اول زياره للفندق مع اسرتى وصديقى واسرته وملاحظاتى كالاتى:
الايجابيات:
1- ريسبشن فاخر جدا ورسومات وتماثيل مبهره بدايه من تابلوه للموناليزا الى حوض سمك ضخم جدا يحيط بالبار الرئيسى بوسط الريسبشنز
2- الغرفه كبيره جدا وفيها كل وسائل الراحه ونظيفه جدا جدا
3- البحر رملى مش هتشوف ف جماله
4- الفيوهات فى كل مكان- اى مكان تروحه فى الفندق كله هتلاقى حواليك جمال وتقريبا اللى عمل الفندق ده بناه لمزاجه واستجمامه وفيه قصر ع البحر شكله كده بتاع مالك الفندق ( الفندق يملكه صاحب مصنع كريازى)
5- الاكل متنوع وجميل جدا ولاخر ميعاد ف البوفيه وفى اى وجبه كل شىء موجود. مافيش حاجه اسمها صنف خلص لاخر ميعاد البوفيه
6- الفندق فيه عياده تعمل 24 ساعه باجر اضافى واحتاجنا العياده مرتين فيهم مره الساعه 2 صباحا وللحق الدكتوره نور ممتازه لابعد الحدود وفاهمه يعنى ايه الطب مهنه انسانيه قبل اى شىء وكل الشكر ليها وكمان فيه صيدليه كويسه جدا وفيها دكتور اندور متعاون وشاطر وقلما تقابل حد جميل وفاهم ومتعاون كده وانا بشكره جدا
7- حجزنا عن طريق شركه سياحه اسمها ديستينو وبدايه التعامل كانت مع استاذ احمد عمران المحترم والمتعاون جدا وفى الفندق مندوب مقيم من الشركه اسمه عبد الرحمن موجود معانا وحواينا ف كل مكان وبيسهل لنا كل شىء وما اقدرش انسى وقفته معانا وما رضيش يمشى الا لما يطمن تماما لما زوجة صديقى تعبت وقعدت ف العياده ما يزيد عن ساعتين ( دور برد ونزله معويه واحتاجت تركيب محاليل) . شكرا جزيلا يا عبد الرحمن
العيوب
1- عيب خارج اراده الفندق - حدث انقطاع وتذبذت للتيار الكهربى ف الغردقه كلها وتسبب ف انقطاع التكييف المركزى عن العمل فى الفندق ولما سالت عرفت ان المشكله هتتحل على يوم 13 اغسطس علشان قطع الغيار المطلوبه
شركه السياحه والفندق تعاملو بمنتهى الاحترام وكل ماتقابل حد يعتذر جدا عن المشكله دى اللى هوه اصلا مالوش يد فيها. احنا من الناس اللى رفضت المغادره بالعكس زودنا الاقامه يومين اضافين لان الفندق حلو فعلا
2- اشتكيت من النظافه فى حمام الريسبشن وللامانه تم الاستجابه فورا

تجربتى للفندق ممتازه من حيث خدمه الغرف والبحر الرملى الرائع وحمامات السباحه الممتعه والمطعم الرئيسى وتنوع الاطعمه وايضا ديكورات الفندق الرائعه
ولكن العيب الوحيد الموجود هو عطل المكيفات وهو عطل خارج عن اراده الفندق ولكنهم فىى محاولات لاصلاح فى اسرع وقت
وشكرا جالص جدا الى استاذ عبد الرحمن مسئول التعاون معانا من قبل شركه السياحه الذى ابدى كل التعاون والدعم
حدث لنا فى احدى ايام الاقامه حاله مريضه وذهبنا الى العياده ووجدنا دكتوره نور التى تعاونت معانا فى منتهى الاحترافيه والمهنديه وهى فعلا دكتوره رائعه وذوق وجميله جدا ولها منى كل الاحترام والشكر
وايضا احتاجنا الى التعامل مع الصيدليه ووجدنا فيها دكتور الشاطر الماهر البشوش دكتور أندرو الذى كان متعاون جدا جدا

فندق ممتاز خدمة و بيتش و سيرفيس
فريق انميشن رائع و نخص بالذكر استاذ harry وd.habibi ونشكر طاقم الريسبشن على حسن التعامل والأبتسامة الدائمة والشاطئ الخاص بل فندق رائع ومريح وطاقم البارات جميعه رائع ودائم الابتسامة وبل تأكيد سوف نعود دائما