Name: ديزرت روز
Item: منتجع وردة الصحراء
Rating: 5
Author: yousseffayez

70 - 75 من 8,260 تعليق

DouDou2009Cairo

القاهرة, مصر

تمت كتابة التعليق في 5 أغسطس 2021

احسن ستاف فندق في الدنيا

ريفيو مفصل عن ديزرت روز ...
اولا و قبل اي شئ شركة السياحة اللي حاجزين معاها زي ما بيقول ا. شريف صادق تكون محل ثقة ..ازاى؟
قبل ما حضرتك تحجز معاها تكلم الأوتيل تتأكد ان الشركة دي بتتعامل معاهم دايركت مش عن طريق شركة تانية و تتأكد من السعر انا حجزت الأوضة الدبل سوبريور ب ٢٦٠٠ جم و طفلين فري اقل من ١٢ سنة.
الحمد لله احنا روحنا عن طريق شركة محترمة بس في ناس مع شركات تانية وصلت ملقتش حجز و ناس تاني كانوا pool view طلعوا جاردن و هكذا..
ثانيا المكان زحمة اووووي اوووي علشان خدماته حلوة اوي اوي .. و حضرتك دفعت ١٠٠٠٠ جم اقل حاجة فندق و مواصلات فعلشان تتبسط و تتجنب الزحمة هتصحي بدري ٧ او ٧:٣٠ تفطر بدري و تروح البحر أو البسين هتلاقي الدنيا فاضية و جميلة و تستمتع باليوم من اوله ..و الاكوا للولاد و الكبار كمان لطيفة و اللي واقفين هناك مخليين بالهم من كل حاجة
الغداء في علي البحر بيعملوا بوفيه مفتوح مش بكل الاصناف بس بالنسبة للناس اللي ملهاش في الغداء تمام اوي
و في سناكس برجر و بيتزا و سوسيس و فرايز و ايس كريم و بوب كورن للولاد اذا حبوا بدل الغداء.
العشاء تنزلوا ٧ او ٧ و ربع تتعشوا و تروحوا soda club في باند زي فرقة وسط البلد كده حلو اوي
و في المسرح الروماني برضه بيشغل افلام اطفال من ٧ و بعدين شو حلو اوووووي تنورة و روسب و بعدين فيلم سينما جديدة
بصراحة احلي عروض ليلية شوفتها فى فندق بالمنظر ده مع اني روحت فنادق كتير جدا ....بس الفندق هنا بيهتم بالأنشطة اوي يعني مش هتلحق تغمض عينيك حتي البارات (بتاعت السناكس و المشروبات) بيبقي فيها حياة و دوشة كده جميلة.
الألعاب الموجودة مجانا كرة طائرة و بينج بونج و كرة قدم و يد و تنس و العاب شاطئية😅
في بقي اهم حاجة اللي عرفت ليه الناس بتيجي هنا ٤ او ٥ سنين ورا بعض ..الاستاف اللي بيشتغلوا يا جماعة عندهم ولاء للفندق ملقتهوش في فندق قبل كده و كأن الفندق ده ملكهم ...و بيحاولوا يحافظوا علي سمعة المكان اووووي و كلهم عايزين يشيلونا من علي الارض شيل و خصوصا..
🌹 مستر محمد جابر مدير البارات .. بجد مشوفتش مدير بيهتم بالنزلاء بالشكل ده كل الناس بدون استثناء صورة مشرفة فعلا ..الراجل ده شغال زي النحلة بتلاقوه في كل مكان و بيحاول يخليكم سعداء باي وسيلة فعلا يستحق كل التقدير لمجهوده الجبار خلانا عايزين نزود الاقامة بس للاسف معرفناش🌹
🌹 مستر شريف مدير المطاعم اللي بيحسسك ان الفندق ده ملكه من كتر خوفه علي المكان و حرصه علي سمعته و تقديره الشديد لإدارة الفندق 🌹
🌹 مستر أسامة مدير البسينات و كابتن محمد و ا. خالد حاجة بجد فوق الوصف 🙏
🌹 المسئول عن نظافة الاوض ا. حسن بكر فعلا مجهود جبار و نضافة فوق الوصف👍
نضافة الاوض ..انا كنت في مبنى رقم ٤٠٠٠ سوبريور السعر بيزيد ٣٠٠ جم عن الغرفة العادية الاوض فلة بمعني الكلمة و الفندق كله بصراحة ملقتش اي حشرة بس احنا بنقفل باب البلكونة باستمرار و فيو الأوضة جاردن و مش فارق عندي لاني مش بستخدم البلكونة اصلا 😅
المطعم المكسيكي تحففففة ازاي محدش كتب عنه مش عارفة شكرا ا. محمد .
مطعم السمك جميل اوي و الفيو يجنن بجد و المطعم اللبناني شكرا ا. أسامة و ا. مينا 🌹
فيه ريفيوهات اتكتبت قبل كده عن المطاعم و السناك بار و كل الحاجات دي بالتفصيل فمش هكررالكلام تاني
نصيحة بقي لإدارة الفندق لو فيه حد منهم في الجروب ..انتوا عندكم إمكانيات مشوفتهاش في فنادق كتير زي المساحة و جمال الحدائق و كل الحاجات دي فياريت نزود عدد الترابيزات في المطعم خصوصا التراس علشان مش كل مكان يبقي زحمة كده صدقني هتفرق كتير مع حضرتك.
المشي يا جماعة مش كتير زي ما الناس بتوصف يعني الاوضة قدامها علي طول البيسين و جنبها المطعم و الاكوا و بينها و بين البحر ٦ دقائق ..ثانيا جمال المكان يخليك مستمتع جدا في المشي بين الحدائق و البرجولات الجميلة 🥰
البحر رملي و راااااائع جدا ... الفيو برضه في كافيه بيلا فيستا جميل اوي.
و اخيرا هل هاجي هنا السنة الجاية ان شاء الله؟؟؟
ايوه 🥰 لان الفندق يخليك تحبه اوي بس هختار وقت مختلف ممكن نص سبتمبر او اول يونيو علشان أستمتع اكتر من غير الزحمة و الحر الشديد..و اخيرا اتمني اكون ساعدتكم و طمنت شوية الناس اللي حجزت و وضحت لإدارة الفندق وجهة نظر النزلاء
شكر خاص لأستاذ محمد جابر و استاذ شريف احسن صورة لمدير في فندق 🙏🙏

