هي زيارتي للسنة الثانية على التوالي للمنتجع الرائع ديزرت روز - الغرف ما زالت " ليست على مستوى ال ٥ نجوم " ولكنها جيده ينقصها بعض الاهتمام بالديكورات و الألوان والأثاث . - الميني بار يتم ملؤه بعصائر و بيبسي يوم بعد يوم " مجانا " كعادة ديزرت روز - الاكوا عبارة عن ٦ سلايدز واهم حاجة الاهتمام المستمر من المشرفين عليها - المنتجع كبير وجميل بكل معاني الكلمة من حيث الخضرة والتنسيق و توزيع الكافيتريات والنظافة المستمرة - يوجد عدد ٢ بسين كبير جدا + بسين اوليمبي + بسين بيبي موجود بالجاردن المخصصة لألعاب الأطفال - واحد من البسينين عليه لعبتين اكوا للأطفال - الشاطيء منقسم جزئين جزء عبارة عن بحيرة طبيعية من مياه البحر وشاطئها جميل جدا و رملي . الجزء الثاني هو البحر في منطقة جلوس هناك بقى ايه انت والهوا والسما والجبال قدامك وهو يصلح للنزول وعمل الإسنوركلينج فيه - وفيه في نقطة تقابل البحر والبحيرة جسرين ما بينهم كافيه La Vista كافيه على المياه وكأنه جزيرة هو فعلا كده حاجة خرافية أوعى يفوتكوا القعده فيه وهمي - الكافيتريات على طول المنتجع وبتقدم المشروبات البارده منها آيس تي والساخنة انواع كتير كابوتشينو هوت شوكليت موكا وفي منها بيقدم آيس كريم و فيشار من الساعة ١٢ حتى ٤ عصرا يوجد في وسط المنتجع كافيتيريا يقدم بيتزا من اختيارك وبطاطس مقليه من الساعه ١٢ حتى ٦ المغرب ودي حاجة مميزة جدا للأطفال اللي مش مهتمين بأكل المطعم - على شط البحيرة في اثنين كافيتيريا تقدم المشروبات بالاضافة الي...هي زيارتي للسنة الثانية على التوالي للمنتجع الرائع ديزرت روز

- الغرف ما زالت " ليست على مستوى ال ٥ نجوم " ولكنها جيده
ينقصها بعض الاهتمام بالديكورات و الألوان والأثاث .
- الميني بار يتم ملؤه بعصائر و بيبسي يوم بعد يوم " مجانا " كعادة ديزرت روز
- الاكوا عبارة عن ٦ سلايدز واهم حاجة الاهتمام المستمر من المشرفين عليها
- المنتجع كبير وجميل بكل معاني الكلمة من حيث الخضرة والتنسيق و توزيع الكافيتريات والنظافة المستمرة
- يوجد عدد ٢ بسين كبير جدا + بسين اوليمبي + بسين بيبي موجود بالجاردن المخصصة لألعاب الأطفال
- واحد من البسينين عليه لعبتين اكوا للأطفال
- الشاطيء منقسم جزئين
جزء عبارة عن بحيرة طبيعية من مياه البحر وشاطئها جميل جدا و رملي .
