الفندق مساحته كبيره وانا بفضل الاوتيلات كبيرة المساحه، وطبعا مفتوح علي جاردن بيتش فده بيديك ميزة الاستمتاع بخدمات الفندقين مع بعض، اكنها فسحه هنا وهناك، وتقدر كمان تدخل كريستال بس بدون الانتفاع بخدماته، مملوك اللوبي بتاعه جميل والقاعده في التراث بالليل مع الدفايات جميله جدا، المارينا تحفه بس هي اقرب لجاردن، كنا بنروح البيتش بالجولف كار. معاملة الستاف روعه واخص بالذكر موظفين المطاعم طبعا، والاستقبال مستر حسن اول حد استقبلنا وكان غاية في الذوق والادب والاخلاق للابعد الحدود، كمان مس نجوي ومس ساره، وعجبني انهم محجبات ومحتشمات عكس كل الاوتيلات اللي كنا بنروحها قبل كده، بالنسبالي الاكل كان هو الطرف الضعيف! اكل جاردن كان احسن بكتير، فكنت بفضل أكل هناك، كمان الهاوس كيبنج مش علي افضل مستوي، يعني تستلم بعده الغرفه تحس اكنها غرفه متوضبه في بيتك، مش غرفه فندقيه خالص! بشكل عام انصح بالنزول في مملوك وتاكل في جاردن. جاردن كتصميم فندق مش حلو خااالص وتحس انه فيه حاجه غلط! وعلي الرغم من انه متجدد بس لون الدهانات معجبنيش ولا الفيو فيه كان حلو خالص.