تاريخ الوصول يوم الجمعه ١٤ يونيو المغادرة ان شاء الله ١٨ يونيو النهاردة
مبني ٦٠٠٠ غرفة ٦١١٢
اولا تعبنا جداااااا عشان نوصل لمسئول الحجز وعشان يبعتوا الايميل و كنا مجبرين عشان الحجز بتاعنا علي بوكينج كان اتلغي
اول حاجه قالوا سعر في التليفون و إللي بعتوه في الايميل سعر مختلف و الموظف كان متعند جداااا انه مغلطش بس زوجي لما بعت الايميل يعد ما دفعنا الديبوزت مدير الحجوزات مشكورا نفذ الحجز علي السعر اللي اتقال في التليفون وده ان دل علي شيئ دل علي انه موظف بروفشينال فله كامل الشكر والتقدير استاذ ماهر عياد و طبعا ده عكس ٩٥٪ من موظفي الفندق
#الغرفة
مفروض انها جاردن فيو... هو مفيش فيو اساسا
جنينه قديمة مهملة من ناحيه و من ناحيه تانية الفيو بتاع التراس مش هتعرف تفتحه لان مفيش فواصل بين البلكونات
الاثاث قديم تحس انك في التسعينات اللي سافر شرم في التسعينات هيفهم قصدي قوي
اول ما وصلنا
كان فيه طبق فاكهة و يوميا و في ٢ زجاجة مياه لتر و ٣ عصير ودي حاجة ذوقيا كويسة جدا
#حمامات السباحة
مضحكة بالنسبة لي
هم عددهم ٣ مش بيتنضفوا باستمرار وغالبا فيه مشكلة في الفلاتر
عشان فيه شعر و ترسبات في ارضيه البسين
اول واحد متقسم ٦٠ سم و جزء ٢١٠ سم طبعا الفرق كبير و ده فقط اللي مسموح بالاكتيفيتي فيه وطبعا صعب عشان عمق ٢١٠ مش سهل اي حد يعوم فيه
الثاني اوليمبي ١٨٠ سم swimmers only بالرغم ان مفروض ان ده اللي يبقي ٢١٠ ومش فاهمه حمام سباحو اوليمبي بيعمل ايه في فندق!
الثالث متقسم ٦٠ سم و ١٢٠ و جزء صغير ١٨٠ ومش مسموح فيه باي اكتفيتي لا. Blue ball ولا حتي اللعب بالالعاب السوفت اللي هو تكدير للاولاد وخلاص
#المساحة
هو كبير جدا ف طبعا مع اجازة زي العيد ف انت مش حاسس الزحمة نهائي ودي ميزة حتي لو همشي كتير بس بالنسبة لي ميزة
#البحر
اخر اهتمامنا ف مش هقدر احكم عليه بس في كافيه علي البحر فكرته حلوة قوي
#الأكل
المطعم كبير و في اختلاق في الاكلات و طبعا الاكل اذواق بس عموما الاكل كويس
#الاستاف
ده السبب اللي خلاني مش هكرر الإختيار تاني... الاستاف سيئ جداااااا الا من رحم ربي هحط اسامي الناس اللي تستاهل تتشكر لكن الباقي معاملتهم منتهي قمة عدم الاحترام للجست ولا ذوق و تكشيرة اقسم بالله العظيم ما شفتهاش في مكان
من اللي واقفين في البار للمطعم... لو لقيت اصلا حد بالصدفة واقف علي البسين اياك تغلط وتطلب منه مساعده عشان الشمس و الشمسية بجد مش لاقيه تفسير لتصرفاتهم
باسماء الاستاف زي ما قلت هكتبها
شكر خاص لاستاذ محمد من. House keeping
واستاذ محمد كامل و استاذ اشرف واستاذ احمد من وييترز المطعم واستاذ مينا من المطعم برضه الرئيسي
حرفيا ذوق جدا والوحيدين اللي يردوا السلام بابتسامه و سؤالك عن اليوم عكس الباقي تماما
#نظافة الغرف
نظيفة جدا... واستاذ محمد مسئول النظافة بجد شكرا علي مجهوده وذوقة من غير ما نطلب حاجه
#الاكوا
في بسين رابع منفصل طوله ١١٠ سم حلوة بس مش كبيرة قوي بس الاولاد بنفرح بيها
#انيميشن
مفيش... اه والله 😂 هو موظف اعتقد واحد
#حفلات ليلية
مسرح كبير و شاشات نضيفة جدا و لحد دلوقتي الشو بتاع ال ٣ ايام كان حلو
تنورة يوم و استعراضات ٣ ايام بس المكان محتاج تهوية
#الكافيهات
عددها كبير و مختلف بس الاهتمام للاجانب
والاجانب الاوربيين والإنجليز مش حتي السوريين و كده بيتعاملوا زيينا 😂😂 اه والله اسوأ معاملة
تجربة مش هتتكرر

الحمدلله الاقامة كانت ممتعة وجميلة للغاية:

اولا: جمال وشياكة ورقي التعامل الخاص بموظفي الاستقبال بداية من مستر كريم حمدي مدير الاستقبال ومستر صاموئيل ومستر محمود والانسة شيماء وجميع طاقم الاستقبال من سرعة آداء اجراءات الدخول والخروج ومساعدتنا في ايجاد المفقودات .

ثانيا: رقي واخلاق
وشياكة وبشاشة جميع العاملين بالمنتجع من اصغر فرد لأكبر فرد معاملة تصف ب ٧ نجوم في حسن الاخلاق، أود ان اقدم خالص التحية والشكر للسادة المسئولين عن تدريب طاقم الفندق كليتا وتعزيزهم بصفات من اجمل الصفات التي تجذب الزائر وتحببه بتكرار الزيارة مرارا وتكرارا بفندق ديزرت روز وعدم المجاذفة بتجربة منتجع آخر.

ثالثا: الفاعليات كانت لذيذة وجميلة سواء على الشاطئ او حمام السباحة او ليلا في المسرح
ولكن افتقدنا الاغاني العربية التي تعطينا شئ من البهجة والمرح بعض الشئ لأنها قليلة جدا.

رابعا: المطاعم والأكل جيد جدا ومتنوع ويشمل جميع الاذواق وشكرا جزيل الشكر لمسئولي صالات المطعم الرئيسي مستر عادل ومستر رامي وجميع العاملين بالمطعم والطباخين.

اجمالا اقيم زيارتي هذا العام ب ٥ نجوم *****

المكان عظيم ف كل شي 100/100 يستاهل التجربه والتكرار والطاقم اكتر من رائع الطاقم ذو إحترافية عاليه والتنظيم ممتاز جدا وبوفيه الطعام رائع مهتمين بأدق التفاصيل ، حصل لي ظرف ما وقاموا بمساعدتي على أكمل وجه.بصراحة كل شىء حلو جدا جدا من طعام وحمامات السباحة والاكوا الجميلة والفيو الهايل للفندق دى كانت تانى

9.0
ممتاز