رجعت امبارح وكنا زعلانين جدا واحنا ماشيين المكان جميل جدا الشاطئ رائع خصوصا بعد الساعة 5
البسين جميل والأكوا روعة ولازم اللى يروح يجربها متعة جميلة جدا والأطفال استمتعو جدا
مستوى الأكل متوسط خصوصا الغدا وأجمل وجبة الفطار غلطت بس وروحت اتغدى فى كنج توت وكانت مهزلة وزحمة وطوابير لكن اسفنكس مش كدة خالص
المعاملة جميلة ومحترمة خصوصا الشباب الصغير اللى بيشتغلو فى المطعم ما عدا الشيف الكبير اللى كان بيوقف احيانا وقت الغدا طريقة معاملتة للناس مش حلوة حتى مع السياح
للأسف آخر يوم كان باقى ربع ساعة بس على معاد تحرك الاتوبيس اللى هسافر بية واتأخرت جدا لأنى فضلت ادور على بنتى فى المنتجع ومش لاقياها وبعدين اكتشفت انها فى الكيدز كلاب من كتر الاستعجال والعصبية شديت بنتى من قدام الموظفة الروسية اللى بترسم وشها والالوان اللى عالارض وقعت وجريت بيها بسرعة من غير ما اعتذر انا ندمانة جدا عالموقف دة ونفسى ادارة الفندق لو شافت تعليفى يوصلولها اعتذارى هما كانو بنتين واحدة بتشتغل فى النادى فعلا والتانية اللى كانت بترسم وش بنتى لابسة اسورة حمرا فاعتقد انها نزيلة وبعتذر لموظفين الرسيبشن فى كنج توت لانى اتعصبت عليهم كمان لما طلبت يقصو الاسورة واتأخرو ثوانى مش كان المفروض اعامل الناس المحترمة دى كدة خصوصا انى كان نفسى اشكرهم بس للأسف غصب عنىالمزيد
- تفضل بزيارة الموقع الإلكتروني للفندق
- 011 971 800 04448557
- انتظار مجاني للسيارات
- حمام سباحة
- شاطئ
- مطعم