زرت المكان مع عائلتي ...المكان رائع ومنظم الطعام مستوي جيد جدا ..وهناك تنوع في الاكل المقدم
الغرف نظيفة .....الاسطف علي درجة عالية من الاحترافية في التعامل مع الجيست
المكان خارج الغردقة بعيدا عن الزحام ووسط المدينة ...

انصح الاخرين بزيارة هذا الفندق حيث الخدمة المميزة والموقع الجميل وتنوع فى الوجبات والخدمة جيده جدا والغرف جيد جدا والمساحات الخضراء كثيرة والانشطه الترفيهيا والشاطئ المميز والالعاب الترفيهيه على الشاطئ وتنوع المشروبات الباردة والساخنه

اولا انا مستغرب جدا من تعليقات الناس بمجرد وصفها للمكان دا بأنة أوتيل اساسا ربنا يسامحهم لكن ارجع واقول انة بالنسبة لفئة معينة هو اوتيل طبعا ورائع كمان مش عارف ابدأ سرد المأساة منين بالظبط خلينا نبدأ من لحظة الدخول نركن العربية بقى لا ما فيش جراج نركن ف الشارع الناحية التانية امام الفندق ماشى مافيش مشاكل طب مافيش امن للسيارات دى لا مافيش ماشى مش مهم ندخل الريسبشن ونعمل تشيك ان وبعدها ممكن حد يطلع الشنطة شنطة واحدة والله واحدة بس انسى مافيش الكلام دا تدور يمين شمال استنى بقى لما يفضى حد ربع ساعة تلت ساعة طب الغدا هايضيع !! ننجز وناخد الشنطة ومفتاح الغرفة ونعتمد ع نفسنا عشان ما نضيعش وقت اكتر من كدة المهم طلعنا الغرفة حطينا شنطتنا ونزلنا نتغدى بأختصار كدة عارفين المطاعم اللى بتبقى ع الزراعى والصحراوى والحاجات دى نفس كونسبت الاكل بالظبط وربنا شاهد الاطباق الرئيسية (سمان هو نصة محروق ونصة مسلوق وشكلة استغفر الله العظيم + لحمة عجوزة فى صلصة الراجل يعرف يقطعها دا غير الريحة طبعا) الخضار (سبانخ + ملوخية) الارز (حبة وحبة مش مستوى + ارز ابيض معجن) المكرونات بقى (اسباجتى + مكرونة بشاميل اقسم بالله ماتعرف حاجة عن المكرونة البشاميل ولا اللحمة المفرومة) السلاطات بقة اية (خيار + طماطم + شوية افتكاسات اسوأ مايكون فى الكون عارف مطاعم الفول والطعمية الرديئة جدا لما بيكونو حاطين شوية سلاطات بايتة ودبلانة وعاجنين فيها حاجات ملهاش علاقة ببعض هى كدة بالظبط وحدودة جدا جدا جدا ولا المخلل حتى المخلل حسبى الله ونعمة الكيل) العيش (كيزر سمسم + كيزر حبة البركة + فينو صغير + فينو كبير) الحلويات (غربى بس غربى اراهن اى حد ان شيف الحلويات دا كان شغال ف فرن فينو والله مالاقى لية تشبية حاجة استغفر الله العظيم لا والصنف الجامد اوى علية سودانى) خد ع كدة 3 ايام ولا عارفين ناكل ولا نشرب اة ف يوم كان الطبق الرئيسى كبدة والله ريحة الزفارة لا توصف اسوأ اكل ف الدنيا اية دا !!!!!!! الناس دى مابتعرفش تدوق واية البوفية الرخيص دا فين الاكل !!!!!! اية الرخص والحقارة دى الناس دى شغالة ع اقل كاتجرى من البشر بس وفعلا الناس بقى اية (جولو يجيبلك واحدة) دى واحدة ابنها كان عايز عوامة فقالتلة يقول لعمال الفوط اللى ع البسين ولا الاغانى اللى فى البسين اغانى حنة بلدى مطعمة ببعض الالفاظ الجميلة وكلة كوم وواحد بيلعب مع ابنة بيبى صغير