1.الموقع : طريق القرى ، بعيد عن الممشى السياحى والمارينا واقرب حاجة ليه سينزو مول حوالى 3 كيلو، بتتكون المدينة من خمس فنادق بس شغال منهم اتنين والمكان كله متكسر ومهجور والطريق من الفندق لخارج المدينة عشان تبقى على الطريق مظلم وبدن اى فرد امن فالمكان كئيب ومش امان ، حتى من بلكونة الاوضة بليل مش هتشوف غير ظلام.
2.الغرفة : مساحة صغيرة مقارنة بفنادق تانية كتير واساس متهالك وتليفزيون بايظ وملهوش ريموت ولما تكرموا وجابوا ريموت طلع مش شغال غير على مسافة 20 سم !! ولو اشتغل فى قناتين بالكتير اللى بيشتغلوا وحمام بايظ والبانيو بلا غطاء للبلاعة والأبواب متكسرة والاكر متخلعة والحمام مصدى كمان
3.الهوية: متفهمش مين بيدير الاوتيل ملبسينك اسورة عليها كلمة دايموند وازاز البلكونة عليها برينسيس.
4.الاكل : أسوأ فندق بلا منازع لدرجة اننا تعبنا ورجعنا
*مفيش اى تنوع كل يوم نفس الاكل واى حاجة تتبقى تتحط تانى فالعشا او تانى يوم لدرجة ان فى حاجات كانت حامضة وريحتها معفنة
*طعم الاكل وحش جدا وريحة الزفارة بتبقى فظيعة
*فالفطار بيجيبوا اسوا انواع الجبن واللانشون اللى مارضاش اكله لحيوان والله
*اللبن بودرة ومتخفف خالص بالمياة
* العصير بودرة ولو عاوز فريش تدفع 30 جنيه للكوباية امال الاول انكلوسيف لازمته ايه !
* السناكس برجر اسمه كواليتى عمرى ماسمعت عنه بيشممه النار ويديهولك نى دا غير البيتزا المحروقة لو عاوز
* لو فرضا وفى لحوم بيدوك بالقطارة واذا كان عاجبك
*الحلو عبارة عن كيكية معجنة وبايتة وعليها شوية كريمة والعشاء طبق حلو شرقى الى يلحق يروح ياخد منه لان مافيش عندهم فكرة اللى خلص يتجدد
* العاملين فالمطم قمة فقلة الذوق واتخانقوا مع ناس كتير والشيف بتاع المطعم لما اديته كومنت على الاكل قالى وبكل قلة ذوق روح فندق كويس تبع سلسلة فنادق ايه اللى جابك هنا
5.الريسيبشن فى ناس ذوق وناس لا وبيصروا على رايهم ولازم تقولهم اعملوا زى هاتوا صابون للحمام ، غيرو الخزنة لانها مش شغالة ورفضوا
6.الشط اول 7 متر تقريبا وانت داخل البحر صخر وممكن تتعور بسهولة جدا لما تغوط بقى تلاقى الجزء الرملى والماية مش نظيفة
7.حمامات السباحة : واحد بين الغرف عمقه 140 سم ، وواحد عند الاكوا عمقه متر تقريبا وواحد بالامواج الصناعية اللى مشفتوش اشتغل غير 10 دقايق ف 4 ايام قضيتها فالفندق
8.الاكوا : حوالى 5 العاب للاطفال و8 للكبار ودى المفروض الميزة الوحيدة للفندق بس كالعادة 4 من العاب الكبار مش شغالة لزوم الصيانة دا غير انها بعيدة عن الفندق
9.الانشطة ولا اى حاجة بتوع الانبميشن تييم نايمين طول النهار لا بتشوفهم فشط ولا بسين ويظهروا 9 بليل يلموا النزلاء عشان النزلاء هما اللى يرقصوا ويقلعوا هدومهم ويعملوا شو
----------
فالمجمل الفندق دا محتاج يتقفل خالص ويتبلغ وزارة السياحة عليه لانه كارثة بكل المقاييس لما الليلة فمكان زى ده تبقى ب الفين جنيه

فندق غير جيد الكوة فاشلة والبيسن غير جيدعشان صغير جد على الفندق البحر جميل جد وخدمة الغرف ممتازةوالاستقبل جيد جدا الاكل غير جيد بالامر المسولين عن الكوة غير محترمين مع الأجانب والمصرين فندق فاشل النيميش فاشل