الفندق من افضل الفنادق اللى رحتها
- بداية من تسليم الغرف كان تقريبا من الساعة 1 ونص يعني قبل ميعاد التسكين بنص ساعة الغرف كانت جيدة و واسعة و السرير مريح و الحمام برضه نضيف جدا .
- بداية من دخولنا ال لوبي كان مدهش جدا و الاستقبال كان جيد ..
- حمامات السباحة كتيرة و متنوعة و الشاطيء كبير و رملى مع ذكر ان فندق سيجال يعتبر فندقين فى بعض يعني فيه 2 شاطيء والاتنين شواطيء رملية .
- الاكل كان جيد جدا و متنوع و شكر خاص للشيف ميلاد والشيف سمير .. اكلهم فوق الممتاز
- شكر خاص جدا للبار مان بيشوى فى بار المطعم الرئيسي كان اكتر من ممتاز و محب جدا لشغله .
- الانيميشين تيم حلو جدا و متنوع فى عروضه الليلية كل يوم .. بس طبعا بالنهار بيكونو مش متواجدين بشكل ملحوظ نظرا لان الفندق متسع جدا و الزوار كتير جدا جدا .
- الفندق فيه اماكن حلوة جدا للتصوير و الجاردنز فيه حلوة اوى و موقع الفندق متميز لانه موجود فى قلب الميدنة .
التعليقات السلبية فقط بخصوص :
اولا بعض العاملين فى الفندق بيتعاملو ببرود مع المصريين و بعضهم حتى مش بيبتسمو للزائر وده بيدي انطباع سيء لينا كمصريين على عكس الاجانب .
ثانيا الفطار كان محتاج يكون متنوع اكتر من كدة و تكون جودة الاكل فى الفطار اقوى من كدة .
ثالثا السناكس مش متنوعة ومش كتيرة للاسف ف كانت محتاجة تكون برضه متنوعة اكتر .

فى النهاية شكرا لادرة فندق seagull و اتمنى ان يكون الفندق فى تقدم اكتر واكتر

انا مش هختصر تعليقى لانى للاسف لما حجزت اخذت بتعليقات ناس شكرت فية ؟؟؟؟؟ ومش عارف الصراحة شكرت فية ازاى
المهم وعلشان الكل يستفيد من التجربة السيئة دى ويسال كويس جدآ قبل ما يحجز
1 تم استلام الغرف بعد الساعة 3 رغم وصولنا الساعة 12
تم تسليمنا غرفتين من اسواء ما الغرف اللى شوفتها فى حياتى الاولى بتطل على المطبخ والتانية بتطل على شرفات غرف كتير جدا وكانت صغيرة جدا لدرجة انها لا تصلح انها تكون غرفة سنجل
2 اما الاكوا رغم انهم اساسا مش كتير هما عبارة عن 6 لعب 3كبار و3 اطفال بيشغلوهم من 10 صباحا وبيفصلوهم 1.30 وللعلم مش بيشغلوا كل الالعاب بيشغلوا وقت واحد بيريحوا شوية ويشغلوا شوية
ويرجعوا يشغلوها من 2.30 وتقفل 4.30
3 بالنسبة للاكل الفطار فول وطعمية وشوية جبن رديئة وبيض مسلوق لدرجة انة اخضر واغمق من كتر السوا
الغداء مكرر واصنافة قلية وليست جيدة
العشاء افضل نوعا ما اصناف وجودة مقبولة
4 المشوبات متوسطة الجودة
اما بانسبة للمياة فالغرفة مهما كان العدد فيها ليها عدد4 زجاجات مياة فقط فى اليوم وما يزيد عم ذالك من احتياج لزجاجات اخرى تدفع ثمنها
5 مفيش انيميشن لمدة يومين ظهروا فى اليوم التالت بس
6 مفيش اى انشطة عاى البول او البيتش
7 الفندق زحمة جدا وطابور على الاكل وطابور اقل شوية على الاكوا رغم اننا فى شهر 10
8 بعض العملين فى الفندق جيدين والبعض الاخر مكشر ومش طايق نفسة
9 الحاجة الوحيدة الى حلوة عندهم هو البيتش جيد ورملى
10 اتمنى انى اكون قدرت افيدكوا باستفاضة علشان متغلطوش وتحجزوا فى هذا المكان اللى اخرة 3 نجون وكدة كتير علية كمان

جيد المكان رائع وفية كل ماتحتجو ينقصو فقط الوسائل الترفيهية مساء والانيمشن بسعر اخر للحفلات علي الرغم اني الإقامة كاملة بالنسبة كفندق عام كلو تمام غرف وحمامات سباحة وشاطئ والطعام ممتاز ماعدا الفاكهة غير متنوعة والحلويات ليس جيدة
أحب اوجة الشكر مرة واتنين وعشرة لمستر
(((اشرف )))شكر خاص جدا شخص بجد رقم واحد في نجاح الفندق وانا لو هغكر أجي تاني الفندق علشانو هو وايضاً مستر )سامح )بار و(محمد وهدرا) في الرسبشن اداء افضل من مديرهم في الحجز