بصراحه من افضل الفنادق اللي قضيت فيها اجازتي ، كل العاملين متعاونيين بداية من فريق الاستقبال ولغايه عمال النظافه ، الاكل روووعه ومتنوع ، فريق الانيميشن اكتر من رائع ، متعاونيين وعندهم انشطة كتيرة ومتنوعه، اكيد هتكون ليا زيارات تانيه
عزيزى مصطفى
نشكرك على اختياراك فندق لابراندا مكادى للاستمتاع بالاجازة الخاصه بك معنا ونشكرك على تعليقك الجميل وكلامك الرائع وان جميع الخدمات المقدمه قد نالت اعجابك واستمتعت معنا بجميع الخدمات المقدمه والبرامج والانشطه من فريف الانيمشن
نحن نسعى دائما لتقديم اعلى جوده من الخدمات لجميع النزلاء
نتطلع للترحيب بك مرة اخرى فى لابراندا كلوب
وشكرا
المدير الاقليمى وجميع العاملين
هيدى بن عيسى
الفندق في المجمل ممتاز لاجازة ممتعة و هاديه .
الاشغال الاجنبي عالي .. من المانيا و سويسرا و النمسا و روسيا .. تقريبا كنا الاسرة الوحيدة المصرية في الوقت دة.
الريسيبشن شيك و واسع و جميع العاملين بشوشين و مبتسمين .... بس التشيك إن هناك الساعة ٣ عصرا و دي حاجة مملة شويه و خصوصا لو وصلت بدري .. بس بصراحة الناس بتحاول تسرع الأمور علي قد ما تقدر .
الغرف مبدئيا مساحتها متوسطة و الفرش كويس جدا و مستوي النظافة عالي . طلبنا سرير للرضع ( كان حجمه كبير بصراحة ) و طلبنا كمان سرير أطفال ... جابوهم بسرعة جدا و من غير اي تكاليف إضافية.
الحمام نضيف لكن استايله قديم شويه ( دي حاجة مبتفرقش معايا طالما مستوي النظافة عالي ) .. المياه الساخنة موجودة علي طول و مستلزمات الحمام ( الشامبو و الشاور جل و اللوشن و بلسم الشعر بيتجددوا كل يوم . ... الهاوس كيبنج نشيطين جدا و دائما شايفهم حواليك .
حمام السباحة ... واسع جدا بس كنت مستغرب أن مفيش حد بينزله خالص و عرفت بعد كدة أن السخانات بشتغل علي أول شهر ديسمبر ... فأكيد محدش هاينزل حمام السباحة و هو تلج يعني . محتاجين كمان كوبري علي حمام السباحة بدل ما تضطر تلف حواليه علشان تروح البار للمشروبات و السناكس.
الشاطئ ... جميل جدا جدا .مساحته كبيرة . رملي و آمن للأطفال جدا و اللايف جارد مبيفارقش الشط و دايما بيتحرك علي طول الشط . و بصراحة ذوق جدا و متعاونين جدا .
الانيميشن .. لطاف جدا بيبقي فيه حفلات علي البسين و البحر و بالليل بيبقي فيه حفلة يوميه علي المسرح الروماني من الساعة ٩ لمدة ساعة و بعدين الحفلة بتحمل في ديسكو ( كوكو لوكو) بعد الساعة ١٠ .
المطعم ....
وجبة الإفطار ... في مطعم الشاطئ .. افضل وجبة في اليوم أصناف كتير جدا .. مخبوزات حلوة جدا و فيه مخبوزات بتتعمل طازة قدامك .. جودة الأجبان كويسة جدا .. الفرنش توست رهيب .. فيه استاند للاومليت و ستاند تاني للبيض السكرامبلد و العيون .. زبادي الموسلي حلو جدا .. و فيه اكتر من ماكينة نسكافيه موزعين في المطعم و المشروبات متنوعة جدا .
الغداء... في مطعم الشاطئ برده ... بيبقي يوميا في بيتزا بتتعمل طازة و دة ريحنا جدا مع الأطفال .. كان فيه مكس سي فود مشوي كان حلو جدا و الديك الرومي كان لطيف .
العشاء... في المطعم الرئيسي ... لطيف برده .. كان فيه حفلة مشويات في يوم و مهرجان المانجو في يوم تاني و حفلة الأسماك في يوم تالت .
المطاعم المتخصصة.. فيه اكتر من مطعم هناك في الشارع اللي بين فندق لابراندا club و لابراندا royal .. مطعم هندي و يوناني و صيني و مطعم السوشي و مطعم ايطالي و مصري و مطعم البرجر الأمريكي . دة غير المطعم الفرنسي في فندق royal و مطعم طاجين في فندق club المتخصص في الاكل المغربي و التونسي .. اثناء فترة إقامتك ممكن تختار مطعم او اكتر منهم للعشاء بدون تكاليف إضافية حسب طول فترة إقامتك ... تقريبا كل ٣ ليال ليك قصادهم دعوة لمطعم بالحجز من الريسيبشن.
