اول زياره ليا فنويبع و مش اخر زياره
حابه اشكر فندق كورال نويبع عالاستضافه الهايله دى بدايه مستر عمرو من الرسبشن اللى استحمل اسئلتى الكتير قبل السفر و طول الوقت بيرد عليا
ثانيا شط الفندق كبير جدا جدا لدرجه انك صعب يبقى فى حد قاعد قريب منك هتحس ان البحر بتاعك لوحدك الشط رملى و مهتمين بنضافته جدا و الميه صافيه لدرجه انك تقدر تشوف اللى تحت الميه و انت واقف
كمان عاملين ممشى خشب حلو اوى فوسط الميه تقعد عليه بالليل و تشوف السمك تحتك منظره حلو اوى
تالت حاجه الغرفه مساحتها كبيره فعلا و نضيفه جدا و فيها كل ال facilitates اللى هتحتاجها
الاكل كان مفاجئه سواء الفطار او العشا كان حلو جدا و فى تنوع و المشويات عندهم حاجه تانيه فعلا من احلى المشويات اللى اكلتها فحياتى
حابه اشكر الاستاف اللى طول الوقت بيضحكو فوشك فاى مكان تروحه
I highly recommend this hotel 👍👍

فندق مريح للأعصاب و فريق العمل كله محترمين و محبوبين سيماهم في وجوههم فعلا ، الشاليهات نظيفة من الداخل و مريحه أيضا ، و الشط كان من افضل الشواطئ و خصوصا ليلا ، و المطعم الاكل ليس بسئ و لكنه غير متونع و الشيف اللي بيشوي اكله حلو جدا اكتر اكل عجبني و مكنتش باكل غيره ، هو مكان للهدوء و الاستجمام

مرضي

➖ اولا موظف الاستقبال اسلوبه غير جيد و عند الوصول سكنا فى غرف ثنائية على الرغم من ان الحجز ثلاثى ، ثم نقلنا الى غرف ثلاثية فى مبنى شبه مهجور و ملوش اى view و بعد مناقشات كتيرة نقلنا ل غرف ثلاثية على ال view , طيب كان ليه الازعاج من الاول !! ، ثانياً الآثاث قديم جداً و المكان يحتاج تطوير بشكل كبير ، كأنه لم يُطور من التسعينات ، الخدمات قليلة جداً الصيدلية مهجورة من 5 سنين مثلاً و البازار فيه منتجات منتهية الصلاحية من 2012، ثالثا فى اى hotel محترم بيكون فى dress code , عند دخول الريسبشن او المطعم ، مينفش يبقى فى guest ماشى فى المكان كله حافى او بالمايوه و للعلم الguest دول مش مصريين ، رابعاً ال wifi اكثر من سيئ ، خامساً فى معظم الاماكن بيتم توزيع زجاجة او 2 مياه و الزيادة تكون على حساب الguest , انما هنا مفيش نقطة ميه غير على الافطار و العشاء !!! ، سادساً البوفيه غير متنوع بشكل كافى و افضل ما فيه المشويات ، سابعاً مفيش اى night activities زى حفلات حتى لو بسيطة ، ثامناً مفيش اى انشطة الأطفال ولا kids area .. و الالعاب الموجودة مكسرة

➕ الشاطئ جميل جداً ، العاملين (بعيداً عن العاملين فى الريسبشن ) ودودين و helpful , خصوصا فى المطعم