انا قعدت ٤ ليالي اول اسبوع في مايو:

- كل الموظفين استقبلونا كويس اوي ومبتسمين على طول وجاهزين للمساعدة بس في معاملة خاصة للالمان اللي في المنتجع اي حد حيحس بيها

- الاضائة في المنتجع ضعيفة جداً بليل عند حمام السباحة والممرات

- الاكل حلو بس مش قوي، يكفي انه نضيف ومشتكتش من وجع في البطن او حاجة، الحلو لازم يغيروه عشان طعمه مش حلو ، وجزء المقبلات سيىء، العصائر مش فريش، عملو يوم واحد عصارة برتقال فريش، البيتزا اللي على البحر سيئة جداً، البرجر حلو والايس كريم والوافل

- البحر بعيد شوية حوالي ٥٠٠ متر لازم تتاخد مشي، نضيف واحلى حاجة الشعب المرجانية

-حمام السباحة نضيف بس الفوط مقطعة ومبهدلة لازم تتغير(لازم تاخد معاك فوط من حمام ااسباحة للبحر عشان مفيش هناك)

- الترفيه بليل بيبدأ بدري ويخلص بدري، من بعد الساعة ١٠ حالة الملل بتبدأ عشان المنتجع كله اجانب وبينامو بدري.

- الغرف كويسة بس التليفزيون صغير جداً والقنوات قليلة جداً.

هذا الفندق الجميل من أجمل الفنادق في الغردقة من حيث الناس الموجودة داخل هذا الفندق يوجد مساحة كبيرة من الاشجار والزهور في الفندق و البحر قريب من الفندق وشكرا الي مستر مصطفى ثابت وفي المطعم الجريل حماصه انسان محترم على طول بيضحك وشكرا على الإجازة السعيدة

يتميزالمكان بمساحات واسعه
تعدد حمامات السباحه ذات نظافه عاليه
تعدد المطاعم و البارات يساعد علي الراحه و سهوله تناول المشروبات و الوجبات
المطعم لا ينقصه سوي تنوع الطعام
العديد من القائمين علي اداره الفندق يتميزوا باحترافية شديده و يرأسهم يتميز في ذلك السيد/ محمد جوده نائب مدير الفندق التنفيذي حكمه في الادارة و ترحاب عالي مع ثباتً انفعالي عالي شكر خاص له