اولا الفندق كله من اوله لاخره حلو جدا ممتع مش هتحس بزهق خالص عشان كل حاجه موجوده في الفندق تسليك من اول اليوم لاخره انت بتخاف تعدي حاجه ماتلحقش تعملها
بحر و بسين و اكوا بارك و انيميشن علي الشاطئ الصبح و علي البسين باليل و اكتر من مكان تقدر تقعد فيه باليل جوا الفندق و في منطقة العاب اطفال و night club بس كانوا مقفولين غالبا عشان الكورونا في العادي بيكونوا شغالين
و في انشطه علي الشاطئ مع الانيميشن حلوه غير الانشطه التانيه اللي ممكن تعملها زي ال quest (glass boat) و submarine و banana boat و crazy sofa عموما انت هتحتاج اكتر من ٣ ايام عشان تلحق تجرب كل حاجه .
النضافه عاليه جدا و مهتمين بإجراءات الوقايه عشان الكورونا الroom service كويسين .
كل اللي شغالين في الفندق ناس بتعمل شغلها بضمير مبيفرقوش بين اجنبي و مصري و ودودين جدا .
احب اشكر بقي الناس اللي قاموا معانا بالواجب و زياده مستر اشرف في الاستقبال ، محمد pool life guard عند البسين الكبير ، احمد ربيع و هيثم و مستر السيد في مطعم Gusto و Zaza و عموما اللي شغالين في المطعمين كويسين جدا بس دول اللي اتعاملت معاهم اكتر و فعلا بيشتغلوا بضمير عالي جدا و طبعا منساش طنط اللي بتعمل العيش التحفه جدا جدا و في اسلام و عبد الله في بار فخر الدين هما سكر بجد لازم اللي يروح هناك يقعد معاهم حبه كده هتتبسط و مستر محمد عادل علي الشاطئ اللي اقنعنا في اقل من دقيقه اننا ناخد رحلة الكويست و فعلا اتبسطنا فيها اوي اوي كانت اكتر من روعه و كان معانا في الرحله عمر و حد تاني كان بيسوق الكويست بس معرفتش اسمه بس هما الاتنين بيتعاملوا باحترام و كمان بيوجهوك ازاي تستمتع بالرحله كويس اخيرا بقي في حد في الروم سيرفيس الدور الرابع عند الغرف ٤٠٠٠ و انت طالع لازم نشكره يارب ماكونش نسيت حد بالتوفيق ليكوا كلكوا .. انا استمتعت جدا بأجازتي و مش قادره استني اجازتي الجايه عشان اروح هناك تاني .

في بس تعليق سلبي واحد الانيميشن محتاجين يهتموا بالمصريين زي الاجانب هيتفاعلوا معاكوا والله بس اديهم فرصتهم .

اسوا فندق نزلت فيه فى الغردقة وليس عليه اى رقابة سواء داخلية من الإدارة او خارجية من وزارة السياحة ولا يتبع حتى ابسط مبادئ التعقيم والتطهير ضد فيروس كورونا سواء فى اروقة الفندق او المطعم او الغرف كما يتبعها باقى الفنادق الأخرى واصطاف الريسيبشن مش بروفيشنال ومينفعش يشتغلوا فى مجال السياحة اصلا