اولا الاسم تغير الى هاواى بالم الممشى
من اول ما تدخل القريه ستجد خناقات بين النزلا والموظفين وبين الموظفين مع بعضهم والاصوات عاليه والفاظ وسباب ولاتحاول ان تجد احد لاخذ الشنط شيلها بنفسك
وطبعا لو اردت الغاء الحجز كان الرد ان الفلوس هتضيع عليك وانا كنت حاجز ليلتين فقط قبل ذهابى الى قريه اخرى كنت حاجز فيها
عند التعامل مع موظف الاستقبال جهز نفسك لاول حصه فى التهديد والصفاقه فى التعليمات والتنبيهات
اولا الاطفال فى نفس غرفه الاب والام بمعنى لايجوز ان يكون فى غرفه الجد مثلا
ثانيا لو الحجز عن طريق شركه سياحه ممنوع تتعامل مع الاستقبال لازم عن طريق مندوب الشركه
شهاده ميلاد الاطفال اجبارى(وتهديد عند اكتشاف تلاعب فى شهاده الميلاد سيضاعف حساب الغرفه على النزيل)
.....مش عارف ان كان عندهم جهاز لكشف التزوير ولا ايه....
يعنى حتى الشروط العبيطه الى قالوها وكاتبنها كلها بأسلوب التهديد
تدخل الغرف الغرف كلها مساحه واحده ويضاف سرير لو حاجز غرفه تريبل الغرف كويسه خاصه لو تطل على حمام السباحه وحمامات السباحه جيده والاكوا جيده والبحر جيد
المطعم الوجبات متكرره وبدون جوده
اجرى بسرعه احجز ترابيزه او خد اطباق الاكل واخرج من المطعم لمطعم اخر مفتوح لتجد فيه كرسى تجلس عليه
طبعا لاتنتظر شوكه او معلقه دا انت وحظك واياك ان تغلط وتطلب حاجه من العاملين لو حظك حلو ستسمع رد غير مهذب ولو حظك سيئ ممكن اكتر من كده
الاسناكس هامبورجر وبطاطس نيه
الواى فاى فى الاستقبال فقط واشاره فقط وعندما تسأل ليه مش فاتح حاجه يرد التحميل كتير عليه وانا كنت موجود لوحدى اصلا
اسهل كلمه عندهم واكثر كلمه تسمعها عند كل مشكله طلعوه بره (اطردوه)
الشو كل يوم تنوره وراقصه
الحمد لله يومين وعدو بخير
عملت شيك اوت الساعه 7 صباحا فتم منع خروج الشنط الا عند التأكد من اخذهم ( وعدم الاكتفاء بالقطع ) لاسوره اليد الخاصه بالقريه وبعد التأكد والسماح بالخروج رجعوا مره اخرى لمنع الشنط بحجه ان هناك طفل ركب السياره ولم يخلع الاسوره عندها صممت ان اخرج بدون ان ارجع الطفل مره اخرى وحدث شد وطلبوا احد المديرين وكان رده يدل على الغباء الادارى المستفحل فى جميع موظفى القريه انهم يسلموهم بالعدد وهز رأسه ومشي وطبعا من له خبره بسيطه بالفنادق يعلم ان هذا كذب المهم بعد محاولات وتدخل الامن واخرين جاء نفس المدير وقال خلاص مش مهم ماهو الطفل تحت السن (دا على اساس ان الاطفال مش من الطبيعى انهم تحت السن مثلا )
الخلاصه لو رماك القدر فى مثل هذا المكان حاول ان تتمالك اعصابك لكى تكسب احترام نفسك لانك تتعامل مع بلطجيه وقلل من فتره الاقامه واتجهه الى مكان اخر فقصص تعدى صاحب مجموعه هاواى والعمال على النزلا كثيره جدا

الطعام كان جيد جدا والانميشن ممتاز الاكوابارك جيدة فقط لاغير
لا يوجد اى شىء تانى فى الفندق ممتع
اسوء معاملة من العاملين محتاجين تدريب كبير كيف يتعامل مع الزوار
لا يجيدون الكلام بلباقة ولا حسن الضيافة ولا الابتسامة ولا المعاملة الحسنة
الفندق 4 نجوم وبسببكم يستاهل نجمة فقط وكتير كمان عليه
انا كرهت الغردقة بسبب هذا الفندق ونرجع نقول مافيش سياحة بسبب امثلكم حتى المصريين هتطفش سىء للغاية

الاكل جيد والغرف جيدة والاكوا جيدة وخدمة الغرف جيدة
ولكن اسواء معاملة من العاملين به خصتا موظفين الاستقبال والمدير المسئول ويتعاملون مع النزلاء كما انهم يدخلوا فنادق اول مرة ويحاولوا يقنعوا العميل انه دة قانون في كل الفنادق
مثلا عايز اربع كروت للفوط عشان اتنين كبار وطفلين يقولك لا معلش الاطفال ملهمش
عايز كارت للغرفة لا مينفعش البوليسي بتاعت الفندق بتقول واحد بس
تكييف الاستقبال مغلق اغلب الوقت