اجمل حاجه ممكن تعملها لعائلتك انك تجهز لهم رحله لطيفه في مكان هادي وجوه جميل...وبعد بحث كتير واختيارات كتير قررنا اننا ننزل في جنة سفاجا ابو سوما..منتجع في قمة الجمال بداية من الاستقبال المحترم استاذ عبد العزيز في مكتب الاستقبال، شخص في قمة الاحترام وتعب معانا في التسكين و ساعدنا نشوف الغرف قبل الدخول.
بعد الدخول روحنا علي الغدا في المطعم الرئيسي...سمعنا كتير عن الاكل الجميل بتاع المكان بس بجد مفيش احلي من كده مش بس الاكل لا وكمان الخدمه والشباب اللي شغالين كلهم ودودين بقيادة استاذ ايمن مدير المطعم اللي كان دايما نشوفه شغال بيده مع الموظفين ودايما حاضر لتلبية اي طلبات خاصه.
الشاطئ الخاص بالفندق ده بقي حكايه تاني...شاطئ رملي جميل ونظيف جدا والمياه رائعه و الشباب اللي بيعملوا علي الشاطئ دايما حاضرين و منتبهين لكل شخص داخل او خارج البحر.
كمان عندهم مكتب لرحلات الغوص و اسعارهم معقوله جدا.
.
.
الغرف مستواها معقول بس ممكن تتحدث اكتر من كده بالنسبه للتلفزيون والقنوات مش واضحه اوي لاكن ده مكنش مهم بالنسبالنا لاننا مش جايين نقعد في الغرفه اصلا 😅.
بالمجمل المكان محترم من اوله ل اخره.
713
138
69
37
49
