للأسف نزلت فيه انضحك عليا من الصور وأنه جديد 😮
الإدارة سيئة ومعندهمش أي حلول ولا تقدم من الرغم اني حظرت اني معاية اطفال ومحتاج دور ارضي وحاجز فاملي روم غرفتين داخل بعض إلا أنه يحجز لي غرفة في الدور الثالث حتى مش التاني لا الثالث لا مبالاة نهائيا .
الاساس زي الزفت والنظافة سيئة جدا والصابون بنشحته
والبلكونة اللي عاملينها زجاج وفرحانين بيه ده لو في فكر واهتمام مكنش اتعمل أساسا . ارتفاعه أكثر من متر يعني تقعد في البلكونة مكتوم الهواء
هتيجي بقى للاكل استغفر الله العظيم ليس يصلح للاستخدام الادمي الحمد لله ولادي ملهمش في اللحوم وستر من ربنا أنهم مبيشفوش الفواكه المعروضة في المطعم وتكملة ستر ربنا أنهم كانوا بيناموا مبيلحقوش العشا لاني كنت بشم ريحة الاكل بايت بايت وفي الفطار كورن فليكس ومخبوزات ننقي الصالح من وسط البايت أما عن اكلي ساعة على ما اعمل طبق سلطة وخضروات ليس من الزحمة ولكن سيئة جدا اكلتي يوميا لا تتغير سلطات وسمك مكرونة مقلي خليني في المضمون وطبعا كان أسوء سمك مكرونة . الناس بردو سلوكها كان غريب اللي بيترمي 4 أضعاف اللي اكلوه زي ما يكون بينتقموا من الفندق .
اسلوب العاملين أسوء ما يكون بالإضافة بأنهم لا مبالاة بواجب الضيافة .
حبيت أخلع بعد يوم لقيت نفسي الإجازة هتضيع منها يوم 😢
المشكلة أن الفندق كموقع ونظام لحمامات السباحة والبحر أه نسيت أتكلم على البحر عبارة عن اسطبل للخيل والجمال وكانك قاعد شيزلونج في زريبة عمال تشم ويتعفر عليك . موقع الفندق والجو الغرف تعتبر كلها قريبة للاستمتاع ولكن ينقصه إدارة تعرف في واجب الضيافة مش شوية ناس معتمدة أنها تبيع الغرف لشركات سياحة بيلموا لهم أفواج ليس لهم خبره سابقة وكده كده هينبسطوا لانهم اول مره .
عيب وحرام لما يكون عندك الإمكانيات دي وتسترخص في إدارة وعمالة كسر زي دول وتسترخص في اكل زي ده أه الكميات كبيره ولكنه للأسف بتترمي أنا كان يكفيني طبق فيه 200 جرام ارز على عيش على سلطة على 50 جرام قطعة لحمة او فراخ .
واخيرا بقى المغادرة لو حضرتك مستعجل والباص واقف أمام الفندق نزل أنت شنطك من فوق حضرتك أنا في الدور الثالث ماهو حضرتك مستعجل
تعامل غير لائق لكن للاسف خطأ ومش هيتكرر إن شاء الله
ملحوظة النهاردة كانت المغادرة من الفندق وحبيت قبل ما انام وقبل ما أهدى أكتب رأيي عشان منساش ولا اكبر دماغي

هتكلم عن هاواى باراديس
انا بصراحه شفت كل الريفيوهات هنا على الجروب و على تريب ادفايزور
و كنت بقول ان الناس اللى بتقول ريفيوهات وحشه انها متعوده على مستوى عالى فى تقييم الفنادق
و نقابه شغلى كانت منزله اعلان لرحلات للفندق باسعار مخفضه فقولت اروح و اشوف
و للاسف استخسارى خلانى اواجه اسوء مصيف رحته على مدار اكتر من عشر سنين فى شرم و الغردقه

بدايه كده هو فعلا الفندق جديد و الغرف جميله و مساحتها ممتازة و كلها مطله على حمامات السباحة
لكن الفرش تحسه مش بيتغسل كويس
و الروم سيرفيس بينضفوا و يدوك ٣ ازايز ميه صغيره و كله بالفلوس 🤑🤑
حمامات السباحه كتير و فعلا ممكن تختار الاقل ازدحاما
للاسف مفيش رولز بتطبق على حمامات السباحه الناس بتنزل بملابس قطن و عبايات و مفيش بوليستر الا قليل اللى ملتزم و مفيش بامبرز بحر للاطفال
اتكلمت مع واحد من اللى شغالين هناك قالى الاداره عاوزة كده 😭😭😭
البحر رملى و فيه مد و جزر الصبح بيبقى الشط بره عالى و بعد الظهر تمشى كتير لحد ما توصل لعمق مناسب و فى احصنه و جمال بتمشى على الشط و جوا البحر و طبعا عارفين بيعملوا ايه 🫣🫣
طبعا الفندق زحمه جدا و الاشغال الاجنبى تقريبا ٥٪
الناس طبعا حقها تتبسط و تتفسح مهوما دافعين فلوس
بس لو شافوا ان الاداره عامله نظام يمشوا عليه كانت الامور افضل
و بالتالى سلوك و طريقه بعض النزلاء كانت سيئه جدا خصوصا فى استهلاك الاكل و المشروبات اللى كانت فعلا لا تطاق كطعم و مذاق و مفيش اى تنوع
الزحمه كانت بتبان اوى فى اى فتره فيها اكل و فى الاكوا بارك
انا عن نفسى كنت بفطر و مش بتغدى خالص مع ان معايا اطفال كنا اتعشينا مره فى الفندق و كنت طبعا بدى فلوس للشيفات عشان اخد اللى انا عاوزه و اقدر اكله
و باقى الايام بننزل شارع شيرى و نتعشى هناك
الاسناكس عباره عن بطاطس محمرة و هامبورجر و السجق او السوسيس بيقسموها اتنين 🤣🤣🤣
كان فى حد هناك فى الفرونت اوفيس اسمه ايهاب بصراحه كان محترم و سهل دخولنا للغرف و كان بيساعد كل الناس
فى النهايه انتوا كان عندكوا حق فى ريفيوهاتكوا و رايكم فى الفندق
و انا غلطت انى مسمعتش كلام كل الناس
و فعلا اسوء فندق رحته فى حياته من حيث إدارة المكان و تنظيمه و تقديم الخدمات فيه
زيارة ان شاء الله مش هتتكرر تانى ابدا