونه معنا وتعامله بمنتهي الذوق والاحترام وقررت الأسرة قضاء عيد الحب القادم في سندباد وان شاء الله الزيارة القادمة في العيد