المره الرابعه بس قبل كده كانت الدنيا بتكون هاديه في الفندق فقلت الاهتمام والخدمه فوق الممتاز بس المره دي فوجئت ان الفندق كومبليت عن اخره ومع ذلك الاهتمام والخدمه لم تتاثر بذلك بصراحه اكتر حاجه في الفندق هو اصطف العمل اكثر من الرائع ناس بتقابلك بابتسامه طبعا المعتاد الاكل ممتاز النضافه ممتازه التجديد السنه كان الانشطه بس موضوع الديسكو وموضوع التدخين ممنوع في مش كويسه ياريت تراجعوا قراركم تاني في الموضوعالمزيد
Booking.comBooking.comBooking.com
فندق بصراحه فوق الممتاز من كل الجوانب . الإدارة والموظفين و حمامات السباحه و الوجبات فيها تنوع كبير وأصناف مختلفه كل يوم وكلها حاجات كويسة
والبحر اكثر من ممتاز وفى اماكن للسباحه العاديه او الغطس و الفقرات اللى بتتعمل والعشاء شغااال تحفة
خالص الشكر ضيفنا العزيز لتعليقكم الكريم عن الاقامة معنا ولكلماتكم الطيبة عن طاقم العمل ، أسعدنا رضائكم عن الخدمات المقدمة وتقييمكم الممتاز ووصفكم الرائع للفندق، أتمنى ان نرحب بكم مرات أخرى عديدة بمنتجع عرابية أزور.
تحياتى وتقديرى،،،
ماهر أبو النور – المدير العام
عايز احكيلكم عن اسبوع قضيته مع اولادي في
Azur arabia الغردقه
مكان الفندق مناسب للعائلات لانه في وسط البلد و دي ميزه تخليك تتحرك براحتك خارج الفندق في اي وقت
الريزورت نفسه ٣ فنادق اكبرهم ارابيا
حمام السباحه كبير ونضيف وجمبه حمام للاطفال نضيف و ظريف
فيه ٢ لاجون نضاف وكويسيين وفيه طبعا شاطيء للبحر جميل وفيه امكانيه للاسنوركنج
نتكلم بقي عن المنشاءت نفسها اللي اداره الفندق عايز تقنع نفسها ان الطراز المعماري العتيق يساوي الاهمال في الصيانه و ان الحمامات تكون طول الوقت ريحتها سيئه
وان اطباق الخدمه تبقي مكسره و الكراسي والترابيزات نفس الشيء و كراسي مطعم البحر والبلكونات في الغرف حديد و متعبه جدا
لازم حد يفهمهم ان في فارق والله بين العتيق و بين اللي محتاح صيانه
اجمالا المكان كمكان 6 من 10
نتكلم بقي عن موضوع الموسم .. معامله المصريين و الاجانب
لازم الاول نعرف ان مفيش مصري دون المستوي بيروح فندق الليله فيه مش ااقل من ١٠٠٠ جنيه
ف انا هنا هتكلم عن زائر مصري نضيف و يستحق المعامله كالاجانب
مشكله الفندق بقي ان اللي بيقدموا الخدمه مش فاهمين ان الجيست المصري ليه حقوق عادي و بيعاملوه زي صاحبهك في الشارع يعني يلفوا علي الاجانب يسالوهم طلباتكم ايه انما المصري لو مسالش ينفسه محدش هيعبره (ما عادل عدد قليل كبير في السن وفاهم شغله)
طلبت سفن بالليمون تقريبا ٦ مرات في اماكن مختلفه كل مره اسمع رد اغرب من اللي قبله
مره هجيبلك السفن والليمون علي البوفيه
مره مينفعش لان احنا في المطعم مش في البار
مره يعني ايه سفن بليمون
مره سفن بس وده المتاح
وهكذا بقي حاجه قمه في الاهمال
الاكل بقي يوم حلو ويوم وحش كتير جدا بس بدون مزاق فيه حاجه غلط
محاوله الاعتماد علي الاستقبال في ارسةل شخص ياخد الشنط وقت الخروج علشان مستعجلين فشلت وشيلت الشنط كلها لواحدي
محاوله عمل ايرلي تشيك ان فشلت بحجه ان الفندق كومبليت و كان رد الاستقبال متسالنيش قبل الساعه ١٢
الخلاصه.
لو مش قادرين تسيطروا علي العماله ولا الفندق وهو كومبليت متقبلوش ناس كتير
لو مش عايزين مصريين متقبلوش مصريين خالص لان محدش دفع رواتب العاملين في السياحه وقت الركود الا المصريين
اعملوا تدريب دوري للعماله
فيين المسؤولين عن الكوالتي اساسا
لا يمكن ادارة محترفه تعامل كل المصريين بذنب بعض المصريين اللي اول مره يدخلوا فنادق
التقييم الاجمالي شامل المعامله والاصطف ٤ من ١٠
ضيفنا العزيز / خالص الشــكر للإقامة معنا بمنتجــــع عرابية أزور ولمشاركتكم بالتعليق على Trip advisor.