تاريخ الإقامة: أغسطس 2021

استفسر من DouDou2009Cairo عن منتجع وردة الصحراء

أشكر DouDou2009Cairo

يعبر هذا التعليق عن الرأي الشخصي لأحد أعضاء Tripadvisor ولا يعبر عن رأي شركة Tripadvisor LLC. يجري Tripadvisor عمليات تحقق حول التعليقات.

عزيزي الضيف،
اشكرك على تعليقك الجميل، جميع العاملين بمنتجع ديزرت روز - الغردقة ملتزمون بتوفير أجازة جيدة لضيوفنا. اؤكد لك أننا نسعى دائما لتحسين خدماتنا لترضى الجميع ولكى تناسب احتياجات كل الضيوف بمختلف الاذواق.نحن نستمتع باستضافة جميع ضيوفنا. مرة أخرى اشكرك على تعليقك، فنحن نتطور من خلال تعليقات نزلائنا و يسعدنا جميعا ان نرحب بك فى اجازتك القادمة.
مع الشكر،
المدير العام
محمد امين

الإبلاغ عن عدم ملاءمة الرد

يعبر هذا الرد عن رأي شخصي لممثل الإدارة ولا يعبر عن رأي شركة TripAdvisor LLC.

mechielasoso

تمت كتابة التعليق في 2 أغسطس 2021 عبر الأجهزة المحمولة

قويسنا المنوفيه

بجد فندق تخفه وجميل جدا وكل الناس زاى العسل والناس هناك بجد محترمه جدا وفى ناس فى روز بار بجد تنشال فوق الراس ابراهيم سعد راجل محترم اوى. وجدع جدا. وحبيبى اوى اوى اوى . مصطفى حسين محترم جدا وزوق جدا. وكمان محمد عطيه راجل محترم جدا واكيد هنرجع تانى وتالت علشان خاطر الناس دى

تاريخ الإقامة: أغسطس 2021

استفسر من mechielasoso عن منتجع وردة الصحراء

أشكر mechielasoso

عزيزي السيد/ميشيل،
اشكرك على تعليقك الجميل، جميع العاملين بمنتجع ديزرت روز - الغردقة ملتزمون بتوفير أجازة جيدة لضيوفنا. اؤكد لك أننا نسعى دائما لتحسين خدماتنا لترضى الجميع ولكى تناسب احتياجات كل الضيوف بمختلف الاذواق.نحن نستمتع باستضافة جميع ضيوفنا. مرة أخرى اشكرك على تعليقك، فنحن نتطور من خلال تعليقات نزلائنا و يسعدنا جميعا ان نرحب بك فى اجازتك القادمة.
مع الشكر،
المدير العام
محمد امين

الإبلاغ عن عدم ملاءمة الرد

يعبر هذا الرد عن رأي شخصي لممثل الإدارة ولا يعبر عن رأي شركة TripAdvisor LLC.

