بداية الرحلة الوصول ١٢ الظهر استلام الشنط دفع المبلغ المستحق و انتظار استلام الغرف ل ٢:٣٠ و زيادة تكلم الريسيبشن حالاً يافندم ولا اكنك قولت حاجة
استلام الغرف الغرف لسة مخلصتش نضافة اه الريسبشن بيريح دماغه
الغرفتين تم استلامهم
غرفة بها تلفزيون ١٤ بوصة كان مُقدم هدية لكليوباترا علشان كدة مُعتزين بيه
و الغرفة الاخري بها شاشة التكييفات في الغرف الاتنين كانوا تمام جداً و كويسين
و نبدا يومنا الاول بالفندق بتغيير الملابس و الذهاب للمطعم
دا مش مطعم فندق و اوبن بوفيه و كدة لا دا "مائدة رحمن"
عدد الاصناف يكاد يكون معدوم و دا ثاني اسوء اكل بعد اكل مال اليتيم
و الاكل تحسهم يا تاكل يا تتفضل غير كدة "اغلب" الشيفات بتاخد منهم الاكل اكنه بيقطع من جلده و زي ما قولنا "اغلب" الشيفات
اكلهم اقل من المستوي المطلوب خالص المكرونة يا نية يا معجنة الكفتة بحالات يوم عدلة و يوم متتاكلش الفراخ لا مش لطيفة و كمان بحسهم بيقفلوا التكييف من المطعم علشان يخلوا الناس تنجز و تقوم
ندخل في قسم الحلويات ولا اقولك خليه مقفول احسن
خلصنا جزء الاكل نتجه للبيتش و البحر بقي
الشاطئ حلو جداً للي بيحب ينزل الميا بس لازم جزمة بحر لاني اولله صخري بسيط
لو بتحب تعمل سنوركلينج فالبحر فقير من الشُعب المرجانية و الاسماك
نيجي بقي لمستوي النضافة العامة بالفندق ياه علي النضافة الابراص بترفرف حواليك في اغلب الاماكن
تقريباً كدة احنا قولنا كل حاجة عن الفندق
الفندق يا يظبط نفسه من ناحية الادارة يا اما يقللوا السعر و يبقي سعر مقابل قيمة لكن هما دلوقتي عمالين بيكابروا علي ايه مش عارف
هسيبلكوا صورة كانت في الحمام تستمتعوا بجمالها
1,168
355
179
134
319
