بصراحه انا اول مره اروح فيه وكان اللي يهمني ان الفندق يكون فيه اكل متنوع و جوده معقوله و اكوا كويسه واهم حاحه عندي البحر يكون رملي مش صخري و فعلا لقيت كل ده في الفندق و كانت اجازه ممتازه الحمد لله و العاملين في الفندق اغلبهم ممتازين و تعاملهم كويس جدا بصراحه كنت بعذرهم جدا كانوا مضغوطين جدا لكن كانوا زي النخل كانوا بيحاولوا علي ارضاء كل الناس فعلا تجربه كويسه وان شاءالله حتكرر تاني وتالت
ضيفنا العزيز
تحية طيبة مهداة لسيادتكم
نشكركم لاهتمامكم المتميز وعلى حضوركم الكريم ومروركم الرائع . آملين امتداد التواصل معنا ،
نتمنى أن نرحب بكم دائماً ضيوفاً أعزاء
انا سعيدة جدا السنه دي من السندباد لأن لاقيت اهتمام اكتر من الاول والخدمة افضل من السنوات الماضية واحب اشكر بالاخص أ/ليزا مسؤلة الحجز علي كل حاجة قدمتها وصبرها معايا واول مرة بصراحة الاقي في السندباد حد مهتم بالعملاء زي ليزا واحب اشكرها كمان علي اهتمامها بعيد ميلاد ابني ميرسي كتير ليزا مسؤلة الحجز بالتوفيق دايما
ضيفنا العزيز لكم كل الشكر والتقدير لمشاركتم الفعالة. نحن سعداء لوجودكم بيننا. نتمنى أن نرحب بكم دائماً ضيوفاً أعزاء مع خالص التحية والإحترام
الفندق رائع هذا العام الغرف رائعه ونظيفة والاثاث جيد جدا طعام جيد جدا خدمة فوق الرائعة الشاطيء ممتاز والاكوابارك ممتعة الحجز مع mr abanub. ممتاز جدا متابعة بعد الحجز وطول فتره الاقامة شكرا sindbadclub
ضيفنا العزيز لكم كل الشكر والتقدير لمشاركتم الفعالة. نحن سعداء لوجودكم بيننا. نتمنى أن نرحب بكم دائماً ضيوفاً أعزاء مع خالص التحية والإحترام
بصراحه المكان ممتاز والأكل والمطاعم حلوه جدا والعاملين ودودين ومتعاونينن جدا واخص بالذكر استاذ خالد صفوت كل شيء رائع
الغرف نظيفه الشاطئ رملي واسع.
الالعاب المائيه متعددة وتناسب جميع الاعمار
المطعم الآسيوي رائع
الشاطئ قريب جدا
تجربه جميله جدا وتسعي لتكرارها
ضيفنا العزيز
تحية طيبة مهداة لسيادتكم
نشكركم لاهتمامكم المتميز وعلى حضوركم الكريم ومروركم الرائع . آملين امتداد التواصل معنا ،
نتمنى أن نرحب بكم دائماً ضيوفاً أعزاء
الفندق فعلا يستحق ال٤ نجوم
الإقامة كانت حلوة بس مش مستوى ال٥ نجوم اللي نزلت فيه قبل كده لكن بالنسبة بسعره فهو عرض تحفة:
- إطلالة الغرفة كانت حمام السباحة الرئيسي والغرفة حلوة مش فرش قديم لكن للاسف الحمام مكنش متنضف كويس والشطافة فيه مش مظبوطة
- معظم الموظفين ودودين وبيتعاملوا باحترام ما عدا ناس قليلة بتتعامل بأسلوب "كل سنة وانت طيب" بطريقة زيادة شوية
- الفندق صف ثاني بس البحر بتاعه تحفة وفي سناكس حلوة وايس كريم بس البرجر مكنش حلو و العيش كان بايت باقي الأصناف حلوة
- الاكوا جميلة وحمام السباحة الأمواج الصناعية حلو اوي
- كان في أشغال اجنبي كتير وفي مصريين برضوا بس في تفاوت شوية في الطبقات لكن المستوى في المجمل كويس
- الاكل كان في مطعمين بيقدموا نفس الأصناف بس من تجربتي طول الإقامة .. المطعم (فخر الدين اظن) الاكل فيه كان احلى كتير من المطعم الرئيسي والقعدة اهدى لأن المطعم الرئيسي زحمة
- إجراءات كورونا موجودة من كل الستاف لابسين كمامات وفي كحول موجود في المداخل الاسانسير والمطعم لكن محدش من النزلاء سواء مصريين أو أجانب بيطبق اي إجراءات احترازية ومفيش تباعد خالص
في المجمل التجربة كانت جميلة والفندق ارشحه لمستوى ال٤ نجوم في الغردقة
ضيفنا العزيز
تلقينا رسالتكم بكل إحترام و تقدير كما أشكركم على نقدكم البناء وما له من صدى إيجابى على فريق الفندق يجعلنا نسعى إلى الإرتقاء دائما بمستوى الخدمة بالفندق
نتمنى أن نرحب بكم قريبا ضيوفاً أعزاء
مع خالص التحية والإحترام
