قمت بحجز اربع ليال خلال شهر أكتوبر و كانت هي أول زيارة للمكان وللاسف كانت الصدمة بسوء الخدمة المقدمة من أدارة الفندق ، حيث العمل بمبدأ التوفير على حساب جودة الخدمة المقدمة وحيث كانت اقامتى إقامة شاملة مع طفلين فقد كانت المفاجأة بعدم وجود سناكس فى البار على حمام السباحة سوى بعض المخبوزات المتبقية من وجبة الإفطار ، الغرفة يتم وضع زجاجتين مياه ٦٠٠ملل من نوع مجهول اسمه Purity ولايوجد عصائر ، الكارثه الكبري كانت بالمطعم الرئيسي ( الوحيد) بدون تحميل على المكان ، الأكل سىيئ والاصناف قليلة ولايوجد عصائر او مياه إلا فى الافطار أما الغداء والعشاء تكون بالطلب من موظفي المطعم ،واحيانا مع ازدحام المطعم بتكون الاستجابة بطيئة غصب عنهم وطبعا فى وجود أطفال بيكون موضوع سخيف ، بالنسبة للشاطئ ، لايصلح للاستخدام لوجود صخور وظلط فى الارضيه يعني محتاج اهتمام ونضافة وطبعا الشاطئ انتوا عارفين أنه مش فى المنتجع لكن للأمانة الاتوبيس الخاص بالشاطئ شغال بانتظام .
للأمانة معظم العاملين محترمين ومؤدبين وفريق الانيميشن كويس .
خلاصة كلامى أن الإدارة بمحاولة التوفير على حساب الخدمة المقدمة للنزلاء بتخسر كتير بالسمعة السيئه اللى بتتنقل عنهم من النزلاء وعلى فكرة دي تجربتي وانا كنت نازل أقامة شاملة ومع كده فى أول ليلة خرجت اشتريت مياة معدنية لولادى من برة وكملتش مدة الإقامة اللى كنت حاجزها وانا حاليا فى فندق والله ٣ نجوم لكن فرق شاسع فى الخدمة وجودة الشاطئ والأكل . فعلا رويال لاجونز لا يرقى لمستوى اربع نجوم مش خمس نجوم وندمان أنى اتأخرت فى قرارى واستحملت ٣ ليالي معاهم . عكننوا عليا فى الإجازة اللى واخدها بالعافية ، منهم لله المسئولين عن المكان.

كان فى عرض تبع شركه سياحه اسمها direct egypt ١٠٥٠ جنيه لمده ٣ ليالى وانا اتصلت بهم عايزه احجز يوم ٤ و٥ و٦ و٧ أكتوبر قالولى حنكلم الفندق ونشوف الأيام دى وبعد كده كلمونى يقولى حتزودى ١١٧٠ ليه الزياده اتمنى حد يرد عليا وتفضل بنفس العرض عشان عايزه احجز بكره

الفندق ممتاز والاصطاف هايل ومش هغير الفندق هنا ابدا كل مره لازم انزل هنا مكان رائع والمعامله ممتازه من المدير والاداره بالكامل وبالاخص فريق الانميشن فوق الممتاز وشكر خاص مني الي ارينا من فريق الانميشن واتمني للفندق التوفيق والنجاح المستمر