الفندق يا دوب ٣ نجوم - لسه راجعة النهاردة (١٥ /٧ / ٢٠١٧) اوضة رقم ٤١٣٠ - الاستقبال قعدنا فيه ٣ سعات لحد ما استلمنا الغرفة - الريسبشن فيه قطة بلدي قاعدة و بتتمشي و لما قلتلهم قالولي حاضر و محدش اتحرك من مكانه و تاني يوم برده لقيتها بتتمشى عادي - خدمة الغرف سيئة جدا ...قعدنا ٤ ايام الاوضة اتنضفت مره واحده و مكنتش نضيفة بردوا ..مع اننا كنا بنطلبها كل يوم و يقولولنا هييجي - بيتحط في غرفة عائلية ازازتين ميه صغيرين (اكوا دلتا ...و طعمها وحش ) ..ولما طلبنا ميه من خدمة الغرف يقولنا مش مسموح ..مع وجود طفلة بحضرلها رضعات ...فبضطر اروح البار املى ازايز كأننا في الترعة :@ - الاوض مفيهاش اضاءة غير في المدخل و الحمام...مفيش اي مصدر اضاءة تاني غير ابجورات و كانت الفيش مش شغاله - البار مش مكييف و الطرق بره الاوض مش مكيفة و علشان اشرب حاجة بروح اعماها في البار و انزل بيها للريسبشن علشان اقعد في مكان مكيف - المطعم ريحته وحشه و الاكل مش منوع ابدا و كفاءة الاكل متوسطة المطعم كان زحمة جدا و لو منزلناش اول وقت الوجبة مش بنلاقي اكل ده غير الطوابير علي الاكل و تخطيف الاكل قبل ما يخلص -منكرش ان الاستف بيشتغلوا بايدهم و سنانهم علشان يغطوا العدد فدي مشكلة امكانيات يتوسعوا في المطعم و يعملوا مطعم تاني ...مشكلة امكانيات - البسين مفيهوش تدفئة -الشاطئ في ظلط في اول كام متر يوقعوا الي داخل ( في جمب الظلط فيه حوالي...الفندق يا دوب ٣ نجوم
- لسه راجعة النهاردة (١٥ /٧ / ٢٠١٧)
اوضة رقم ٤١٣٠
- الاستقبال قعدنا فيه ٣ سعات لحد ما استلمنا الغرفة
- الريسبشن فيه قطة بلدي قاعدة و بتتمشي و لما قلتلهم قالولي حاضر و محدش اتحرك من مكانه و تاني يوم برده لقيتها بتتمشى عادي
- خدمة الغرف سيئة جدا ...قعدنا ٤ ايام الاوضة اتنضفت مره واحده و مكنتش نضيفة بردوا ..مع اننا كنا بنطلبها كل يوم و يقولولنا هييجي
- بيتحط في غرفة عائلية ازازتين ميه صغيرين (اكوا دلتا ...و طعمها وحش ) ..ولما طلبنا ميه من خدمة الغرف يقولنا مش مسموح ..مع وجود طفلة بحضرلها رضعات ...فبضطر اروح البار املى ازايز كأننا في الترعة :@
- الاوض مفيهاش اضاءة غير في المدخل و الحمام...مفيش اي مصدر اضاءة تاني غير ابجورات و كانت الفيش مش شغاله
- البار مش مكييف و الطرق بره الاوض مش مكيفة
و علشان اشرب حاجة بروح اعماها في البار و انزل بيها للريسبشن علشان اقعد في مكان مكيف
- المطعم ريحته وحشه و الاكل مش منوع ابدا و كفاءة الاكل متوسطة
المطعم كان زحمة جدا و لو منزلناش اول وقت الوجبة مش بنلاقي اكل ده غير الطوابير علي الاكل و تخطيف الاكل قبل ما يخلص
-منكرش ان الاستف بيشتغلوا بايدهم و سنانهم علشان يغطوا العدد فدي مشكلة امكانيات يتوسعوا في المطعم و يعملوا مطعم تاني ...مشكلة امكانيات
- البسين مفيهوش تدفئة
-الشاطئ في ظلط في اول كام متر يوقعوا الي داخل
( في جمب الظلط فيه حوالي ٣ متر و جمب الظلط يجي ١٠ متر و بعدها طحالب في الميه )...لازم يتنضف
- مكان الحفلات الليليه بنمشي مسافة ١٠ دقايق مفيهوش اي وسائل توصيل ولا اضاءة ..المكان مضلم جدا
- اتقال في حفلة اطفال و رحنا و كانت لطيفة فعلا بعدها دخلت رقاصة شرقي !! (في وجود الاطفال طبعا)
مع العلم ان في اليوم ده كان العشا علي مطعم البحر و بعد العشا جت الرقاصة و التنورة ...كان الرقص كورس مكثف علشان يعرضوها مرتين في نفس اليوم
- النت وحش جدا و معظم الوقت غير متاح

**لو كنت رايحة و عارفة انه ٣ نجوم مكنش الواحد زعل انما يحجز فندق ٥ نجوم all inclusive. و يتصدم في الواقع ده الي يزعل
و للاسف مكناش نقدر نغير الفندق لاننا في موسم و كل الفنادق مشغوله و كنا نويين نمد الفتره لو عجبنا الاقامة بس طبعا ممدناش ولا هنكرره تاني ولا انصح بيهالمزيد