انا اضيت 4 ليالى فى الفندق فى شهر اكتوبر و حبيت اشارك تجربتى دى لباقى الناس اللى لسه متعرفش الفندق عشان انا ملقتش اللى يفدنى قبل ماروح... مبدايا الفندق اكتر حاجة شدتنى ليه فكرة البحر انه واخد جزء من البحر و عاملة زى بحيرة مغلقة دى كانت حاجة حلوة جدا لانك حسيت نفسك كانك فى حمام سباحة بس مفتوح وتلاقى فى من نضافة المياة و جميع الاعماق المطلوبة و كمان مفيش الخوف من الصخور بصراحة دى كانت اكتر حاجة شدتنى ...نيجى بقى للسالبيات, اولا مفيش نظام من الادارة التكييف عطل فى الغرفة الساعة 2 بليل هو مشكور الفنى جه و قال انو هيتصلح فساعتين عشان نلحق ننام ونكمل اليوم بس الحقيقة انو اتصلح بعد 7 ساعات لحد مالفنى بتاع الشيفت التانى جه و طبعا مكنش فيها نوم خالص مع اننا طالبنا غرفة تانية بس للاسف مردوش يوفروها ....بالنسبة للمطعم الاكل تقليدى مفيهوش تغيير زى كل يوم الموظفين معاملتهم باردة جدا مع المصريين.. فريق الانيميشن اسوء انيميشن شوفته بسبب كسلهم فى النشاطات اليومية و مفيش تفاعل والانحياز التام للاجانب(ممكن تبقى قاعد جمب اجنبى يجى يشد الاجنبى عشان يلعب قدامك ولا يعبرك) اسوء حاجة فعلا قابلتها كانت الانيميشن......واحب اوجه الكلام ده خاصة لادارة الفندق>>>>(لو حضرتك مضايق اوى من المصريين كده اللى هما صحاب الارض اصلا يبقى اقفل الفندق على الاجانب بس ولو هتقولى المصريين وحشيين احب اقولك ان الاجنبى اللى بتجيبه بيعمل نفس اخطاء المصرى و يمكن اكتر بس حضرتك بتتقبل تصرفاته بضحك والعكس معانا تماما)

الکثافه العالیه خلال اول یوم والاکل السئ هو ما قابلته
لکن تم معالجه موضوع الاکل من ثانی یوم
انصح من یرغب بالتمتع بالغوص بالذهاب ولکن لا تضع آمل کبیر علی جوده الطعام او ان تقوم بالحجز دیولکس
فریق الانیمیشن کان أکثر من جید ولکن

مفهوم النضافة غير موجود تماما والعمالة قليلة ومفيش رقابة عليهم اول مرة انزل فندق واحس بهيصة طول الوقت فالطرقات وجرجرة اثاث وسراير مترمية فالطرقة وكل غرفة ليها زجاجتين مياه حجم صغير اول يوم فقط وتملى بعد كده كوبايات من كولر موجود فاول مبنى فقط تمشيله مشوار او تدفع اي حاجة لعمال النضافة ويدوك ازازيز مقفولة اما المطعم كنت حاسة اني فمطعم كشري كبيييير فاحد الاحياء الشعبية والاكل رديئ جداااا والفاكهةوالحلويات مهزلة تقريبا مفيش غير نوع واحد بس اكل مستشفيات او اقل اسوأ والمخبوزات بكل انواعها ناشفة جدا وبايتة احنا كنا all inclusive وقضيناها اكل بره ومعظم الناس كانت بتخرج تشتري من الخارج اكل فطار وعشا والامن اي كلام ممكن تحصل اي مصيبة ولا هما هنا مع ان ده الفندق اللي حصلت فيه حادثة طعن سائح فشهر يوليو،التلفزيون فالغرفة بتاع زمااااان دايو وعفن فجدار البانيو وكليم صغير مبقع فالارض وملايات مهلكة من الاستخدام ومبقعة والسباكة بايظة ابسط الاشياء غير موجودة مثل كيس فالباسكت القديم المتكسر اساسا او كيس للغسيل وبعض الموظفين بيتعاملوا كانه فمصلحة حكومية مع جمهور وخاصة استاذ دايفيد فالريسبشن والمشروبات غاية فالسوء تسليم الغرف لغاية 4 بس نقص عمال النضافة اللي مش بينضفوا اساسا واغرب حاجة بعد مالزحمة خفت فرشوا ترابيزات المطعم بمفارش ونوعوا فالفاكهة والحلويات !!! طب ايه ذنب اللي حاجز فوقت فيه زحمة ودافع انه يعامل بالشكل ده تجربة سيئة فالمجمل.