MichealR125

تمت كتابة التعليق في 23 يوليو 2021 عبر الأجهزة المحمولة

ديزرت روز

فندق رائع والخدمة رائعة واخص بالشكر فريق الهاوي كينج على نظافة الغرف والنظافة العامة ومشرف المبني هاني عيسى وعلى رأس الجميع سيادة المدير العام م محمد امين وشكر لكل من م عماد هاوس كيبنج ومن شريف ومن ياسر ومن هاني فايز ومن محمد مرسى من الأغذية والمشروبات واتمنى دائما التوفيق لأسرة ديزرت روز

تاريخ الإقامة: يوليو 2021

استفسر من MichealR125 عن منتجع وردة الصحراء

أشكر MichealR125

عزيزي السيد ميخائيل،
اشكرك على تعليقك الجميل، جميع العاملين بمنتجع ديزرت روز - الغردقة ملتزمون بتوفير أجازة جيدة لضيوفنا. اؤكد لك أننا نسعى دائما لتحسين خدماتنا لترضى الجميع ولكى تناسب احتياجات كل الضيوف بمختلف الاذواق. مرة أخرى اشكرك على تعليقك، فنحن نتطور من خلال تعليقات نزلائنا و يسعدنا جميعا ان نرحب بك فى اجازتك القادمة.
مع الشكر،
المدير العام
محمد امين

الإبلاغ عن عدم ملاءمة الرد

يعبر هذا الرد عن رأي شخصي لممثل الإدارة ولا يعبر عن رأي شركة TripAdvisor LLC.

192menab

تمت كتابة التعليق في 21 يوليو 2021 عبر الأجهزة المحمولة

ممتاز

اكتر فندق برتحلة في الغردقة وكل الناس بتتفق علي اللي بقوله ده معرفش بسبب الديزاين ولا بسبب مكانه ولا بسبب ان الاستاف اللي شعالين كلهم بيبتسموا طول الوقت وبيضحكوا وبيهزروا ده المكان الاقرب الي قلبي والمكان كله في حتة والclub soda فحتة تانية خالص التيم اللي هناك تحفة فنية انا روحت الفندق حوالي ٤ مرات لحد دلوقتي وهروحه تاني قريب لان اسعاره كمان on budget صعب تلاقي حد بيشتكي من ديزرت روز وبحب اشكر التيم كله خصوصا مستر جورج ابراهيم ومستر عمر ومستر اسلام وفي ناس تاني بس مش بتذكر اساميهم وفي الروم سيرفس مستر وليد ابراهيم ومستر مينا سمير كانوا بيجيبولنا اللي احنا عايزينه حتي لو ٤ الفجر ودمهم خفيف جدا ومش هبطل اجي الفندق ده تاني طول ماهو جميل كده زي ماهو دول بقو عيلتي التانية

تاريخ الإقامة: مايو 2021

استفسر من 192menab عن منتجع وردة الصحراء

أشكر 192menab

عزيزي السيد مينا،
اشكرك على تعليقك الجميل، جميع العاملين بمنتجع ديزرت روز - الغردقة ملتزمون بتوفير أجازة جيدة لضيوفنا. اؤكد لك أننا نسعى دائما لتحسين خدماتنا لترضى الجميع ولكى تناسب احتياجات كل الضيوف بمختلف الاذواق. مرة أخرى اشكرك على تعليقك، فنحن نتطور من خلال تعليقات نزلائنا و يسعدنا جميعا ان نرحب بك فى اجازتك القادمة.
مع الشكر،
المدير العام
محمد امين

الإبلاغ عن عدم ملاءمة الرد

يعبر هذا الرد عن رأي شخصي لممثل الإدارة ولا يعبر عن رأي شركة TripAdvisor LLC.

MarianSamy

تمت كتابة التعليق في 10 يوليو 2021

حلو اوي

الناس جميلة ولطيفة.. ابتداء من الريسبشن استاذة سماح ،من افضل الناس اللي بيشتغلوا في الريسبشن، وبصراحة هي تستحق تترقي.. الضيافة عندها عالية جدا ،وبتشتغل من قلبها..
الغرف لطيفة ، البحر حلو..
الانيميشن تحفة.. جزء الرقص والاغاني للاطفال بالليل جميل اوي وشكل الاطفال يفرح وهم مبسوطين.. كمان فقرات الرقص علي البحر حلوة اوي وعاملة جو جميل..
الاكل حلو وفريش..
المطعم الرئيسي عايزة اشكر مستر ميلاد مسئول قاعة طعام،دايما بيسألنا لو محتاجين حاجة،، ومستر محمود مدير المطاعم ،بصراحة عامل مجهود جبار ،وحقيقي كان بيعدي كل توقعاتنا ،، وعملنا مفاجأة جميلة لعيد ميلاد جوزي ،، حقيقي راجل مجتهد..
وجزيل الشكر لمستر مينا سعد مدير اللبناني، الابتسامة الدايمة والمساعدة الحقيقية اللي من القلب ، معايا بيبي دايما كان هو ومستر محمود بيساعدوني في الاكل بتاعه..
وهم الاتنين متواضعين جدا وحقيقي علاقتهم في الشغل حلوة اوي.. عاملين هارموني حلو اوي..

