عدد النزلاء كان كبير جدا مقارنة باستيعاب المكان والمطعم مكانش قادر يغطى العدد والاكل كان سئ جدا
والنظافة كانت سيئة سواء فالغرف او فى حمام السباحة
تحس مثلا الاوضة بتتنضف كل ١٢ سنة مرة مثلا
حمام السباحة مهزلة ويقولك احنا اسفين مفيش مكان تقعد ومفيش شمسيات طب نعمل ايه
واسواء ما حصل انه قامت خناقة كبيره باقبح الالفاظ واسواءها على الاطلاق بين مجموعة من الاشخاص سكرانين واضح انهم معروفين كويس جدا لادارة الفندق وطبعا الاداره سابت الخناقة عادى ولا كأنها شايفة حاجة اصلا والنزلاء هم اللى خلصوا الخناقة والخناقة تطورت لحد الاشتباك بالايدى والضرب
والاسوء بقي ان الخناقة بنفس الشكل ونفس الالفاظ وقمة السفالة ونفس الاشخاص السكرانه اتكررت تانى يوم
المكان بشكل عام كان سئ وستاف سئ ولا انصح حد بالمكان ده

مكان أكثر من رائع شواطئ بارات انيميشن تيم البوفيه جميل جدا الغرف كلها مناظر روعه
الانيميشن كاتيا فتاه رائعه فعلا دائما مبتسمه وجميله. القريه بها أكثر من شاطئ حسب رغبتك واختيارك المشروبات فعلا جميله بالخصوص الفريش

بصراحة مش لاقي ميزة في الاوتيل ده غير الموقع والانيمشين تيم
البحر هو افضل حاجة في الحقيقة
الوجبات سيئة جدا جدا والشيفات بتتباهي بان مفيش غير كده اللي مش عاجبه ما ياكلش
النضافة سيئة جدا و الغرف قديمة ومتهالكة و حوض الاستحمام قذر مع طلبي نضافته كل يوم
الحمام بلاطه سيء والشفاطات لا تعمل رغم الاصلاح و مسامير في الارض تعور اي شخص
كل ده شيء و عثورنا علي برص في الغرفة شيء تاني خالص و تاخر خدمة العملاء في الرد وانعدام الرد احيانا بمنتهي قلة الذوق
حمامات السباحة قذرة بمعني الكلمة تقرف تنزل فيها و تنزل اولادك
العصاير سيئة جدا الفطور سيء جدا العيش جاف جدا وقاسي والكرواسون و الباتيه قديم جدا وجاف غير قابل للاكل
الريسبشن و الخدمة سيئة جدا و الاستاذ مينا المسؤل عن خدمة العملاء دايما يتحجج و يطلب انه يتكلم معاك اما يعرف ان عندك ملحوظات سلبية بس للاسف مافي شيء بيتغير
لا انصح بيه اي شخص عاوز وجهة متميزة يتفسح ويسعد هو وعائلته
ميزته الوحيدة رخيص ولولا ارتباطي بحدث فيه كنت تركته من اول ساعة
لا انصح به مطلقا