بصراحه الاوتيل محترم جدا جدا والناس هنا محترمين اوى كشيفات و انيميشن و كل الطقم و الروم سيرفيس على اعلى مستوى و ديه مش اول تجربه معاهم انا بقالى ٧ سنين هنا و اصراحه كل سنه احلى من اللى قبليها
صابرينا و ماستر عماد و ريكو و ميدو احلى انيمشن فى خلال ال٧ سنين اللى جيت فيهم

اول ما دخلت الفندق كان استقبال ممتاز جدا من موظف الرسيبشن وبعد ذهبت الي الغرفة وكان جميلة جدا ونظيفه وذهبت الي المطعم حقيقي الاكل جميل جدا والمشريب البار كانت لذيذه والاصطف كان اسلوب محترم جدا معانا وكمان شوفنا الانيميشن التيم كانو فعلا ممتعين للغاية وتقديم الشوهات جميلة ايضا اتمني اذهب الي الفندق مرة تانية شكرا فندق بريما لايف ❤

فندق prima life Makadi فعلا حلو جدا في كل حاجة وأنصح الناس انها تروح هناك.

انا كنت حاجز علي booking غرف budget وعند الوصول تم عمل upgrade للغرف مجانا.
ودا طبعا بمساعده استاذ أشرف في الاستقبال واختار لي غرف كويسة وفي مكان كويس.
وكمان طبعا استاذ عاصم في الاستقبال كان متعاون جدا

شكرا استاذ أشرف، استاذ عاصم علي تعاونهم المستمر طوال فترة الإجازة.

✅الغرفه
الغرفه نضيفه وكبيرة.. فيها سرير كبير جدا وسرير تاني كويس.. دا غير كنبة وكرسيين جوا الغرفة وكراسي برا في البلكونة....
الغرفة دي كانت أرضي علي الجاردن.

✅هاوس كيبنج
كانو كويسين جدا و اول ما وصلت اتصلوا بيا كتير لو محتاج اي حاجة.
شكرا علاء... علي اهتمامه وكل شوية يسأل لو محتاجين حاجه.

✅الاكل
الفندق في مطعم رئيسي و حوالي ٣ مطاعم فرعيين و دول بالحجز من الساعه ١ (مجانا).

المطعم الرئيسي نظيف و الاكل كله حلو جدا فطار وغدا وعشاء وبيكون كل يوم حاجه مختلفه.
وكمان فيه سناكس متنوعة ما بين سندوتشات برجر و سوسيس و بيتزا و شاورما و بطاطس محمرة علي البحر والبسين.... لحد الساعه ٤
وايس كريم لحد الساعه ٥

بشكر جدا الشيف سامي اللي كان دائما من اول يوم يعدي يشوف ايه رأينا في الأكل.
وبشكر الشيف يوسف انه عمل لنا في آخر يوم طبق سلطة مخصوص تحفة...

جربت واحد من المطاعم الفرعيه و هو مطعم الاسماك اللي علي البحر و كان ظريف.
كان فية شوربة وسلطة وطبق ميكس.

و للمشروبات شغاله ٢٤ ساعة

✅ في يوم بنتي اتعمل لها اكل مخصوص علشانها.

✅ الانميشن
كان حلو بالليل.... شكرا ل الانيميشن تيم كله على حفلاتهم و اهتمامهم بالنزلاء جدا و بالذات الأطفال....

شكرا prima life