اول ما وصلنا طلعونا غرف سيئه جدا لا تليق انها تبقي غرف في فندق نجمه واحده.
اشتكينا و بعد حوالي ساعه تم حل المشكله و التسكين في غرف مقبوله نوعا ما و دخلنا في مشكله ان الشنط توصل للغرف و ده تم بعد اكتر من ساعتين كمان.
و بالنسبه للغرف الباب بيزيق و التكييف بينقط و السيفون بايظ و مفيش براد شاي.
المطعم كان زحمه و مفيش ويترز كفايه لإستيعاب العدد ده غير ان الاكل مكنش حلو نهائي
حمامات السباحه فوق الممتازه كبيره و عميقه
موقع الفندق مميز جدا و حيوي

بصراحة الفندق سئ جدا من حيث عدم تنوع الاكل في كل الواجبات وكمان الغرف الفيو بتاعها بيبص علي غرف الآخرين يعني لازم لما اطلع او ادخل البلكونة اقفل ورايا الستارة علشان اللي قدامي ميشفش غرفتي ، دا غير الاكوا بااارك 😂😂😂😂 اللي المفروض الفندق فاهم ان دي اكوا فقيرة الي ابعد مدي هما بالظبط لعبتين والثالثة بتفتح ساعه بس حاجة بجد زهق جدا وكمان العاملين غير مهذبين علي الاطلاق بصراحة اجازة بالنسبالي سيئه جدا وندمان جدا اني وديت عائلتي فندق زي دا اسف لهم والله انصح كل الناس بعدم حجز الفندق دا لانة بصراحة دووررن المستوي في كل شئ ،، حسبي الله ونعم الوكيل في الفلوس اللي اخدتوها

مكان فوق الروعه وخدمه ممتازه وراحه فى الوصول إلى الفندق ومكتب ناهد ترفل خدمه مريحه جدا وسهله التواصل واتمنا انى اكررها تانى فى أقرب وقت لفندق سيجال موقع جغرافى ممتاز وفندق متكامل من حيث المطاعم والاماكن الترفيهية