فندق غاية فى الجمال بداية من الاستقبال معاملة vipحاجة روعة من الجمال وجميع العاملين بالفندق قمة فى الاحترام والمعاملة وأصبح كل الاستطاف أصدقاء لى كل حاجة فى الفندق مفيش فيها غلطة مطاعم وغرف وحفلات ومعاملة
واشكر مستر محمد أمين مدير عام الفندق ومستر احمد عامر ومستر عادل فى الرسبشن ومستر هانى عمارة مدير المطاعم ومستر شريف وطبعا شعلة النشاط مستر محمود الباز ومحمود مناع
بجد اسطاف لة كل الاحترام والتقدير
والزيارة القادمة طبعا ديزرت روز
وانصح بة كل من يبحث عن الرقى والجمال

منتجع كبير وخمس نجوم فعلاً الريسبشن يليق بالفندق
من حيث وجميل ومفعم بالحيوية والموسيقى الصاخبة القرية بها حمام سباحة أولمبيي وحمام سباحة للأطفال وكيذر كورنر ويحتوي على لعبتين أكوا بارك للأطفال وحمام سباحة يوجد بمنتصفه بار بالإضافة أكوا بارك للكبار بها عدد 6 ألعاب ويوجد بحيرة جميلة وسط البحر صالحة للسباحة رمالها ناعمة تصلح للكبار والأطفال ولمن لا يجيدون السباحة وهناك البحر به الشعب المرجانية والأسماك الملونة والتي يمكن رؤيتها دون غطس ومناظر خلابة للبحر والأسماك الملونة والغرف جيدة جداً والأثاث جيد وعامل الغرف علاء في منتهى الإحترام والذوق ويوجد العديد من البارات افضلهم على الإطلاق بار الشاطئ بيلا فيستا الذي يقدم المشروبات والأسناكس اللذيذة التي تقدم المشروبات والأسناكس متنوع بيتزا ووافلز وكريب وبرجر وسوسيس ومكرونات وجاتوهات والعديد من الوجبات الخفيفة ويوجد مطعم رئيسي يقدم الثلاث وجبات بالإضافة إلى العشاء المتأخر الذي يبدأ من الساعة الثانية عشر ونصف بعد منتصف الليل إلى الساعة الثالثة فجراً ويقدم عشاء خفيف مجموعة متنوعة من الجبن والجاتوهات ويوجد الإفطار المبكر الذي يبدأ من الساعة الثالثة والنصف فجراً حتى الساعة السادسة والنصف صباحاً بالإضافة إلى 5 مطاعم متخصصة بالحجز المسبق قبلها بيوم على الأقل منها المطعم المكسيكي والفتوش والايطالي والأسماك والأنيميشن تيم جيد جداً ومتنوع ويوجد ديسكو الأطفال والحفلات الترفيهية الخاصة بالأطفال جيدة جداً ويوجد حفلات يومياً في أكثر من بار دي جي او فنان وحفلة الشاطئ يوم الجمعة من كل أسبوع أكثر من رائعة وهناك ديسكو بداخل المنتجع والمعاملة جيدة جداً والاستاف في القرية يبذل ما في وسعه لإسعاد الزائرين وبحب أشكر ومستر محمد الأمين على حسن الإستقبال والمعاملة وأخص بالشكر مستر محمد صابر على حسن الإستقبال كل شئ على ما يرام

المكان حلو جدا دي تاني مرة اروحه وان شاءالله مش الاخيرة .
الاكل حلو جدا و كمياته كتير و متنوع

الresort حلو اوي و كبير و في حياة كده كذا بار بيبقوا شغاليين طول اليوم و ال winter garden عجبتني اوي
كمان لطيف انهم بيعملوا حاجات للاطفال
بس في كام حاجة كده يا ريت يتغيروا...اللوك بتاع باب الاوضة في المرتين كان فيه مشكلة و لاحظنا انها مع ناس كتير اللوك بيعلق و الناس بتفضل واقفة علي باب الاوضة تحاول تتدخل مرتين نكلم الريسبشن يغيير
الكارت او يغير بطارية اللوك
ياريت يلاقوا. حل للموضوع دا

البحر محتاج اهتمام شوية هو مش احسن حاجة كا بحر بس كمان بيبقي في ورق و ازايز و جراكن كتيرو كمان المكان اللي ورا بيلا فيستا مفيهوش secure man

المية بتنزل من حنفية الاوضة سواء بانيو او حوض او
شطاف مولعة و الموضوع دا اتكرر كذا مرة في المرتين

معظم الستاف معاملتهم كويسة بس في ناس برضه مش لطيفة خالص بالذات واحد موجود في بيلا فيستا اسمه اشرف محمد معاملته سئية جدا و لو طلبت منه حاجة بيطنش عكس مع بيعمل مع غير المصريين

يا ريت الحاجات دي تتحل و غير دول هو فعلا مكان رائع و الحلو اللي فيه بيغطي علي الوحش. و بيعوض ضعف البحر عنده و دي حاجة طبيعة المكان مش بايديهم