جميع موظفين ريسيبشن معاملتهم في منتهي السؤ ...خصوصا مع
..المصريين ..عندهم أمر متعمد بالتنكيد علي اي مصري يقيم هناك ..ولازم اكراميه
.يعني لازم تشخلل فلوس عشان تاخد رووم كويسه ..كل الواقعه هيتم تقديم شكوي بها للجهاز القومي لتنظيم السياحة وهيئة الآثار ...لا انصح به تماما
فندق ممتاز والبحر جميل والبول تحفه والمطعم عالمي والأكل جميل والاصطف كلوا مبسوط وبيعمل كل الاحنا عايزينوا وبشكر جميع المنظومه علي العمل الرائع التقدم لينا وينصح اي اسره عايزه تغير جو وتكون مبسوطه جدا تروح لاروزا علاطول واتمنالكوا جميعا التوفيق ديما
Dear Ahmedhamad22!
First of all, let me thank you for choosing our hotel to be your vacation home. We are appreciate for the nice words about our services and with our grate pleasure we will wait to see you again.
Best wishes
Guests Relations Manager
Mrs.Liubov Faustova
الفندق جميل جدا ....
الموقع رائع في شارع شيراتون في قلب الغردقة.. قريب من المارينا و من الممشي السياحي.
موظفين الفندق كلهم بشوشين و مبتسمين و متعاونين جدا خصوصا مستر (يحيي) و مستر (اسعد) في الريسيبشن ... و الاستاذة ( ماريا ) من ادارة الحجوزات .
اللوبي نظيف جدا و شيك جدا ...
الغرف كويسة جدا من حيث المساحة و الفرش جديد بحكم ان الفندق كله جديد و معظم الغرف بتشوف حمام السباحة
و حمامات الغرف نظيفه ولكن الحمام صغير في بعض الغرف .
الهاوس كيبنج ممتازين و دايما بتشوفهم حواليك .. و احب اشكر ( وليد ) من الهاوس كيبنج علي نشاطه و تعاونه .
يعيب الغرف عدم وجود عبوات مستلزمات الحمام ( الشامبو و الشاور جيل و اللوشن ).. و يتم ملأ مضخات بالصابون و الشاور جيل ( dispenser) .
كمان احيانا المياه الساخنة في الحمامات مش بتبقي متوفرة
برده مفيش كروت فوط البحر ... بدلا منها الفوط موجودة في الغرف و بيتم تغييرها عند الطلب .... ( الاحسن طبعا ان يبقي فيه كروت بحيث اني اسلم الفوط بعد الاستخدام في البحر او البسين علشان تتغسل و استلم غيرها تاني يوم باستخدام الكروت ) .
موجود غلايه مياه في الغرف مع الشاي و النسكافيه و السكر و زجاجتين مياه كل يوم.
حمام السباحة كويس و آمن للاطفال ... المفروض انه دافئ بس الصراحه محستش انه دافئ .
الأكوا بارك كويسة جدا للكبار و فيه أكوا بارك للأطفال برده حلوة بس عيب الأكوا انها باردة جدا ... الصدمة الأولى تلج .
الشاطئ رملي حلو جدا للاطفال و عمق المياه فيه متغير يناسب الجميع ... مساحته صغيرة
لكن جميل جدا ...
كمان فيه شو برازيلي بيتعمل علي الشاطئ كان حلو اوي
فريق الانيميشن ٢ بس ولد و بنت أجانب نشيطين الصراحة بس محتاجين يبقي فيه حد مصري معاهم .
فيه ٣ بارات في الفندق .. كلهم فري ..
بار اللوبي فاتح لحد منتصف الليل
بار حمام السباحة ( اصغر واحد فيهم فاتح لحد ٦ مساء و بيقدم المشوبات الباردة و الساخنه زي الكابتشينو )
بار الأكوا و دة فاتح لحد ٥ مساء و فيه السناكس و الايس كريم بجانب المشروبات .
نيجي بقي للمطعم ....
راااااااائع ... من كل الجوانب ..
طقم العاملين بالمطعم كلهم بشوشين و مبتسمين و متعاونين جدا .
الاكل فيه تنوع هايل . و الطعم حلو جدا
الفطار .. هايل جدا و متنوع و بيرضي كل الاذواق و المعجنات هايلة .
الغداء .. فيه تنوع كل يوم و طعم الاكل ممتاز
العشاء بقي .. افضل وجبه في اليوم .. كل يوم مختلف عن التاني و بيفاجئوك باصناف جديده
اللحوم مميزة جدا .
و بوفيه السلطات اكتر من رائع و كذلك بوفيه الحلويات بالإضافة الفواكه المتواجدة دائما في كل الوجبات
مستوي النظافة في المطعم عالي جدا
جميع الشيفات و العاملين دايما لابسين كمامات و جوانتيات أثناء الوجبات ..
في المجمل اجازة ممتعة جدا جدا ... عن نفسي هارشح الفندق لأي حد من العائلة او من الاصدقاء بيدور علي اجازة ممتعة ... أكيد راجعين تاني قريب .
Dear mohammedn944!
First of all, let me thank you for choosing our hotel for your vacation. From our side we are very appreciate your kindness attention to our services. We will be glad to see you again in one day.
Best wishes
Guests Relations Manager
Mrs.Liubov Faustova
جيدة