احنا جربنا المطعم اللبناني والسمك والمكسيكي.. وعجبنا اللبناني والسمك..

كمان مستر محمد يونس في صانست بار ،،راح جبلنا شوك مخصوص من مكان تاني من غير ما نطلب منه ،،هو شافنا معانا تورتة ومحتاسين،، والبار مش مكان للشوك.. هو اللي جالنا وعرض علينا يجيبلنا أي حاجة محتاجنها..
اهي الحاجات البسيطة اللطيفة دي هي اللي تخلينا مبسوطين ونحب نرجع تاني للمكان..
كمان صالح مسئول عن التوست ،،دايما لطيف ، بنروحله مخصوص سواء كنا في اول القاعة او اخرها..
وسعد رضا ويتر في القاعة كويس اوي وبيساعد الكل..
مستر ابراهيم صبحي في بلو لاجون ،صبور وهادي وبيحاول يحل اي حاجة تحصل، وكان لطيف معانا..
البار علي البحر قعدته لطيفة واتعرفنا هناك علي كابتن رائد..
كمان مدام ندي ومدام كاثرين مديرة الجست ريلشن استجابوا بسرعة لاي طلب.. ومدام آنا من الإدارة كانت بتلف علي الشماسي وتسأل كل واحد عن اخبار الاقامة..
حقيقي المكان واسع وحلو وبيحلو اكتر بناسه.. وحظي الحلو ان اخر واحد اقابله بالصدفة وانا ماشية هو مستر محمد امين المدير العام.. اد ايه راجل جميل حقيقي اتشرفت بمعرفته ،وسمعت عنه كتير من مينا انه ما مشاش حد في عز ازمة كورونا وكان بيجدد عقودهم حتي وهم في البيت والمرتبات بياخدوها،،وما اتخلاش عن حد،،حقيقي راجل محترم جداااا وكان نفسي اقابله عشان اشكره ،وحصل الحمدلله..
عندي مقترحات جزء منه قلته لمدام آنا.. وحابة اكمل الباقي
..
قاعات الاكل بدل ما بنتلغبط فيها ،اعتقد لو كل قاعة اتسمت بإسم هيكون اسهل علي الناس تقول لبعضها هم فين..

طلبنا طارد نموس والاوردر اخد نص ساعة..
اعتقد الحاجات البسيطة دي ما تاخدش وقت اكتر من ربع ساعة.. كمان ما اشتغلش كويس..

علب المناديل بتتهدر عشان بتتبل في الحمام ،،لو اتحط عليها كفر استانلس هيحميها..

مفيش مكان يتحط فيه الصابون ووحاجة الشاور في البانيو ،،لازم احطه علي الارض..

كمان لو يتحط كوباية في الحمام خاصة يتحط فيها مكن الحلاقة والفرش ومعجون الاسنان..

محتاجين تعملوا update.
للفايل عشان فيه معلومات محتاجة تتعدل زي الخاصة بالاطفال
kids station. مثلا

دي مجرد مقترحات لا تقلل أبدا من المستوي والمجهود.. بس من كتر ما حبيت الاوتيل نفسي يكون احلي واحسن.. شكرا ليكم كلكم واشوفكم علي خير انشالله

غرفة 6208

تاريخ الإقامة: يوليو 2021

استفسر من MarianSamy عن منتجع وردة الصحراء

أشكر MarianSamy

عزيزتي السيده ماريان،
اشكرك على تعليقك الجميل، جميع العاملين بمنتجع ديزرت روز - الغردقة ملتزمون بتوفير أجازة جيدة لضيوفنا. اؤكد لك أننا نسعى دائما لتحسين خدماتنا لترضى الجميع ولكى تناسب احتياجات كل الضيوف بمختلف الاذواق. مرة أخرى اشكرك على تعليقك، فنحن نتطور من خلال تعليقات نزلائنا و يسعدنا جميعا ان نرحب بك فى اجازتك القادمة.
مع الشكر،
المدير العام
محمد امين

الإبلاغ عن عدم ملاءمة الرد

يعبر هذا الرد عن رأي شخصي لممثل الإدارة ولا يعبر عن رأي شركة TripAdvisor LLC.

عرض المزيد من التعليقات

السابق التالي

1 …12 13 14 …

ديزرت روز - منتجع وردة الصحراء

ديزرت روز