اول حاجة انه بيتعامل مع شركات زبالة ونصابه ، فندق رديء جدا ، لو هنتكلم عن الغرف لازم تعرف انها سيئة ولا تصلح ان تكون غرف للعمال ، التكيف عبارة عن غسالة كهرباء، المسافة من الغرفة للمطعم بعيدة وللبيسين ابعد، حاجتك اللي في الغرفة اللي اللي انت دافع لها تمنها و هى عبارة عن مياة بتيجيلك لما تظبط الهاوس كيبينج، الاكل بوفيه طويل عريض بس ملهوش طعم وأسلوب الشيفات اللي بيغرف للناس مَش حلو ، يعنى في شيف بيغرف بطريقة شخلل جيبك عشان اظبطلك طبقة و شيف اخر بيتطنطط علي الزباين أيد عمار مشغلين الفندق وبعض الشيفات بيببصبصوا علي الحريم المصريين غير ان الشيفات أكلهم مَش حلو ، اصطاف المطعم والسرفيس كويس ، اضمن حاجة في الفندق ده هو الكولا والباقي كله مضروب ،الأكوا بارك أونطة ، خناقات علي اللي يركب العربيات منً المطعم للغرف، الشاطىء لو في الترعة هيكون احسن من كده ، حتىً بعد المغادرة وتسليم المفاتيح موظف الريسبشن بيصمم يقص الأسورة البلاستيك اللي عليها اسم الفندق ربما بعد المغادرة ممكن تدخل تتغدي او تتعشي علي أساس أكلهم الجميل ، لما تتكلم مع حد يقولك أصل الادارة جديدة وهتطظبط كل حاجة طب لما تظبط هتعوض ولادى علي فسحتهم في الفندق ده ، اسوء تجربة مريت بيها بعد ٢٠ سنة عمل بالسياحة لم ارى اسوء من ذلك كرهونا في الغردقة كلها و الفنادق وشركات السياحة النصابة اللي سحبيت مننا فلوس وفِي الأخر اكتشفنا ان الفندق سعر بتراب الفلوس وعشان كده ثقافة اغلب الناس اللي بتقيم فيه مع عائلتهم هم فئه من ابسط واغلب ما تتخيل لذلك زحمة موووووت ، ربما الفندق جميل لبعض البسطاء لكن صدقونى اول مرة أكون فرحان وانا خارج عشان همشي من الفندق ده وأروح بيتنا ، خلى بالكم منصحش بيه

معقول وزحمه جدا والخدمه كويسه والبوفيه مش حلو خالص محتاج ترتيب من الإدارة ولازم الأمن الداخلي يسيطر لان حدث امس خناقتين ومشاكل بين النزلاء كمان محتاج زيادة في الطفطف لانه غير كافي ومحتاج حد يقف يرتب الركاب لان في ناس بتتشاكل والسواق مش عارف يعمل ايه
المسرح صراحه جميل وبيفرح الأطفال وبلاش تجيب الراجل بتاع التعابين عايزين حاجه تفرح او مسرح
اخيرا هو فندق كويس بس لازم يطور من نفسه شويه لان في امكانيات غير مستغله