الزيارة كانت سيئه جدا لعدم وجود أسلوب حضاري لمعامله العملاء
ولاكن الأسماك الموجودة هناك والحيوانات جميله جدا

المكان اكثر من رائع ويجمع بين التنوع من الحيوانات والأسماك والغابات المطرية
وأكثر الأماكن تشويقا الجسر المعلق ونفق الاسماك وكذلك عرض الغواص مع اسماك القرش
والأهم من ذلك طريقه تعامل القائمين على المكان مع الزائرين

المكان عموما مش وحش بس لذيذ نبدأ بالمدخل بصراحة فقير جدا بالنسبة للمكان المفروض الاهتمام اكثر من كدة بكتير بالمدخل و بشكل و ديكور المكان من برة انا حتى ماكنتش متخيل ان ده هو الاكواريوم من ضعف الديكور الخارجى للمكان و واضح عدم الاهتمام بيه .
بعد كدة المحتوى من الداخل الكائنات البحرية جيدا نوعا ما و فى تنوع و اشكال و انواع متعددة و الجولة ممتعة بس كان غريب ان المكان المفروض يعرض الاحياء البحرية بس لقيت بالداخل كائنات حية اخرى و حسيت لفترة انى فى حديقة الحيوان كان موضوع غريب شوية
الخروج من المكان و الوصول اليه كان بعربية بس مش عارف ممكن الوصول اليه بالمواصلات العادية ولا لا بس اعتقد انه صعب لانه بعيد عن المدينة فى منطقة نائية و غالبا محاط بالصحراء.
انا كنت زرت الاكواريوم فى شنغاهاى و بصراحة شتان بين الاثنين . فى شنغاهاى عارفين يستغلو الموضوع كويس جدا و المكان معموله ديكور ممتاز و فى وسط مكان حيوى جدا و سهل الوصول اليه بالمواصلات و محاط بالمولات و المطاعم. هنا الاكواريوم فى الغردقة لا يوجد اهتمام به على الاطلاق و غير مستغل تماما و حتى ممكن كتير من المصريين لا يعلموا بوجوده اساسا و صرح مثل هذا يجب الاهتمام به و استغلاله و الاستفادة من وجوده جيدا جدا