فندق جميل و مميز بالموقع و الشاطئ و الاكوا بارك العيب الوحيد في الموقع أنه بعيد شويه عن وسط البلد. الغرفة جميلة و نضيفه لكن كان التلفزيون مش شغال كويس لكن لما اتصلنا بالريسبشن اتعمل علي طول... بالنسبة للخدمه كانت فعلا جميلة و كان في اهتمام من كل العاملين في الفندق من كل الأقسام بصراحة ....الاكل و المطعم مستواهم رائع و كان في اختيارات كتير جدا في الاكل لدرجة اني فعلا بحتار المشكلة الوحيدة أن احيانا بيكون المطعم زحمه شويه في بعض الأوقات .. مستوي رائع للفندق و حفلات كتير يوميا ... و دى كانت أول مرة ليا في الفندق لكن اكيد مش الأخيرة و هكرر الرحلة دى تاني لأن فعلا الخدمة اكتر من السعر .. و انصح باختيار الفندق للعائلات و الاصدقاء

الفندق ممتاز والأكل كويس فريق الانيمشن أنا مشوفتش زيو بصراحه بيعملو كل حاجه مختلفه وجديده غير اي فندق بس مشكلته انو بعيد عن البلد نفسها بس انا اتبسط جدا أنا وصحابي هو مناسب للعائلات والصحاب والكابلز بس الاحسن تاخد فيو يكون في بحر هو بعيد شويه بس بتبقي شايف البحر الغرف نضيفه والاستف منظم ومحترمين ومتعاونين جدا والمطعم نضيف وفي تغيير في الاكل والشاطئ حلو اوي والانيميشن معانا في كل لحظه بصراحه وبجد كانت احلي رحله بنسبالي

الفندق جميل جدا بصراحه وكبير والبحر تحفه والسنوركلنك جميل والفريق الانيمشن فريق ممتع للغايه والمطعم الاكل في جميل واكيد هنرجع الفندق تاني لاني بجد استمتعنا بفندق انا والعائله واحب اشكر القائمين علي العمل .