الفندق رائع خدمة طعام اطلالة ترفيه كل شى احب الفندق جدا الذهاب الى هناك الفندق ممتاز من خدمة الى لغرفة و السعر مناسب هناك مكان مناسب للراحة و الطعام ممتاز و الخدمة و الترفيه ايضا و الاستقبال انصح بالذهاب الى هناك

الفندق ذو اطلالة مميزة و الشاطئ جميل .
لكن الطعام محدود جدا ، واصنافه قليلة ، مع ان المفروض دا فندق 5 نجوم
حمام السباحة بارد جدا ، والتدفئة لايقومو بتشغيلها .
الاهتمام بالغرف محدود ايضا ، يقتصر على ترتيبها فقط ، عند طلب زجاجة مياه ، المفروض تشتريها مع ان تمنها بعض الجنيهات مقابل السعر العالي للغرفة .
الحمام في الغرفة يحتاج لاعادة تصميم ، غير عملي ، وتشغيل الشاور بيغرق المكان بالكامل .
الانطباع اللي وصلني ، البخل في الاهتمام بالضيوف .
كنت اتمنى ارجع هنا تاني ، لكن من التعليقات الاخرى واضح ان المشاكل دي من زمان .

السنه دى رابع سنه ليا فى زياره فندق كونتيننتال الغردقه،انا فرحانه جداااا برحلتى للفندق ده،فى الحقيقه من اول ما بتدخل لحد ما بتمشى وتنتهى زيارتك بتفضل حاسس انك وسط اهلك و اصحابك ومش هتحس بأى غربه

الريسيبشن اول ما بتوصل بتلاقى ابتسامه حلوه و مساعده و اهتمام انك توصل لأفضل شىء بحيث انك تكون مرتاح فى اقامتك ،ده غير طبعا مساعدتهم السريعه لحل أى مشكله تحصل ،ده غير كمان انه اى مشكله بتواجهك فى الغرفه لأى سبب وحتى لو بسيطه بتبلغ الريسيبشن و بتلاقى فورا اهتمام و شخص متخصص جاى يحلها
و اكيد بشكرهم جدا على الغرفه اللى رشحوهالى وكانت جميله جدا و الview بتاعها رائع

الناس دى بتحترم الguest جدا و بتحترم وقته و بتحترم فكره ان دى اجازه هو لازم يستمتع بيها وهم مهمتهم اسعادك و انك تبقى فرحان ومبسوط...و الله دى ما مبالغه دى الحقيقه و اى حد راح كونتيننتال الغردقه عارف ان اللى بقوله ده حقيقى

هضيف بقى على ده ان كل الناس بيعملوا شغلهم بحب وضمير نقطه مهمه كمان وهى الابتسامه...
كل الناس اللى اتعاملت معاهم فى المكان ده بلا استثناء على وشهم ابتسامه حلوه و مريحه كده

من الhousekeeping مش هقدر انسى احمد اللى كان مختص بنظافه عده غرف منها غرفتى و اللى له كل الشكر لاهتمامه بنظافه الغرفه وتعقيمها و بصراحه الغرفه كانت بتلمع من النظافه و بالنسبالى النظافه تعنى انك تكون مرتاح ومبسوط فى المكان

المطعم كل الناس كانوا محترمين و ذوق و معاملتهم جميييله وابتسامتهم حلوه
ده غير الاكل اللى كان يجنن و طعمه تحفه و لا الحلويات بتاعه العشاء وجمالها😍😍😍😍
ولا الفطير المشلتت اللى اكلته فى يوم كان فى الافطار ومع العسل الاسود بقى و الجبنه البيضا بحبه البركه و حلاوتهم 😅😅😅😍😍😍
تأكد انك هترجع بيتك بعد مغادرتك الفندق زايد من 50 الى 90 كيلو لو ماحاسبتش و اخدت بالك من أكلك من كتر جمال الاكل😅

كل اللى فات بقى ده هضيف عليه ال view من الفندق وجماله و منطقه الكوبرى اللى بيطلعك على منطقه كده داخله فى وسط البحر وجمال المكان ده ومدى السلام النفسى اللى هتحسه فيه
ده غير ان الفندق على عالممشى السياحى يعنى اى حاجه انت محتاجها هتكون قريبه منك

الخلاصه Continental hotel Hurghada
I love youuuuuuuu😍😍😍😍😍😍😍😍😍😍😍😍

و شكرا على كل حاجه بجد وانكم خليتوا اقامتى حلوه و جميله وسعيده ❤❤❤❤❤❤❤

الفندق ده مش هتندم لو زرته بالعكس عمرك ما هتفكر تروح مكان تانى ❤❤❤