بصراحة الفندق جميل جدا جدا.

غرف كويسة جدا
النظافة ممتازة.
ممكن الاكل مش احسن حاجة بس مش وحش خالص.
الانيمشن ممتاز طول اليوم فقارات وحفلات على البوول.
بصراحة فندق ممتاز فى كل شي.
وكمان جميع الغرف فيو ممتاز.

الفندق الصراحه حلو جدا و مريح و الخدمات متورفه و كل حاجه موجوده و حلوه جدا للعائلات و المكان جدا نضيف راقي و انصح بيه بشده و حته الحفلات جميله جدا و المنظمين محترامين و الكل خدوم و كمان للأكل جدا رائع و انصح بيه.

للاسف فندق سئ جدااااً اخره ٣ نجوم
حجزت انا وقرايبي اونلاين من ٤ الي ٨ اغسطس ٢٠٢٢ وكلمنا الفندق لتاكيد الحجز وقرايبي معاهم جنسية فرنسية واحنا مصريين فرفضوا الحجز بتاع المصريين وحاولت معاهم كتير يقبلوا الحجز وادفع اكتر للفندق علشان ما اخسرش فلوس الحجز لاني حاجز no refundable لكن للاسف رفضوا وبكل برود يقولولي لا حجزك مش هيتقبل احجز تاني ولما لقيت مفيش حل فعلاً حجزت مع شركة مصرية تاني وضاع عليا الحجز الاول كان حوالي ١١ الف جنية
المهم وصلنا بعد ٦ ساعات سفر في درجة حرارة ٤٠ مفيش bellman منتظر اضطريت انا اقف في الشمس و نزلت الشنط من العربية
دخلنا الريسبشن عند ا. فادي ساعة ونص عشان نعمل check in لان الحجز كان اونلاين و الاوضتين بتوع قرايبي واحدة دوبل و واحدة تربل بنفس الاسم وهما قالوا لا كدة مشكلة ممكن الحجز ما يتقبلش وتحجز تانى او الشركة تتصرف وتغير الاسم ف الحجز !!!!!!!!
علي الرغم ان كان معانا طفلين ولما اخرونا في مشكلة الحجز اتحركنا للغدا في المطعم لقيناه قفل رغم اننا وصلنا قبل ٢ ونص حاولنا نقول لهم حتي يجيبولنا اكل للاطفال لكن رفضوا ولما اشتكينا لفادي في الريسبشن قال اصل الغدا بمواعيد !!!!!! علي الرغم انهم سبب تاخيرنا
واحنا واقفين بنشرحلة المشكلة كان بيسيبنا ويمشي بدون اي احترام
دخلنا الاوض تحديدا ٥٢٣٣ بعد كل هذا الارهاق مفيش ولا فوطة نكلمهم ساعتين عشان يجيبوا فوط وسرير اطفال لغاية الساعة ٥ مساءً ولما بسال الهاوس كيبنج يقولي اصل المغسلة اتاخرت علينا !!!!!!!
الخزينة لا تعمل لان بطاريتها ضعيفة
المياة السخنة في الاوض لا تعمل كل يوم حوالي الساعة ٦ م عند خروج الناس من البحر والبوول
ناموس بشكل فظيع
الاكل غير متنوع تكرار كل يوم مع قلة الاصناف البوفيه المطعم حر مووووت يجبرك تسيب الاكل بسرعة من كتر الحر
لو طلبت درينك من حد ع البوول تحس انك بتشتمه
محدش بيرد علي كلمة شكراً
طبعاً الفندق يعتبر مفيش شاطئ لان البحر كلة صخور والبوول كلة ورق شجر وحشرات ميتة
النت زي الزفت
الاثات والحمام متهالك والصرف كل يوم في مشكلة دة اللى عرفتة لما جاللي بتاع الصيانة عشان المياة عندي بتسرب علي الاوضة اللي تحت
مفيش غير شامبو وشاور فقط
الفندق كمكان ومباني كويس والتكييفات ف الاوض حلوة جدا ودي الميزة الوحيدة في الفندق