‎تقيمى لرحلتى لفندق صن رايز رويال مكادى
‎فى البداية أود ان اشكر كل من ا احمد شحات و هيثم و ا محمود ياسين على مجهودهم معانا فى الرحلة دى و احب أقول لإدارة فنادق صن رايز إنها تكتر من النماذج الشابة المشرفة دى أللى بيعرفو يديرو مواقف صح و هقولكم فى آخر البوست بقول الكلام ده ليه

‎ندخل فى تقيم فندق صن رايز رويال مكادى

‎👈ريسبشن الفندق مش واو متتخضوش بس الفندق حلو و دى نصيحتى إنهم يعملو لوبى أفخم من كده يليق بالفندق
‎الفندق مساحته كبيره قوى مساحته تعادل 👈فندقين مع بعض عاوزة صحة و نشاط
‎👈الاستاف بتاع الفندق لطيف جدا و متعاون لحد كبير قوى و عاملين زى المكوك عمل متواصل
‎👈الشاطئ جميل جدا و رملى و عمقه ممتاز للأطفال و الكبار عامل زى شواطئ قرى الساحل كده بس من غير امواج عاليه و متوفر عليه كل ألعاب الشاطئ بنانه بوت و سوفا و فلاى بورد
‎👈الاكوا بارك و دى حكايه لوحدها و جميله و متوفر فيها ألعاب كتير و بتشتغل فى فترتين خلال اليوم و اللايف جارد بتاعها بيبزل مجهود كبير جدا عشان أمن و سلامة الناس أللى بتلعب
‎👈الاسناكس متوفر فى مكانين بجوار الاكوا بارك و بجوار الشاطئ
‎👈كل يوم بيبقى فى حفلات ببرامج مختلفة كل يوم ليلا على المسرح الخاص بالفندق
‎👈اشغال الفندق يعتبر ١٠٠% بس هما مسيطرين
‎👈مستوى الاكل فى المطعم الرئيسى جيد
‎👈مستوى الاكل فى مطعم اليا و ده بحجز خاص قبلها بيوم و ده ممتاز فى الاسماك
‎👈مستوى الاكل فى مطعم بدوية ممتاز ممتاز ممتاز و ده أحلى أكل ممكن تاكله فى الأوتيل و بره الأوتيل و الاستاف بتاعه قمه فى اللطف و اللزازه كباتن الصاله ا أمين السباعى و ا عبد العظيم شيف المشويات العظيم محمود و كل الناس أللى فى المكان عشان مش عارف كل اسمائهم
‎👈مستوى الغرف جيد و نضيفه و الهاوس كيبينج موجودين بإستمرار
‎👈يوجد جولف كار لنقل النزلاء من اللوبى إلى الاماكن البعيده عن اللوبى
‎👈يوجد حمامات سباحة كثيرة
‎👈الكحول و مواد التعقيم موجودين فى كل مكان
‎👈لو حابب تتصور صور جامده موجود المصور الجامد قوى وائل بيللى و هاتلاقوه موجود جنب الاكوابارك شاوله بس و هو هيقوم بالواجب

‎نرجع بقى ليه أنا بشكر الاساتذه أللى قولت اسمائهم فى الأول
‎أنا حجزت مع شركة سياحة إسمها
cit
‎و بعد وصولنا فندق صن رايز مملوك فوجئنا إنهم بيقولولى مفيش غرف و ممكن نوديكم جاردن بيتش أو كريستال فرفضنا العرض ده و قولنا دى مش مشكلتنا لأننا بالفعل كنا دافعين تمن الرحلة كامل قبل الرحلة بأسبوعين فعرضو علينا نروح صن رايز رويال مكادى فوافقنا على عرضهم عشان نحل المشكلة و يبقى فى تعاون مشترك منهم و مننا و عشان كده بوجهلهم التحية عشان أتصرفو و حلو الموقف لأن شركة السياحة سابتنا كده خلاص نواجه مصيرنا معاهم بس عشان هما إدارة محترمة حافظو على شكلهم و سمعتهم و ظبطو الموضوع بالشكل ده أشكركم جميعا فنادق صن رايز و إلى لقاء قريب إن شاء الله 🖐

سأبدأ بالإيجابيات وهي فريق الرسوم المتحركة المحترف فعاليات نهار ليل لا تتوقف شكر للسيد كريم من انيمشن كان ظريفا طوال الوقت البوفيه رائع خاصة الحلويات الشرقية الشيف الشرقي يستحق التقدير نتوقف عند مطعم ايليا كان رائعا فاق التوقعات العاملين به متميزون الطعام ممتاز الذي لم يعجبني المطعم البدوي سي للغاية والعاملين به يحتاجون تدريب الغرف لابد من تجديدها لا تليق بمجموعة صن رايز الاستقبال كان الأسوأ في مجموعه صن رايز كان استقبال في اريبان بيتش ودايموند ومملوك قمة في الترحيب وسرعه التسكين لكن في مكادي كنت متضايق حتى لم اجد مشروب ترحيبي ولا ترحيب في المجمل اتمنى الزيارة القادمة اجد الافضل تحياتي

من احلي فنادق مصر
تنوع في الأكل وإتقان في كل أصناف الأكل كل gest بيتعامل معامله خاصه جدا جدا من staff هما في منتهي نشاط خليه نحله شغاله بدون توقف وطلبات واحلام gest بتحقق في ثواني شياكه في تعامل وتعاون من كل الاستاف
بخص الشكر للأبطال التلاته دول انتم صناع سعاده والله
صن رايز رويال مكادي صانع سعاده
٥ ايام في جنه
اما ستاف الاكوا في منتهي يقظه وجو لطيف جدا جدا
اما استاف الانيمشن دول بقي عالمي عالمي عالمي