انا مقيم حاليا بالفندق .. سئء للغاية
لا يوجد خدمة ولا سرفيس نهائى ولا اى حد بيضحك الا فى وش الاجانب فقط .. الاكل فوق السىء جدا ... 3 ايام مرت من اقامتى حشرات بالغرفة وعلى المخدة (نمل)والبوفية افطار وغداء وعشاء ثابت والاكل ضارب بمعنى ضارب بطنى انا وزملائى فى غاية التعب عايشين على الشوربة اللى مش بتتغير بالليمون اللى نصفة ضارب والسمك الفيلية عبارة عن زيت وسمك ضارب من كتر الثلج اللى فية وكابوريا بكميات فظيعة سوداء من الداخل والخارج بدون مبالغة او فاضية اصلا وقلت اجرب الفاكهة للاسف ثابت يوميا 3 اصناف بلح اسود حامض وبرتقال بقالة سنة فى الثلاجات ضارب والرمان لونة اسود وابيض من كتر التخزين واضح جدا انة ضارب .. والخيار اللى كاوتش من سوء التخزين والله اعلم هو اصلا جاى كدة ولا فعلا سوء تخزين .. منظر الاطباق على البوفية وريحتها سيئة جدا لدرجة انها بتخرج من المطبخ عليها تقلية ناشفة وتبلغ السرفيس كانك بتكلم حائط .. وفناجين الشاى ريحتها زفرة جدا طبعا من عدم الغسيل باى مواد كيميائية اقصد طبعا الخل ولما بقول لاى حد من السرفيس يقول لى مفيش طبعا غسيل بخل .. منظر المطعم مقزز كان حيوانات بتاكل والارض دايما عليها اكل ومياة وعصائر من النزلاء ولا احد يبالى..
تطلب حاجة من السرفيس بيشوح لك دة اصلا لو عبرك .
المصيبة الاكثر فى كبايات العصير والكولا والمياة اللى بتخرج من البيرة للاجانب وترجع شطفة تحت الحوض ويصب لك فيها وطبعا ريحة البيرة فايحة من الكباية والعصير اللى ناشف على طرف الكباية .. للاسف صنى دايز البلاسيو محتاج F.B manager محترم ويعطى لجميع العاملين مبدئيا كيفية التعامل مع البشر والضحكة وبعد كدة الخدمة .
واخيرا الرسبشون اللى طلبت منة سليبر للحمام عشان الوضوء للصلاة الباشا يقول لى اصلا مش بنجيبة وكلم خدمة الغرف يسالهم قال مفيش بردة وبعدها بنصف ساعة الاقية بيوزعة على غرفة بجوار غرفتى واخدتة من النزيل بالفعل.
حقيقى انا فى غاية الاسف لتواجدى بالمكان دة وربنا يهون اليومين اللى فاضلين عليا وانشاء الله مش هفكر فية تانى ولا انصح بية اى حد ابدا . شكرا البلاسيو على سوء كل حاجة. Very Very bad hotel

الفندق متميز جدا بإطلالته وخدماته وطاقمه جدا رائعون وأشكر فريقالعمل على حسن الضيافة وأتمنى لهم التوفيق الدائم الأرتقاء الى النجومية سهل لكن المحافظة على هذه المكانة صعب جدا وفقكم الله ... وأتمنى لكم ديمومة النجاح والتوفيق

Sunny days palaslo
فندق جميل جدا
افضل معامله ومكان قريب من البلد ومتنوع والغرف والمطعم والانميشن ممتاز والأكل والمشروبات متغيره
وحمامات السباحه والبحر والمكان بصراحه تحفه فنيه رائعه شكرا جزيلا جميع العاملين