حابه اكتب ريفيو عن فندق الباتروس اكوا بارك الغردقه
الاقامه كانت ٤ ليالي ٣ افراد كبار و طفله ٤ سنين
دخول يوم ٨ مارس و الخروج ١٢ مارس غرفه 5417
حجزت عن طريق بوكينج ودفعت ولما وصلت وبعد معملت check in واخدت البرسلت وكارت الاوضه اتفاجا انهم بيقولولي لا ملكيش طفله في الحجز طب ازاااي انا ماكده مع الكول سنتر ان الحجز فيه طفله يقولي لا الكول سنتر غلط ارجعيله انا اللي ارجعله ولا انتم !! اتصلت ببوكينج ذات نفسه واللي اكدولي ان حجزي ليه طفله تحت ٦ سنين فري واتواصلو مع الفندق والفندق صمم علي رايه لا يحجزو اوضتين دبل انا مش بدي اطفال في غرف تريبل تبع بوكينج السياسه غيرناها مع بوكينج جديد وكلام اخر هبل ٣ ساعات جايه من سفر معايا طفله وست كبيره موقفني في الريسبشن واخر قله ذوق وحرقه دم واسلوب فنادق تحت السلم يقولي مليش فيه هنبقي نحاسب الكول سنتر
وبعد ٣ ساعات يقولي مش عاجبك الغي الحجز
بوكينج عرض عليا يلغي الحجز مجانا واعتذرو
ومكنش قدامي بعد كل ده غير اني كلمت شركه في الغردقه جه حجز غرفه تريبل وادوه الحجز بطفل عشان شركه
حجزت في اكوا بلو عشان مش طايقه وش اكوا بارك
الاكل كلمه سئ ديه قليله عليه وقلت مش مشكله الاكل خالص نيجي بقي ل check out طلبت منه يشلي الشنط في ال luggage room واخد مبلغ محترم تيبس واتفقت مع الريسبشن ان الطياره معلش اتاخرت وسلمت الغرفه والبرسلت وكله تمام وخرجت اتمشيت بره و اشتريت من بازارات اجي اخد الشنط الاقي بتاع الريسبشن يقولي لا عليكم فلوس استخدام day use واستخدام مطعم طب افتح كاميرا المطعم لو لقيتني فيه حضرتك تبقي تتكلم يقولي لا مليش فيه مشوفتكيش في الريسبشن قدامي طب معايا طفله وكنت بمشيها هو المفروض اقعد الف قدامك كنت قلتلي كده من الاول واسلوب ردئ ردئ وهتدفعي يا اما هطلب الامن وكل ده مبعد محطيت شنطي في اوبر واخده رخصته مش هتنزل بالشنط واتلمو كم واحد وهتدفعي يعني هتدفعي ٢٠٠٠ جنيه !!!!! بعد محاولت بالادب وبهدها بالخناق وصوت عالي يقولي اعملك خصم مع اني مبلغاه بالميعاد اللي هاخد فيه الشنط ووافق واخد موبايلي عمل ريفيو لنفسه علي TripAdvisor وكتب كلام حلو عنهم وقلت معلش
بس توصل ان اوبر يجري بيا عشان الحق طيارتي علي اخر ٥ دقايق غير عياط وخوف بنتي الصغيره اللي مش فاهمه ايه اللي بيحصل انا حرقه دم ديه وبهدلتنا تساوي فلوس الدنيا واخر مره اروح فندق بالمستوي المتدني ديه

تعديل :كان فيه واحده اجنبيه وكانت سايبه شنطها معانا وكانت موجوده واحنا ماشيين قلتله هتاخد منها فلوس قالي لا اصلها قدامي في ريسبشنمن بدري وانتي مشفتكيش

كل حاجه جميلة بكل التفاصيل .. كل الخدمات كل الستاف بشوشه فكل الاماكن . المكان روعة والاهتمام جميل احلى رحلة وتجربة جميله وان شاء الله تكررها
.. انصح اي حد يجرب المكان مش هيندم ♥️♥️♥️♥️ واكيد رشحنا الفندق للعائله