وبيصورة ف اللوبى بيهزر عادى مابيناديش الولد الا بابن الكلب !!!!! ويضحك نيجى بقى للقنبلة الكبيرة بناخد شاور فى التويلت بعد ما طلعنا من تحت دا اول يوم والهدوم الى هاتتلبس باردو فى التويلت عادى نلبس الهدوم وتقطيع الجسم يشتغل فورا !! (الهدوم اتملت نمل) يا جماعة الحقونا اية دا راحو راشين الغرفة كلها بالتويلت مرتين مرة او ما اشتكيت ومرة تانية عشان باردو اشتكيت ونمنا صبحنا تانى يوم متقطعين باردو من النمل اللى مالى السرير والفوط اشتكيت واترشت لتالت مرة وقولنا خلاص بقى خلصنا تالت يوم الصبح النمل موجود وزوجتى بتفتح شنطتها تلاقى ملعب نمل علما بان الشنطة مافيهاش اى شى يلم نمل اطلاقا والله العظيم قولت لا بقى نغير الغرفة واحنا ف اول اليوم التانى اهو حاضر تعالى حضرتك ع واحدة ونص نغيرهالك حاضر المهم غيرنا الغرفة وعايزين ننقل الشنطة والمسافة كبيرة خد بقى ربع ف نص ف ساعة ع ما جالى حد ينقل الشنطة المهم الغرفة يا جماعةمافيهاش مشاكل طب تاخدو وقت تنضفوها وترشوها قالك انسى من افضل الغرف عندنا طيب كتر خيركم ساعتين زمن واجمل برص فيكى يا غردقة بيلعب فى السقف يا جماعة تعالوا اية دا !!!!!! قعد واحد يطارد البرص لغاية ما هرب من جوا الغرفة باردو طب ابعتلى حد يرش اة حاضر ولا حد سأل وانا كبرت دماغى وتعبت الصراحة وقولت ليلة والصبح هانمشى وامرى الى الله بس بلغتهم ف الرسيبشن بصراحة الناس قالولى احنا اسفين !!! اة ع فكرة النمل الصغير هو اللى كان مضايقنا اوى لكن الكبير الفارسى كنا بندوس علية ف الارض !!! انا كنت نازل all inclusive يعنى ليا سناكس قولت اهى احسن من بشاعة الغدا والعشا مش عارفين ناكل تتطلع اية بقى السناكس ايس كريم ساعتين ف اليوم ويقفل وزلابية ساعتين باردو ويقفل وعصائر بقى برتقال وفراولة صناعى نفس طعم مية الحنفية بالظبط الفرق اللون بس والسخن كل ما اسأل نعناع ويانسون وشاى وقهوة حتى من غير لبن معظم الوقت عشان الماكية كانت بتعطل كتير اللى ف الرسيبشن وانا ماشى بقى هاموت وامشى باى شكل انا بس كنت مستنى الصبح يطلع يا جماعة الشنطة اة حاضر ثوانى لغاية ما نزلت انا باردو بيها لغاية عربيتى !!!! موقف اخير كوميدى اول يوم طلبت مخدة والله 3 مرات وعايز انام مش قادر من الصبح سايق وخلصان المهم كلمتهم مرة اخيرة قالى بندور وهانبعتلك المهم عدى وقت كتير اووووووى ونمت من غيرها وع حوالى 2 او 3 بالليل مش قبل كدة خبط ع الباب وحد بيحاول يزق ف الباب ويرزع فزعنا من النوم والله ولا هجوم مباحث الاداب وان من جوا ايوا ايوا حاضر مافيش فتحت الباب لاقيت واحد بيدينى المخدة ولا اسف ولا اى حاجة وانا مش قادر افتح عنيا عشان اقولة اية الى بتعملة دا اخدت البتاعة من ايدية رميتها ع الارض وكملت نوم هههههههه بجد حسبى الله ونعم الوكيل فيهم وف المتخلفين عقليا اللى فاكرين دا اوتيل بس ف ناس معذورين بالنسبة ليهم دا وهمى فعلا مش بس متوسط حسبى الله ونعم الوكيل الجازة باظت وفلوس اترمت ع الارض ولا اكل ولا نوم