انا كنت متخوفه من زيارتي بسبب بعض التعليقات السلبيه ال قرأتها بس بعد الزياره .وال كانت في العيد والزحمه بجد اقدر اقوال فندق رائع بكل معني الكلمه الاستاف كله بدايه من الريسبشن والانيمشن والعاملين كلهم في منتهي الذوق والاخلاق والابتسامه مش بتفارق وشهم .فيه مستر ابراهيم غيرلي الغرفه 6مرات .بجد انا كنت مكسوفه منه لانها غرفه مامتي ومكنش عاجبها ولا غرفه .دي عاليه اوي دي بعيده اوي دي مش علي البول فيو .والاكل كان فوق الرائع وكل كل العاملين بدون استثناء كانوا في منتهي الادب والذوق والفندق مكانه جميله واطلاله علي البحر رائعه ومليان اكتيفتي كتير لو قعدت اسبوع متزهقش زي اغلب الفنادق .ومطاعم كتير والاسناكس متنوع والاكوا لطيفه مش كبيره بس لطيفه .انا روحت فنادق كتير اعلي منه في المستوي بس مببسطش انا واولادي زي سيجال من الاخر فندق ريحه خفيف هههه .العيوب بقي
ان بعض الغرف اطلالتها سيئه للغايه.والحاجه التانيه شيف الحلويات علي اده اووي معندوش غير المهلبيه فطار غداء عشاء مهلبيه .بس انا بالنسبه ليا مضايقتش لان الغرفه مكنتش بدخلها الا علي النوم .وانا بطبعي مبحبش الحلويات وعندي ابني لسه فطماه عجبته اوي المهلبيه ههههه اجازه سعيده لكل ال ناوي يروح وبجد مش هتندموا واتمني التوفيق للاداره واحب اشكر كل العاملين فيه واقوال لصاحب المكان نجحت في اختيار العاملين فيه .المزيد
2,182
555
297
180
243
