الاستقبال جيد جدا
للاسف عامل توصيل الشنط كسر يد شنطه لكن تم معالجه الموضوع واحنا راضيين
الغرف نظافتها جيده جدا جدا
لكن مساحه الغرفه غير مرضيه خالص ولا الحمام مساحه ضيقه
مفيش بانيو وكابينه الحمام ضيقه جدا

احنا كنا شهر عسل وكان تانى يوم فرحنا هو موعد الوصول
احبطنا جدا ان مكنش فيه ترقيه للغرفه بغرفه افضل او اوسع
حتى متمش اقتراح ده علينا بمقابل مادى
الخدمه فوق الممتاز من الاشخاص والعاملين
واخص بالذكر المطعم الرئيسي والشيف يسرى مختار
كان مرحب جدا وفوق الممتاز
المطعم الاسيوى كان جيد جدا
الشواطئ ممتازه جدا كمساحه ونضافه وتنوع
والبارات بردوا ممتازه جدا
الاجمالى عن زياره ٥ ايام ٤ ليالى مرضيه جدا

كان نفسنا نكرر الزياره بس حجم الغرف والحمام فعلا محبط جدا

شكرا لكم

اول مره لينا في اكو ماجيك بننزل دايما بيور لايف
بجد مبسوطين جدا والأطفال مستمتعين الخدمه فوق الممتازه الاكل تحفه والغرف والحمامات السباحه نظيفه فريق السيرفس والريسيبشن محترمين وبشوشين فريق الترفيهي طبعا مش هننساهم بجد مستمتعين معاهم جدا احب اشكر جوجو وعلي ومارسيلو وعمرو تيم البيتش بجد تيم اكثر من رائع
شكرا خاص ليك جدا وان شاء الله الاجازه اللي القادمه معاكم استنونا

المكان تحفه جدا الموظفين اللي فيه احلى حاجه بجد من اول الريسبشن والبل مان على طول مبتسمين واكتر حاجه عجبتني فى المكان الاستايل بصراحه فكرة البوهيمى دى خيال اكيد طبعا مش هنسى الاكل وموضوع كل يوم مطبخ مختلف دا روووعه بصراحه
انا مش بشرب خمور بس الكوكتيلات اللى كنت بشربها فعلا حاجه جنان