الفندق بوجه عام حلو جدا وانبسطنا.. هقول على الايجابيات والعيوب.. اولا الايجابيات: الاستاف.. الناس اللي شغالين بصراحة قمة الزوق ومتعاونين جدا ومبتسمين سواء مع المصريين او الاجانب حتى سواقين الاتوبيس الشاتل نفسهم كانوا ظراف وزوق.. ما عادا اللي بيقدم المشروبات على الشاطيء كان مش بيبتسم خالص وتحسه متضايق كده. الشاطيء: الشط رملي جميل ومتوفر عليه مشروبات وقطع بيتزا مجانا.. وفيه اتوبيس شاتل مجاني بيجي كل ربع او نص ساعه ينقل الناس من الفندق للشاطيء والعكس. حمامات السباحة حلوة وكتيرة نسبيا. الاكل: الاكل متنوع وجميل والبوفيه واسع نسبيا ومفيش زحمة او انتظار.. كان موجود انوع مخبوزات كتير وفواكه طازة ومشروبات وحلويات متنوعة وسمك وفراخ ومشويات ولحوم وانواع مختلفة من المكرونات.. بصراحة البوفيه كان كويس جدا. الموقع : في الممشى السياحي. الأنيميشن: حفلات ليلية يوميا وفقرات متنوعة للاطفال والكبار كانت جميلة واللي بيقدموا العروض كانوا فريندلي جدا وبيصاحبوا الناس ويفرفشوهم. الڤيو: المنظر من الغرفة كان جميل جدا وتقريبا اغلب الغرف بوول فيو يعني بتطل على حمامات السباحة. ثانيا السلبيات: خدمة الغرف: عامل التنظيف مكنش بينضف الاوضة ومكنش بيغير الفوط ولا بيحط لوشن او شامبو.. كان مجرد صابون في صبانة جنب الحوض وزيه جنب الدش. ومكنش بيحط مايه غير لما نطلب منه او نكلم الريسبشن.. معرفش دي حالة فردية منه ولا ده سائد على الفندق كله. بس اجمالا الغرفة كانت واسعة وجميلة والمنظر منها جميل. شفاط الحمام مكنش شغال واشتكيت كذا مرة محدش صلحه. البسين: رغم انه اجمالا كويس وبيتنضف يوميا.. بس فيه بسين منهم لقيت فيه حشرات في المايه في ركن منه....الفندق بوجه عام حلو جدا وانبسطنا.. هقول على الايجابيات والعيوب..

اولا الايجابيات:
الاستاف.. الناس اللي شغالين بصراحة قمة الزوق ومتعاونين جدا ومبتسمين سواء مع المصريين او الاجانب حتى سواقين الاتوبيس الشاتل نفسهم كانوا ظراف وزوق.. ما عادا اللي بيقدم المشروبات على الشاطيء كان مش بيبتسم خالص وتحسه متضايق كده.
الشاطيء: الشط رملي جميل ومتوفر عليه مشروبات وقطع بيتزا مجانا.. وفيه اتوبيس شاتل مجاني بيجي كل ربع او نص ساعه ينقل الناس من الفندق للشاطيء والعكس.
حمامات السباحة حلوة وكتيرة نسبيا.
الاكل: الاكل متنوع وجميل والبوفيه واسع نسبيا ومفيش زحمة او انتظار.. كان موجود انوع مخبوزات كتير وفواكه طازة ومشروبات وحلويات متنوعة وسمك وفراخ ومشويات ولحوم وانواع مختلفة من المكرونات.. بصراحة البوفيه كان كويس جدا.
الموقع : في الممشى السياحي.
الأنيميشن: حفلات ليلية يوميا وفقرات متنوعة للاطفال والكبار كانت جميلة واللي بيقدموا العروض كانوا فريندلي جدا وبيصاحبوا الناس ويفرفشوهم.
الڤيو: المنظر من الغرفة كان جميل جدا وتقريبا اغلب الغرف بوول فيو يعني بتطل على حمامات السباحة.

ثانيا السلبيات:
خدمة الغرف: عامل التنظيف مكنش بينضف الاوضة ومكنش بيغير الفوط ولا بيحط لوشن او شامبو.. كان مجرد صابون في صبانة جنب الحوض وزيه جنب الدش. ومكنش بيحط مايه غير لما نطلب منه او نكلم الريسبشن.. معرفش دي حالة فردية منه ولا ده سائد على الفندق كله.
بس اجمالا الغرفة كانت واسعة وجميلة والمنظر منها جميل.
شفاط الحمام مكنش شغال واشتكيت كذا مرة محدش صلحه.
البسين: رغم انه اجمالا كويس وبيتنضف يوميا.. بس فيه بسين منهم لقيت فيه حشرات في المايه في ركن منه.
الاكوا بارك صغيرة والعابها محدودة بس استمعتنا بيها.

في المجمل انا شايف ان الفندق يستاهل 4 نجوم بلس رغم انه واخد 5 نجوم..
الاستاف اللي شغالين اديهم 5 من 5
الاكل 5 من 5
الشط 4 من 5
خدمة الغرف 1 من 5
الموقع 3 من 5
الانيمشن 4 من 5

يعني اجمالا فندق حلو انصح الناس بيه.. هيستمتعوا فعلا.المزيد