الجزء الثاني هو البحر في منطقة جلوس هناك بقى ايه انت والهوا والسما والجبال قدامك وهو يصلح للنزول وعمل الإسنوركلينج فيه
- وفيه في نقطة تقابل البحر والبحيرة جسرين ما بينهم كافيه La Vista كافيه على المياه وكأنه جزيرة هو فعلا كده حاجة خرافية أوعى يفوتكوا القعده فيه وهمي
- الكافيتريات على طول المنتجع وبتقدم المشروبات البارده منها آيس تي والساخنة انواع كتير كابوتشينو هوت شوكليت موكا وفي منها بيقدم آيس كريم و فيشار من الساعة ١٢ حتى ٤ عصرا
يوجد في وسط المنتجع كافيتيريا يقدم بيتزا من اختيارك وبطاطس مقليه من الساعه ١٢ حتى ٦ المغرب ودي حاجة مميزة جدا للأطفال اللي مش مهتمين بأكل المطعم
- على شط البحيرة في اثنين كافيتيريا تقدم المشروبات بالاضافة الي شاورمة اللحم و بطاطس مقلية والآخر كرواسون و دانش
- المطعم كبير جدا
بوفيه الفطار أحلى حاجة " فطار مصري مصري " يعني فول من القدرة و خلطه و بيض من اختيارك وفلافل وبطاطس شيبسي وبتنجان و فلفل مقلي وجبن و سلاطات وفطير مشلتت وعسل و مش و بليلة و رز باللبن و كورن فليكس و و و
- بوفيه الغدا و العشا جيد جدا و المميز ان كل يوم في مشويات فراخ او كفته
المنتجع عنده سياسة العشاء المتاخر " نفس بوفيه العشا تقريبا بيبداء من 11 وحتى 12:30
وبعدين فيه عشاء خفيف تقريبا جبن وفول وكده من الساعة 1 وحتى 3 صباحا
الفطار المبكر من ٤ فجرا وحتى ٦ صباحا
- ميزة أيضاً الواي فاي مجانا بكل حته في المنتجع من أوله لاخره حتى الغرف " ولكن بطيء نوعا ما خصوصا في الغرف "
ايضا في منطقة مخصصة لتأجير العجل والإسكوتر وعربات الكهرباء للأطفال
للأسف الشيشة كورنر كان مغلق و به تجديدات واضطرينا للخروج خارج الفندق لمشاهدة الماتشات العالمية
ملاحظة : لو معاك اشخاص سنهم كبير اطلب غرف ارضي " لعدم وجود مصاعد " وتكون في وسط المنتجع و قريبة من المطعم ومنطقة المسابح
السلبيات التي تم تلافيها من وجهة نظري السنة دي هي كالأتي :
- اولا معاملة الاستف للجيست اتحسنت كثير
- اصبح بوفيه السلطات اكثر اصناف و تشكيلة جيدة
- اصبح في بوفيه الغداء والعشاء يوميا سمك فيليه مقلي او كاليماري وهو ما كانش موجود السنة اللي فاتت
- الأنيميشن تيم السنة دي عامل شغل عالي عالي عالي جدا حقيقي مش هتقدر تغمض عنيك من كتر الأكتيفيتي اللي بتبدأ من الساعة 10 صباحا وعلى مدار اليوم حتى غروب الشمس
- نيجي بقى لأهم نقطة وهي ميزة محورية ينفرد بيها ديزرت روز وهي البارات او الكافيهات اللي على طول المنتجع
- ثلاث بارات على طول المنتجع تعمل من الساعة العاشرة صباحا وحتى تقريبا الساعة الواحدة او الثانية صباحا والميزة والقيمة الحقيقية ليهم بتبدأ من بعد العشاء كل بار منهم له برنامج مختلف عن الأخر
- البار الأول للي عايز يستمتع بالعود والكمانجا والطرب الشرقي الأصيل
- البار الثاني للي عايز يستمتع بالدي جيه والغناء اللايف من مغني او مغنية
- البار الثالث للمجموعات اللي عايزة تستمتع بلعب الكوتشينة او ما شابهها من العاب الورق
- مع الإستمتاع الكامل بالمشروبات الساخنة و الباردة
- مع الإستمتاع بالإستلقاء ليلا على الشيزلونجات اما حمامات السباحة مع الضوء السهاري لمن يريد الإختلاء نفسه والهدووووء بعيدا عن الضوضاء
الخلاصة ديزرت روز هتلاقي فيه الاكوا - خدمة الخمس نجوم - "السعر المعقول مقابل الخدمة " -حمامات السباحة - الشط الرملي مش هتتعب ولا هتشغل دماغك بأكل الأولادالمزيد