انا حاليا هناك. الفندق غير ما توقعت تماما ولا يناسب مستوى ٥ نجوم بالكثير ٣.٥ نجمة. الغرفة سيئة جدا الاثاث متهالك فعلا و السيشوار لا يعمل و المنشفة مكسورة و مضخة الصابون معطلة و كذلك الباب كان مش مظبوط و مش بيفتح. بالنسبة للاكل يوجد تنوع لكن بجودة منخفضة و طعم اقل من المتوسط. اما بوفيه الحلويات و الفاكهة فهو مهرجان الوان فوضوي بجودة سيئة جدا جدا جدا يعني لا شكل ترتيب ولا طعم. و بالنسبة للاشغال فهو مزدحم جدا جدا. و حمامات السباحة متعددة و لكن اقصي عمق فيها ١٦٠ سم رغم ان هاواي لو جاردن به عمق ١٨٠ سم و معظم الفنادق الكبيرة. اتصلت بالاستقبال ليفتحوا لي الخزنة لانها كانت مغلقة فردوا عليا بعد حوالي ٦ مرات اتصال. توزيع الشمسيات للحماية من الشمس به شيئ خاطى فلا تجد ملجأ تماما من الشمس في منتصف النهار. لا انصح به ولا انوي تكرار الزيارة.

لا انصح بتكرار التجربة فندق سئ جدا من جميع النواحي المطعم اكل ردئ وغير متنوع وزحمة جدا والغرف المراتب متهالكة والريسبشن المعاملة سيئة والاسانسيرات قليلة وزحمة والنظافة غير متوفرة تجربة فاشلة من الاخر والبحر صخور وصعب النزول فيه المعاملة مع بعض الموظفين سيئة جدا

⛔ تجربتى مع هواى سيزار بالاس ودريمز
بصراحة أنا نزلت فى سيزار بالاس ودريمز
والمستوى هناك سئ جدا أولا حصلت معايا مشكله فى الحجز ونزلت ليله فى سيزار دريمز بدل سيزار بالاس وكانت المعاملة فى الريسبشن فى دريمز أسوء مما تتخيل وعمرى ما كنت افتكر إن المستوى هناك بالبشاعة وقلة الذوق دى وماشيين بمبدأ هو ده اللى عندنا وبعد خناقات نزلت بعد كده فى سيزار بالاس
ثانيا الاكل هناك وحش بشكل لا يطاق و المهرجانات اللى بيعلنوا عنها دعاية مافيهاش شئ من الصحة ولا بيقدموا لحمة ضانى ولا اى حاجة من الكلام ده عبارة عن لحمة بتلو مستوردة و الشيفات هناك تحت المستوى بكتير واصناف الاكل شعبية جدا ومافيش تسويه كويسة
و المعاملة فى المطعم زفت تحس إنك بتاكل فى مطعم شعبي ومفيش اى نظام ولا حد بيفرش ترابيزة ولا اى نظافة ثاللثا وفى الاسناكس الشيفات مش عاوزين حتى يردوا علينا بسأل على بيتزا يقولى مش دلوقتي بقولوا طيب إمتى قالى تعالى بعد نصف ساعة روحت ورجعت تأنى قالى كمان عشر دقايق روحت ورجعت قالى معايا شويه قولتله والله ما عاوز
رابعا الحمام بتاع الغرفة الدوش كان مكسور ومفيهوش غير شاور جيل وبيكون كمية قليلة جدا بس النظافة فى الغرف كويسة
والمشكله كتبت كده على جروب المجموعة عملولى بلوك
أنا عمرى ما هفكر انزل فى مجموعة هواى ولا هنصح حد بيها