نأسف إذا لم تلق خدماتنا رضائكم ونعتذر عن الملاحظات التى قد أثرت سلبيا على انطباعكم العام أثناء الاقامة معنا ،
وأود أن أعتذر عن أى تصرف فردى قد صدر من أى من العاملين على غير المعتاد، وأود أن أؤكد لسيادتكم بأن كل فرد من أفراد فريق العمل بقرية عرابية أزور يكن كامل التقدير والاحترام لكل نزيل بالفندق بصرف النظر عن جنسيته، فهدفنا الأساسى هو توفير جو مناسب لجميع نزلائنا للاستمتاع بعطلاتهم، ونعمل باستمرار على تحسين مستوى خدماتنا.
أتمنى أن نرحب بكم مرة أخرى بقرية عرابية أزور لتغيير هذا الانطباع،
تحياتى وتقـديرى،
ماهر أبو النور – المدير العام
لقد تزلت بالفندق لمدة 5 ليالي بالمنتجع في رمضان 2017
و للحقيقة لم يخيب أملي بالمنتجع فهو كالعادة رائع و مماع و مميز
يتوسط مديتة الغردقة .. لة أطول شاطئ رأيته سواء باللاجونز أو المارينا
الموظفون متعاونون و علي قدر كبير من الرقي و الخلق .. جميعهم مؤهلين و متمرسين
الموقع أكثر من رائع .. الطعام متنوع و علي قدر كبير من الجودة و التميز
يولوا حمامات السباحة إهتماما خاصا و خاصة حمام الأطفال
هناك لاحظات خفبفة يمكن تداركها .. كان في السابق يوجد عشاء متأخر في المطعم الرئيسي و هو ما لم يعد موجود
و معني ذلك أن من يذهب للتنزه و يعود متأخرا لن يجد عشاء
مصعم المارينا كان يقدم سناكس و هو ما لم يعد موجودا .. بار المارينا كان يقدم سناكس أكثر تنوعا مما هو موجود الأن
ضيفنا العزيز استاذ/
خالص الشكر على مشاركتكم بالتعليق على إقامتكم بمنتجع عرابية أزور، ولتقييمكم الكريم لجميع الخدمات المقدمة . أسعدنا تواجدكم معنا واستمتاعكم بالعطلة ، وأود أن أوضح لسيادتكم أن بوفية العشاء المتأخر يتم تقديمة خصيصا للنزلاء الذين يصلون فى وقت متأخر نظرا لاسباب الطيران والسفر ، حيث ان بوفية العشاء يمتد يوميا من الساعة 6:30 م وحتى الساعة 10:00م كما هو معمول به بجميع الفنادق ، وأتمنى أن نرحب بكم مرات أخرى عديدة قريبا.
تحياتى وتقديرى،
ماهر أبو النور – المدير العام
دي تاني زياره وبصراحه فندق متميز ومستواه جيد جدا طاقم عمل اكثر من ممتاز بس هو في تعليق يمكن اي حد ميهمهوش في اتنين بيغنوا وقت العشاء علي البول لا صوت ولا روح وبيبوظوا الاغاني الاجنبيه المشهوره بطريقه بشعه غير انهم اجريسف جدا في تعامل مع النزلاء
ضيفنا العـزيز أســتاذ / محمد
شكرا لاختياركم منتجع عرابية أزور للمرة الثانية ولمشاركتكم بالتعليق على Tripadvisor ، يسعدنا رضائكم الدائم عن مستوى خدماتنا وعن فريق العمل بالفندق. وخالص الشكر لمشاركتنا انطباعكم العام عن الباند، تم ارسال تعليقكم للقسم المختص لعمل اللازم.
أتمنى أن نرحب بكم للمرة الثالثة قريبا بقرية عرابية أزور.
مع خالص احترامى وتـقديرى،
ماهر أبو النور – المدير العام
شكرا لجميع أفراد عربيه لحسن المعاملة والخدمة الجيدة شكر خاص لمستر خالد لتعبه معنا انه منتجع يستحق الزيارة من الجميع هذه الزيارة السابعه لى فى هذا المنتجع الجميل الغرف كبيره ونظيفة إلى جانب النظام الجيد
ضيفنا العـزيز أســتاذ / أشرف
شكرا لاختياركم منتجع عرابية أزور ولمشاركتكم بالتعليق على Tripadvisor وعلى إقامتكم معنا بقرية عرابية أزور للمرة السابعة، يسعدنا رضائكم الدائم عن مستوى خدماتنا وعن فريق العمل بالفندق.
شاكرين تقديركم وتقييمكم الكريم والايجابى للجميع.
أتمنى أن نرحب بكم للمرة الثامنه قريبا بقرية عرابية أزور.
مع خالص احترامى وتـقديرى،
ماهر أبو النور – المدير العام
