انقل إليكم تجربتي الرائعه مع ديزرت روز

- الوصول كان الساعه ٩ صباحا والتسكين تم فورا مع سؤالي عن تفضيل اختيار الغرفة ارضي او دور اول او تاني " وده كان اول مكان بالنسبة لي يعطي الجيست حرية التفضيل "
- الغرف " ليست على مستوى ال ٥ نجوم " ولكنها جيده
ينقصها بعض الاهتمام بالديكورات و الألوان والأثاث " الأثاث ليس متهالك كما كنت ارى من معظم التعليقات الموجودة " ولكن الحمامات متواضعه
ودي مش حاجة مهمة من وجهة نظري لأننا ما كناش بندخل الغرفة من الصبح غير على الساعه ٦ مساء ننام ساعتين و ننزل تاني
يعني اللي مهتم باناقة وفخامة الغرف مش هيتبسط عموما من الغرف
- الميني بار يتم ملؤه بعصائر و بيبسي يوم بعد يوم " مجانا " ودي كانت مفاجئة
- الاكوا عبارة عن ٦ سلايدز واهم حاجة الاهتمام المستمر من المشرفين عليها وأخص بالذكر المحترم مستر حسام ورءيستهم مونيكا على ما اعتقد
- المنتجع كبير وجميل بكل معاني الكلمة من حيث الخضرة والتنسيق و توزيع الكافيتريات والنظافة المستمرة
- يوجد عدد ٢ بسين كبير جدا + بسين اوليمبي + بسين بيبي موجود بالجاردن المخصصة لألعاب الأطفال
- واحد من البسينين عليه لعبتين اكوا للأطفال
- الشاطيء منقسم جزئين
جزء عبارة عن بحيرة طبيعية من مياه البحر وشاطئها جميل جدا و رملي " بس رملته خشنه " مش زي رملة اسكندرية عشان ما فيش زي اسكندرية
الجزء الثاني هو البحر في منطقة جلوس هناك بقى ايه انت والهوا والسما والجبال قدامك وهو يصلح للنزول وعمل الإسنوركلينج فيه
وفي البحر عاملين مراتب عوامه فكرة جديدة

- وفيه في نقطة تقابل البحر والبحيرة جسرين ما بينهم كافيه La Vista كافيه على المياه وكأنه جزيرة هو فعلا كده حاجة خرافية أوعى يفوتكوا القعده فيه وهمي
- الكافيتريات على طول المنتجع وبتقدم المشروبات البارده منها آيس تي والساخنة انواع كتير كابوتشينو هوت شوكليت موكا وفي منها بيقدم آيس كريم و فيشار من الساعة ١٢ حتى ٤ عصرا
يوجد في وسط المنتجع كافيتيريا يقدم بيتزا من اختيارك وبطاطس مقليه من الساعه ١٢ حتى ٦ المغرب ودي حاجة مميزة جدا للأطفال اللي مش مهتمين بأكل المطعم
- على شط البحيرة في اثنين كافيتيريا تقدم المشروبات بالاضافة الي شاورمة اللحم و بطاطس مقلية والآخر كرواسون و دانش
- المطعم كبير جدا
بوفيه الفطار أحلى حاجة " فطار مصري مصري " يعني فول من القدرة و خلطه و بيض من اختيارك وفلافل وبطاطس شيبسي وبتنجان و فلفل مقلي وجبن و سلاطات وفطير مشلتت وعسل و مش و بليلة و رز باللبن و كورن فليكس و و و
وتعظيم سلام لشيف المخبوزات والحلويات طعم ولا اروع
- الغدا و العشا مافهمش تنوع
بس المميز ان كل يوم في مشويات فراخ او كفته
مافيش اسماك غير سمك فيليه نوع واحد مسلوق او مشوي " كمعظم الفنادق "

بوفيه السلطات فقير جدا

المنتجع عنده سياسة العشاء المتاخر " نفس بوفيه العشا تقريبا بيبداء من ١٠.٣٠ وحتى ١٢:٣٠
الفطار المبكر من ٤ فجرا وحتى ٦ صباحا

- ميزة أيضاً الواي فاي مجانا بكل حته في المنتجع من أوله لاخره حتى الغرف " ولكن بطيء نوعا ما خصوصا في الغرف "
ايضا في منطقة مخصصة لتأجير العجل والإسكوتر وعربات الكهرباء للأطفال

