وصلنا الفندق بدرى قابلنا مستر اسامه مدير الرسبشن بترحاب شديد وابتسامه عريضه كانت معانا استاذه فيفان متعاونة جدا تم التسكين سريعا الغرفه موقعها حلو الاساس كويس النظافه يوميا المطعم اكله حلو متنوع متغير يوميا مشويات ف الغدا والعشا يوميا بوفيه كامل صراحه مرضى جميع الازواق الفندق كل حاجه جنب بعض الاكو والبيسن والبحر جنب بعض وده حلو جدا للعائلات الاكو شغاله على فترتين 8 العاب البيسن نظيف وديما فى لايف جارد البحر حلوه فى جزء صخرى وجزى رملى عليه مطاعم وبارات كثير الخدمه حلوه صراحه فيها اهتمام من الاستف الجميل بقا ان عندهم قعدات على البحر روعه الروعه مشفتهاش فى فنادق كثير قابلنا مستر سامح سعد من اداره الفندق اهتمام صراحه بكل النزلاء وسوال محتاجين حاجه ايه
اى سلبيات اى حاجه عايزناها تتغير كانت أول مره ليا ف اكوجوى نزلت فنادق كثير قبل كده الفندق جميل مريح نفسيا تعامل محترم من الاستف والاداره فندقه بجوده عاليه اكل حلو متنوع بحر وبيسين واكو بارك كله ف مكان واحد ان شاء تتكرر الزياره وانصح الى يحجز من على الموقع مباشر فى خصم وكمان عرفت انهم هل بطبقو ا نظام repeater
يعنى ال حجز قبل كده من خلال الموقع ياخد 20 الميه خصم فى الزياده المكتره
غرفه 1342/1344
تاريخ الاقامه 31مايو
الى 2 يونيو
Dr . Mohamed tharwat

كل حاجة في الفندق روعة من سطف للفريق الانميشن عدا إدارة الفندق سيئة والسبب أنا روحت أنا وعائلتي كانت الأكوا بارك مش شغالة والفندق ما بلغش قضنا اجازة في إصلاحات وانشأت وما انبسطناش نهائي وكانت رد الإدارة علي دة هانعوضك المرة الجاية !! !!!!!!!!!

دي المرة التانية لينا في أكوا جوي، هو طبعا موقعه في الممشى ممتاز ، وصلنا بدري وكان الاشغال شبه ١٠٠% وكان نسبة ٩٠% اشغال اجنبي، استقبالهم لطيف كالمعتاد احب اشكر ضحى من الريسبشن، طبعا انا كنت بسأل على اسماء الاشخاص اللي كانت لطيفة معانا خلال الاقامة، اتغدينا لغاية ما تم تجهييز الغرف، كانت موقعها ممتاز في وسط المنتجع وقريبة من كل الخدمات ولكن للاسف كانت بدون فيو وصغيره والحمام ضيق جدا، وماكنش في امكانية اب جريد وتغيير بسبب نسبة الاشغال العالية بس ماحستش بضيق او بزحمه خالص وكل حاجة ماشية تمام لأن هما من افضل الاستاف اللي قابلتهم الحقيقة، عندي تعليق بس على اللايف جارد في اكوا الاطفال لازم يكون افضل من كدا عشان سلامة الاطفال بدون دخول في تفاصيل اللي حصل،،، كمان طبعا حمامات السباحه سواء الاطفال او الكبار هيتد ودافيه، اكوا الكبار لطيفة، البيتش والمارينا فيهم استجمام حلو أوي وفيو رائع، الغدا مميز هناك رغم ان في كتير منتجعات بيكون أقل حاجة فيها الغدا، الفطار جميل كمان بس السنة اللي فاتت المخبوزات كانت مميزة جدا ورائعة الحقيقة السنة دي أقل شوية اتمنى ترجع زي الأول، العشاء جربنا طبعا المطاعم الالاكارت المتخصصة هي مجانا بس بالحجز، حلوة وتيست عالي وفيها احترافية ورقي في التقديم سواء المطعم الايطالي او الاسيوي أو المصري لان دول اللي جربناهم بس، كمان احب اشكر العاملين في ال٣ مطاعم بدون استثناء، لكن للاسف ماعرفتش اسمائهم، في كمان ابراهيم البار مان في اللوبي نشكره على تعاونه معانا وفي طبعا مشروبات ساخنة وباردة لطيفة في كل البارات، كمان السناكس والايس كريم حلوين ومتنوعين، فريق الانيميشن كله لطيف ومتعاون بشكر زيزو وميمو ومايجا و روري، والكيدز كلوب جميل كمان، الشو بالليل لطيف وعروض مختلفة يوميا بس مدته قليلة، طبعا هي زيارة مكررة واتمنى تتكرر أكتر وأكتر.