فندق ينبض بالحياه
اولا الاستقبال اخص بالشكر مستر عمرو لحسن استقباله
أروع ما يميز الفندق مدى احترافيه العاملين به لاسعاد النزلاء
لايوجد اى تفرقه فى التعامل مع المصريين
فريق انيميشن على أعلى مستوى لمحاوله اسعاد النزلاء وبالاخص مستر سعيد ومستر نورى
الاكوا بارك معقوله وتناسب الأطفال
المطاعم جيده جدا والاكل متنوع وذو مذاق رائع
السناكس ممتازه
المشروبات جيده
الغرف جميله ولكن اثاثها متواضع ومساحه الجزء الخاص بالاستحمام صغيره جدا
الفندق يناسب الاسره وبالاخص الأطفال
الحفلات جميله وممتعه لجميع افراد الاسره
تم تقسيم الفندق إلى قسمين
النصف الأول وهوا المواجه للشاطىء وأصبح اسمه توكانا صن رايز
النصف الثاني وهو الخلفي وهو صن رايز رويال مكادى وبه الاكوابارك
يوجد اكثر من مسبح دافىء
الشاطيء جميل جدا ورملى ومن شده نقاء الماء تشاهد الاسماك من الشاطيء
يوجد بعض الانشطه على الشاطيء
انصح به بشده

فندق اكثر من رائع كل حاجة فوق الممتازة اولهم الاستاف ودود جدا جدا جدا بشوش بيبتسم على طول بيلبى كل رغباتك بسرعة متناهية بكل حب حقيقى مشفتش كدة فى اى فندق تانى ...الاكل ممتاز ومتنوع المطاعم المتخصصة ممتازة وخصوصا مطعم بدوية الاكل رائع والمطعم الصينى بقيادة الشيف احمد قمة فى الذوق والاحترام والبشاشة والابتسامة الجميلة والمهارة فى صنع الاكل اليابانى وطبعا لو هتكلم عن الشطارة يبقى لازم الشيف سيد ملك الفطير تاكل منة احلة فطيرة والانيميشن تيم مميز جدا جدا وخصوصا كيمو والرسبيشن الاستاذ سيد حنفى ومحمد صبحى ودود جدا جدا ولو كان ممكن كنت ذكرت اسم كل واحد فى الفندق دة وعملتلة شكر خاص ولازم اتكلم عن النظافة والاهتمام بكل حاجة سواء صغيرة او كبيرة شكرا فعلا على الاجازة الرائعة دى وان شاء الله هاجى تانى انا والعائلة

زيارتي لفندق صن رايز رويال مكاديمش الاولي ولا الاخيرة ان شاء الله
هتكلم الاول عن الايجابيات
الاستقبال بشوش جدا من اول الريسيبشن وطبعا حظنا الحلو اننا وجدنا مستر احمد رجب ❤️❤️ ربنا يباركله انسان فجد مهما وصفت بشاشته وجدعنته مش هقدر اوفيه حقه
كنا طالبين اوضه دبل فمبني ١٦ فوصلنا الساعه ٩.٣ صباحا وكان الجيست لسه مخرجش طبعا وقالولنا هتفضي الساعه ١٢ واقترحوا علينا عشان نتسكن علي طول لاننا كنا جايين تعبانين من السفر انهم يعملولنا free upgrade لفاميلي سويت
وخصوصا عشان معانا طفلين والاوض فمبني ١٦ ضيقه ..
انا بصراحه كنت متردد لان بحب منطقه ال ١٦ وال ١٥ امام البيسين الرئيسي والبحر والمطاعم وقريب من كل الخدمات
لكن وافقت فالنهايه لان كنا تعبانين جدا وفعلا مخدناش ٥ دقايق بعد ما دخلونا نفطر طبعا الاول دخلت السويت واسع وكبير ونضيف كان رقم الغرفه ٣٥٢٠٨
كل حاجه تحتاجها موجوده فالغرفة لغاية معجون الاسنان ومكنة الحلاقة ومعجونها وكرتونه مياة وكل تجهيزات المشاريب..
بالنسبه ليا اول ما استلمت الغرفة حجزت المكاعم الاضافيه لقيت متاح من اول ليله حجز حجزت مطعم اليا (السمك) وبعدين بدوية طبعا والايطالي واخر ليله مطعم الاستيك تشيموشوري
كلهم تحفه بصراحه بالنسبه للبسينات والبحر تحفه والمنتجع بصفه عامه جميل والانيميشن تيم بصراحه مبيستريحش علي طول لغاية ١٢ بالليل شغالين
وكيمو الجميل فاكهه الفندق
اقامتي كانت من ١٠ اكتوبر حتي ١٤ اكتوبر
السلبيات
اللوبي الخاص بالفندق مش مستوي الفندق
اوض الفاميلي بحسها بعيدة عن روح الفندق منطقة هاديه رغم انها فاميلي
طلبنا جولف كار تودينا البحر لقيت ده غير متاح واخره الريسيبشن
سلبيات مش هتأثر ابدا علي اقامتك
اللي اثر علي اقامتي ان الولاد تعبو مني وجالهم دور برد اول سنة الشتا يدخل بدري كدة رغم ان الغردقه كان الجو جميل بس واحنا مسافرين من القاهرة بردوا مني كان الجو برد فالشيخ زايد
شكرا لكل العاملين لفندق صن رايز وان شاء الله نقدر نحجز معاكم تاني بس بالاسعار الحظيدة دي يبقي صعب