ملاحظه مهمة في من العاملين كالعادة بيكون قليل الذوق مع اولاد بلده بس و يتحججلك بالضغط. اللي عليهم وكدزا بس مع الأجنبي بيبقى الضحكة ما بتفارقش بوزه ومابيبقاش ساعتها عليه ضغط !!!
اللي زي دول و عن تجربه شخصية تشخط فيه و تديله كلام دبش في وشه يتعدل و يمشي زي الألف ودول قله بس للأسف بيعكننوا عليك يومين البريك بتوعك

" اجنبي تبقى حبيبي و صاحبي وكفاءة إنما مصري اعصرك انزل منك مصريين صوغننين "

الخلاصة ديزرت روز هتلاقي فيه الاكوا - خدمة الخمس نجوم - "السعر المعقول مقابل الخدمة " -حمامات السباحة - الشط الرملي مش هتتعب ولا هتشغل دماغك بأكل الأولاد

ملاحظة : لو معاك اشخاص سنهم كبير اطلب غرف ارضي " لعدم وجود مصاعد " وتكون في وسط المنتجع و قريبة من المطعم ومنطقة المسابح

♦ شاطئ ضخم رائع على شكل حرف U عبارة عن بحيرة بدون هدير امواج للسباحة الهادئة وعلى الاطراف شاطئ مفتوح على عمق البحر ويغلق الاطراف جسر عالى مفتوح والمنظر من هناك على البحر اكثر من رائع يمكنك أن تجلس هنا لتستمتع بمشروبك الساخن او البارد مع وجبات خفيفة ضمن برنامج الاقامة الشاملة .
♦ 4 احواض سباحة ضخمة منها حوض سباحة اوليمبى تخاطب كل الاعمار والاطوال حتى عمق 210 سم مع وحدات العاب مائية مميزة على احداها للترفيه .
♦ لن تشعر بالجوع او العطش ابدا فى هذا المنتجع لسببين :
- البوفيه الرئيسى له ضخم ومتكرر ومستمر من الصباح المبكر جدا وحتى بعد منتصف الليل بساعة .. أما عن رأييى فى جودة الطعام فهذا يختلف من شخص لأخر وحسب تذوقه وأكلاته المفضلة وتقييمى أنا شخصيا أنه فوق المتوسط .
- نقاط توزيع الوجبات الخفيفة ( بيتزا - باستا - هامبورجر - فرايز - ايس كريم - فيشار - مشروبات ساخنة عدا القهوة التركى - مشروبات باردة وعصائر ) لم أستطع حصرها لكثرتها وتنوعها أينما ذهبت داخل المنتجع سوا على البحر او احواض السباحة او البارات فى اللوبى وتعمل طوال النهار تقريبا من بعد الثاية عشر ظهرا .
- كانت تجربة رائعة وفريدة أن يقدم لك الفندق بعد التواصل مع ادارة خدمة العملاء للحجز الفرصة مجانا للاستمتاع بالغذاء او العشاء فى احد مطاعمه المميزة ( مطعم دولفين للاسماك على شاطئ البحر مباشرة او الرانشوا للاكلات المكسيكية او فتوش للاكلات اللبنانية ) واستمتعنا جميعا بوجبات أخترناها من قوائم كل مطعم ونالت أعجاب واستحسان كل الحضور مع خدمة وطعم أخر مميز وإن كان مطعم فتوش الأقل استحسانا ولكن عموما تجربة رائعة فيها بذل وعطاء أكبر من ادارة الفندق لإرضاء نزلائه ... برافو عليهم .
- كنت اقيم فى غرفة دوبل مع طفلين وأمدونا بسرير أضافى مجانا والغرفة مناسبة كمساحة وتجهيزات فى حدود السعر وأنصح بطلب غرفة فى مبنى 3000 او مبنى 6000 لأنهما يتوسطا المنتجع الضخم والذى تبلغ مساحته 60 فدان هذين المبنيين قريبين من البحر واحواض السباحة والمطاعم ... كما أن المنتجع محاط بلاند سكيب رائع فى كل مكان تطأه قدماك .- فريق الانيمشن تيم كبير وضخم ومن جنسيات متنوعة عربية وأجنبية ولهم نشاطات حازت على أعجابى سوا حفلاتهم صباحا على البحر واحواض السباحة او مساءا فى المسرح الرومانى .
- Special thanks to Mrs. Eirna Savira Guest relations staff leader for her good treatment with us .