للأسف الشديد مكان سئ جداجدا من حيث التعامل مع المصريين منتهى قله الذوق في الرد والتعامل مستوى النظافه لغرف المصريين ذباله مليات السرير مش بتتغير كل يوم أو يوم ويوم لا بيسبوها طول فتره أقامه المصريين ما فيش نظافه للحمام خالص والفوط مش بتتغير برده الميه لازم انت تدور على العامل وتخدها منه ولو سبته مشي مالكش ميه مع الاهتمام بغرفه الأجانب والتفرقه بين المصريين والأجانب في المطعم. وده ماشفتهوش في أي قريه محترمه. العمال إلى على البارات وفي المطعم تعاملهم كله في منتهى قله الادب ولما تعترض على المعامله يقلك معلش اصل انا بشتغل من ٧ صباحا لحد ١٢ مسئآ وعدد العمال قليل جدا على مستوى الأشغال العمال نفسهم والموظفين بيشتكو من الاداره من الاخر دي قريه مش محترمه وكلها مشاكل مع المصريين مع اني ٩٥٪ من النزلاء مصريين مافيش احترام حرام المصري يروح يهين نفسه هناك للاسف

الفندق متقسم لكزا نظام
١- شاليهات ودي بعد البوابه الاولانيه ودي مش تبع ميراج تبع فندق اكوا فيو بس بتستخدم شاطئ ومطعم ميراج ودي سيئة جدا جدا جدا لابعد مستوي محدش بروحها
٢- شاليهات تبع ميراج عند الاكوا ودي تعتبر بعيده عن الشاطئ والمطعم ب ٣٠٠ متر بس في طفطف من ٨ ل٦ مساءا فقط
٣- غرف ودي بعد الريسبشن التاني هي غرف متوسطة المستوي ، نظافه الغرف بتتم يوم ويوم وليس يوميا ، المسافه من الغرف دي للمطعم والشاطي ١٥٠ متر وفي طفطف من ٨ ل٦ مساءا ، غير مناسب لكبار السن لكن المسافه معقوله الصراحة
٤- في شاليهات تبع ملاك ودي بقي جنب الشاطئ وجنب المطعم بس دي منزلنهاش بس كمسافه للمطعم والشاطي لا تتعدي ١٠ متر
مستوي الاكل متوسط في تنوع لكن جوده الاكل متوسطه ، الشاطئ رملي ممتاز ، في حفلات كل يوم وحفلات حلوه الصراحة وفوم بارتي
السناكس في مجملها كويسه وتعامل الاسطاف كويس
الاكوا بارك للاطفال ممتازه للكبار هم تلات العاب فقط ومستواها سيء
كقيمه مقابل سعر ف هو فندق جيد جدا خصوصا في ظل ارتفاع أسعار الفنادق الاخري

غرفة غير أدمية بالمرة.. الشاطئ يبعد عن السكن حاولى كيلو كتير تقريبا. خدمة الغرف زباله. منصحش حد يخوض التجربة دي علشان بجد هتكره نفسك وتكره انك تروح مصيف من أساسه
الاكل حاجه بصراحه وحشه جدا جدا. هو كتير فعلا بس التجربة نفسها تخليك مش عايز تاكل تانى