الغرف جميلة و عفشها حديث لكنها ضيقة شويتين و الاكل طعمه جميل جدا بصراحة لكنه مش متنوع اوى لكن انا في رايي اكل مش متنوع بس طعمه حلو افضل من ما يكون الاكل متنوع بس مالوش طعم كله و البحر حرفيا هو يعتبر افضل و احسن شاطىء في الغردقة و الخدمة من الموظفين هى افضل شىء في الفندق لان الطقم اللي شغال كله في الفندق بما فيهم تيم الانيميشن كلهم جمال و محترمين و اللي بنحتاجه بيعملوه علي اكمل وجه كمجمل الفندق ده جميل من كل حاجة و يستاهل انى اروحه تانى و تالت و كل اللي ناقصه شوية توضيبات في بعض الحاجات لكنه جميل و هادى حتى من غيرها شكرا لكل العاملين في الفندق علي اخلاقهم العالية

الغرف ضيقة شوية بس نضيفة جدا و نضافتها يوميا و الاكل في المطعم كويس جدا مش هو مش متنوع بشكل كبير بس طعمه كله حلو و معمول باتقان كويس جدا الشاطىء اجمل شاطىء في الغردقة تقريبا و عن تجربة يعنى بالنسبة للناس و الخدمة و الشيفات بصراحة دول احسن شىء ممكن حد يشوفه كلهم متواضعين و محترمين جدا و اى حاجة بتكون محتاجها بيوفروها بسرعة الفندق كعموم انا شايف ان سعره اقل بكتير من الخدمة اللي هو بيقدمها انا بنصح الناس تروحه لانهم فعلا هيستمتعوا

فندق جامد جدا كانت أجازه جامده جدا و الفندق جميل ونظيفة جدا بديه من الرسبشن لغايه الغرف والمطعم و الشاطئ كمان ممتاز والاكل كان فعلا حلو جدا انصح أي حد عاوز ياخد راحه يروح يجرب المكان شكر الاداره المكان وشكر خاص لفريق الانيميشن بالفندق علي المجهود الرائع و الفقرات الممتازه