فندق قذر ف كل شئ بداية من الغرف المتهالكة وكراسيها المكسورة والملايات اللى مش نضيفة لحد المطعم وده كارثة لوحده المعالق والاطباق مش بتتغسل كويس بتتشطف بالمايه مسكت معلقة لقيت فيها بقايا اكل غير ريحة الزفارة اللى ف الاطباق وامسك الطبق الاقيه مزيت ده غير لقيت شوكة مصدية وسط الشوك تانى حاجة الاكل اكتر من سئ كنوعية وعدم تنوع تالت حاجة بقى الشيفات والعمال اللى ف المطعم ميعرفوش اى حاجة عن مبادئ الكاتيرنج مفيش شيف لابس جوانتى ف ايده وهو بيعمل الاكل الشيف كان بيعمل السندوتشات ويمسك اللحوم ب ايديه كأنه امك بتعملك اكل ف البيت ده غير لما تطلب شوكة او معلقة يمسكها من المكان اللى المفروض هتاكل منه معندهمش اى ذوقيات ف التقديم والخدمة ده مزبلة او زريبة مش منشأة سياحية ابدا ولا يصنف حتى ربع نجمة

اسوأ رحلة على الاطلاق
الفندق زي الزفت ووصف زفت دا قليل على الفندق وبجد اسوأ فندق زرته في حياتي
الاكل سئ جدا جدا جدا الى ابعد حد والاولاد لما اكلته قئ واسهال
الاكوا مش كلها شغالة يعني احسن لعبة اسمها تسونامي مش شغالة رغم اني اتصلت بالفندق قبل الزيارة واكدت عليهم ان اللعبة دي بالاخص شغالة قالولى كله شغال يافندم وطبعا كله كذب
واثناء الرحلة كل يوم يقولوا هتشتغل بكرة وطبعا ما بيحصلش وسالت احد العاملين بالفندق قالي انها مفيهاش مشكلة بس هم مش عايزين يشغلوها
يا ريت اي حد بيفكر في الفندق دا يقرا جميع التعليقات الاول قبل ما يقرر علشان اكيد هيندم لو راح