أنا اخترت المطعم الصيني red dragon .. ديكورات حلوة و الموسيقى تخليك تحس انك في الصين .. الاكل بينزل سخن جدا و بيدخن ... تجربة لطيفة بصراحة.
اخترنا كمان المطعم الفرنسي wine house .. مطعم كلاسيك .. جودة الاكل كانت حلوة بصراحة و خصوصا طبق ال beef tenderloin .
اجازة ممتعة جدا . و ان شاء الله تتكرر تاني
عزيزى السيد محمد
نشكرك على اختياراك فندق لابراندا كلوب مكادى للاستمتاع بالاجازة الخاصه بك معنا ونشكرك على نعليقك الجميل وكلامك
ووصفك الرائع لجميع الخدمات المقدمه وجميع الانشطه والبرامج على مدار اليوم
وايضا جميع مطاعمنا المتخصصه ومستوى النطافه وجوده الخدمات المقدمه من قبل جميع الاقسام
نشكرا مرة اخرى ونتطلع للترحيب بك قريبا مرة اخرى فى لابراندا كلوب مكادى
المدير الاقليمى وجميع العاملين
هيدى بن عيسى
افضل فندق كانت تجربه ممتازه مع لابراندا قضينا اسبوع في الفندق وفعلا مكنتش عاوز امشي من لابراندا انا واسرتي اتبسطنا وكنا فرحانيين جدا مع كل حاجه في الفندق مع الاسطاف ومعاملتهم الكويسه الإستقبال محترم والكل وشكل البوفيه في كل وجبه حاجه مبهرة ومشجعه نرجع تاني البول تحفه وأكتر من واحد وديما نضيف الغرف روعه الفندق فيه اجمد فريق انيميشن في العالم بجد جامدين كل حاجه بيعملوها حلوه رقصهم وشوهات بليل تحفه والاكتيفيتي الصبح مسليه للوقت ومفيده اجمل اجازه قضيتها مع اهلي ودا فرحني اوي كنا مبسوطين في اجمل فندق احب اشكر اجمد فريق انيميشن واجمل فندق ف العالم .
عزيزى نادر
نشكرك على اختياراك فندق لابراندا مكادى للاستمتاع بالاجازة الخاصه بك معنا ونشكرك ايضا على تعليقك الجميل وكلامك الرائع ويسعدنا ان جميع الخدمات المقدمه قد نالت اعجابك واستمتعت معنا بجميع الانشطه والبرامج النقدمه من قسم الانيمشن والشوهات والحفلات المسائيه
نحن نسعى دائما لتقدبم اعلى جوده من الخدمات لجميع النزلاء
نتطلع للترحيب بك قريبا فى لابراندا كلوب مكادى
وشكرا
المدير الاقليمى وجميع العاملين
هيدى بن عيسى
مفيش احلي من كدة بصراحة استقبال رائع و سيرفيس علي اعلي مستوي و خدمة جميلة و غرفة اطلالة علي البحر وحمام السباحة تحفة و مطاعم و اكل ملهوش مثيل و الناس هنا متعاونة لابعد الحدود من قبل ما تكلم بيقدمولك اللي عاوزه و بارات افضل الكوكتيلات و فريق انميشن ممتع متزهقش منهم و لا من برامجهم الترفيهية و نضافة الشواطئ
عزيزى السيد بيشوى
نشكرك على اختياراك فندق لابراندا للاستمتاع بالاجازة الخاصه بك معنا
ونشكرك على تعليقك الجميل وكلامك الرائع وان جميع خدمتنا المقدمه قد نالت اعجابك
نتطلع للترحيب بك مرة اخرى فى لابراندا كلوب مكادى
المدير الاقليمى وجميع العملين
هيدى بن عيسى
الفندق جامد بجد اتبسطنا جدا فيه اكله كويس وشكله حلو البسين نضيف والبحر رملي والفيو تحفه وهادي
الاسطاف محترم جدا والاستقبال كان هائل وراقي
فريق الانيميشن بجد ناس جامده حاجه مبهرة عروضهم تحفه وبجد اتبسطنا معاهم النشاطات مسليه والوقت كان معاهم مبهج بجد اجمد فريق انيميشن ومخلي للفندق بهجه جامده الفندق نضيف وكل حاجه فيه متاحه تقضي اجمل وأمتع اجازه فيه
Dear Mahmoud Elfakharany,
Thank you for choosing our hotel and for taking the time to post your review on Tripadvisor!
We are happy to read that you enjoyed your stay with us and that you liked the food, the beach, the view, the cleanliness, the staff, the Animation Team and the shows so much.
It was a pleasure to host you and we hope to welcome you back again soon.
Kind regards,
Hedi Ben Aissa
Cluster General Manager
and the entire Team
