بداية من الوصول واجهت اسوء معامله شوفتها في الغردقة على مر التاريخ من موظف استقبال اسمه وجيه حيث اني انتظرت اكثر من ٤ ساعات ونصف عشان استلم غرفه وفي الاخر جابلي غرفة الفرش متسخ و الحيطان و الحمام الشفاط فيه عطلان و أكرة الباب بايظة بتاعت الغرفه يعني حاجه آخر قرف .
ثانيا : اسوء اكل في التاريخ حيث ان مفيش حاجه ممكن الواحد ياكلها غير السلطه .. اقسم بالله اسوء اكل كلته في حياتي كان في هاواي سيزر الاكل حرفيا بايت بقاله اكتر من يومين و طعمه وحش جدا واللي عرفته و فهمته من مساعد شيف في الفندق ان الاكل الحلو مبيطلعش لاي حد وفيه حاجات كتير بتطلع للناس المهمه فقط و اداني حتت جلاش محصلتش مع العلم ان ال٤ ايام اللي قعدت فيهم مكنش فيهم جلاش أصلا
ثالثا : المشروبات محدوده جدا و في اغلب الأوقات بتكون الماكينه فاضيه و يقولي معلش تعالى كمان نص ساعة مع العلم ان فيه اكثر من بار بيقدم مشاريب بس للأسف كلهم مهتمين بالخمور و البيبسي و المياه
رابعاً: اسوء شاطئ في المجرة مفيش اهتمام بي نهائيا و لو حد شاف الشاطيء هيعرف ان ترعة الإسماعيلية برقبته اقسم بالله
خامسا: فيه لعبه في الأكوابارك كانت مكسوره و زوجتي اتجرحت منها وباينه في الفيديو مكان الكسر وخطره جدا وللاسف ولا كان فيه حد من امن القرية واقف على اللعبه اللي فيها كسر ولا كان فيه اي اهتمام منهم دي ارواح مينفعش فيها الهزل اللي حصل منهم
سادساً: معرفش فيه حد خد باله ولا لا ان المعالق البلاستيك والكوبايات المستخدمه بيتم غسيلها وإعادة استخدامها مره اخرى لاني لاحظت في ال٤ ايام اللي جلست فيهم ان المعالق وسخه اووووي .. مجيره وده عيب اوي
أنا منصحش اي حد يروح مجموعة هاواي أنا للأسف اتخدعت فيه السنادي مع اني من اكتوبر ٢٠١٧ بروح هاواي لوحاردن بس حبيت اروح المرادي هاواي سيزر و اجرب بما انه اغلى قولت اكيد هيبقى اعلى و احلى بس للأسف طلع بلح و اي فندق تاني ٣ نجوم هيكون برقبته لان فندق هاواي سيزر تقييمي له لو فيه اقل من نجمه والله هتبقى خساره فيهم برضه