فندقه افسده الزحام ونوعية زبائن تجهل ابسط القواعد وتتعامل بفوضوية وعشوائية للفندق العديد من المميزات من حيث اكوا بارك مائية كبيرة ومسلية شاطئ جميل ونظيف يحتوى على العديد من الالعاب المائية ومارينا الغرف مستواها جيد فى المبنى الرئيسى وحمامات السباحة العاملين يتعاملون بذوق وصبر كبير رغم قلتهم مستوى الطعام ضعيف رغم الكميات وعدم التنوع
حفلات ليلية المشروبات والمياه متوفرة 24 ساعة بكميات الخلاصة لا تستطيع التمتع بسبب الزحام الشديد وسلوكبات النزلاء
للاسف الفندق يفقد بر يقه بسبب نوعية النزلاء

أهم المزايا...الأكوابارك رائعة.الشط جميل وفرصة للغطس فى جزء منه.الاكل كان مش وحش والحلويات تجنن.توفر العصاير والمشروبات وزجاجات المياه طول اليوم.المطاعم فى كل مكان.التعامل جيد.مش غالى بالنسبة للخدمات المقدمة.
العيوب...انقطعت المياه فى ليلة كاملة والناس كانت بتستخدم المياه المعدنية فى الاستخدام فى الغرفة.خدمة الغرف مش سريعة واكيد بسبب الاعداد الكبيرة اللى كل فنادق الغردقة مش متوقعاها بعد ركود طويل بعد غياب الروس.مفيش مسرح مستقل للاطفال وبيكتفوا بساعة تقريبا ليهم ف اليوم.ال كيدز كلاب مش حلو والروسيات مش عارفين يتعاملوا مع ولادنا.مفيش سناكس غير معجنات ولغوا الكفته والبيتزا .فى النهاية محدش ينتظر من اى فندق اللى كان بيشوفوا السنين اللى فاتت لان للاسف احنا كمصريين وانا واحد منهم ثقافتنا ووضعنا خاصة فى المطعم وتعاملنا كمان مع العمال ال هو انا بفلوسى اعمل اللى عاوزه محتاج وقت عشان نغيرها وطبعا ده مش كل الناس بس كتير منا

الفندق فيه مزايا أهمها الاكوابارك.. الشط....طعم الاكل كان كويس بالرغم من عدم تعدده وتكراره...الحلويات تجنن... مياه الشرب متوفرة دايما زجاجات مياه معدنية طول اليوم.ودى ميزه مش موجوده ف كتير من الفنادق...خمامات السباحة كتيرة و متنوعة...المطاعم موجودة فى كل مكان وان كان أميزهم المطاعم الرئيسية...العمال متعاونين جدا....العيوب أهمها مفيش مسرح خاص بالاطفال ليلا ولكن ليهم وقت قليل...كذلك ال كيدز كلوب روسيات مش عارفين يتعاملوا مع ولادنا..وما استمتعوش...السناكس عبارة عن معجنات فقط...بعض السلوكيات للمصريين وانا منهم.. للاسف سيئة وخاصة فى المطعم..الحجرات ضيقة شوية...خلف المطعم العلوى هناك ممر دايما بيكون مش نضيف وفيه مياه واتزحلقنا فيه وربنا ستر..البرامج الترفيهية ليلا ضعيفة مش زى اماكن تانية بتكون برامجها اقوى